Números 8:19 - Q'eqchi Bible

¹⁹ Laa'in xinsik' ruheb' sa' xyanqeb' laj Israel ut xinq'axtesiheb' re laj Aharón ut eb' li ralal, re naq te'k'anjelaq sa' li Loq'laj Na'ajej sa' xk'ab'a'eb' laj Israel, ut te'mayejaq chirixeb' laj Israel re xkuyb'al xmaakeb'. Relik chi yaal naq ink'a' te'kamq naq te'nach'oq chi xk'atq li Loq'laj Na'ajej”.

Li Santil hu

¹⁹ La̱in quinsicꞌ ruheb laj levita saꞌ xya̱nkeb chixjunileb laj Israel ut xebinqꞌue chixtenkꞌanquileb laj Aarón ut eb li ralal saꞌ li tabernáculo. Eb aꞌan teꞌmayejak saꞌ xcꞌabaꞌeb laj Israel re nak ma̱cꞌaꞌ raylal teꞌxcꞌul nak teꞌnachꞌok riqꞌuin li tabernáculo eb laj Israel, chan li Dios.

Números 8:19 ပူးပေါင်းရင်းမြစ်များ

Números 1:53

ut eb' laj Leví te'xyiib' li xmuheb'aaleb' chi xsutam li Loq'laj Muheb'aal ut te'iloq re, re naq michalk xjosq'il li Qaawa' sa' xb'eeneb' laj Israel”, chan li Qaawa'.

Números 16:46

laj Moisés kixye re laj Aharón: “Xok laaxanxaar, k'e xam chisa' xkomon li wank sa' li artal, ut k'e ajwi' li pom. Chirix a'an ayu chi junpaat wankeb' wi' li komonil ut taatoj rix li xmaakeb'. Xb'aan naq xnumtaak li xjosq'il li Qaawa' ut ak xtiklaak li raxkamk”, chan.

1 Samuel 6:19

Sa' xyanqeb' laj Bet-Semes wankeb' ink'a' ke'saho'k xch'ool naq ke'ril li xLoq'laj Kaax li Qaawa'. Jo'kan naq li Yos kixk'e chi kamk lajeeb' xkaak'aal chi winq, ut eb' li tenamit ke'wank sa' rahil ch'oolej xb'aan naq q'axal ke'rahob'tesiik xb'aan li Qaawa'.

Números 8:18

“Jo'kan naq laa'in xink'ameb' cho'q we laj Leví, ruuchileb' chixjunileb' li xb'een ralaleb' laj Israel.

Números 8:20

Laj Moisés, laj Aharón ut chixjunil li xkomonileb' laj Israel ke'xb'aanu reheb' laj Leví chixjunil li yeeb'il xb'aan li Qaawa' re laj Moisés.

Éxodo 12:50

Chixjunileb' laj Israel ke'xb'aanu chi jo'kan: ke'xpaab' li ke'taqlaak wi' laj Moisés ut laj Aharón xb'aan li Qaawa'.

Números 1:50

k'eheb' b'an chi k'anjelak sa' li Loq'laj Na'ajej, ut a'aneb' li te'iloq re chixjunileb' li k'anjelob'aal ut li k'a'aq re ru wank aran. Eb' a'an te'k'amoq re li Loq'laj Muheb'aal ut chixjunileb' li xk'anjelob'aal; te'k'anjelaq chisa' ut te'xk'ojob' li xmuheb'aaleb' chi xsutam li Loq'laj Muheb'aal.