Números 8:17 - Q'eqchi Bible

¹⁷ Xb'aan naq weheb' chixjunileb' li xb'een ralaleb' laj Israel, jo' li ralaleb' li winq malaj li xb'een raleb' li ketomq: kinsik'eb' ru cho'q we sa' li kutan kinsacheb' wi' chixjunil li xb'een ralaleb' laj Ejiipt.

Li Santil hu

¹⁷ Chixjunileb li xbe̱n ralaleb laj Israel, aꞌan cueheb la̱in. Ut cueheb ajcuiꞌ li xbe̱n raleb li xul li te̱lom. La̱in quinsiqꞌueb ru nak quinqꞌueheb chi ca̱mc li xbe̱n alalbej aran Egipto.

Números 8:17 ပူးပေါင်းရင်းမြစ်များ

Éxodo 13:2

“Q'axtesinb'ilaqeb' sa' wuq' chixjunileb' li xb'een alalb'ej, chixjunil li xb'een ralaleb' laj Israel, jo' winq jo' xul, xb'aan naq we chixjunileb'”.

San Lucas 2:23

jo' tz'iib'anb'il sa' li xChaq'rab' li Qaawa': “Chixjunil li xb'een alalb'ej teloom q'axtesinb'ilaq sa' ruq' li Qaawa'”.

Santiago 1:18

A'an sa' xch'ool x'alaak qayoob'tesinkil rik'in li Aatin re li yaal, re naq laa'ohaq jo' xb'een ru li awimq sa' li xyoob'tesihom.

Hebreos 11:28

Sa' xk'ab'a' li xpaab'aal kixninq'ehi li Paswa ut kixtaqlaheb' laj Israel chi xkirkisinkil li kik' re naq laj Kamsinel ink'a' tixch'e'eb' li xb'een ralaleb'.

Hebreos 10:29

Ma ink'a' nekek'oxla naq numtajenaq chik ra tixk'ul li ani xyeq'i sa' roq li Ralal li Yos, a' li xtz'eqtaana xkik'elil li Sumwank li xsantob'resiik wi', jo' ajwi' xmajewa li Musiq'ej nak'ehok li usilal?

San Juan 17:19

Ut sa' xk'ab'a'eb' a'an ninsantob'resi wib', re naq santob'resinb'ilaqeb' ajwi' a'an rik'in li yaal.

San Juan 10:36

k'a'ut naq chiwix laa'in li kinxsantob'resi li Yuwa'b'ej ut kinxtaqla chaq sa' ruuchich'och' nekeye naq ninmajewa li Yos xb'aan naq xinye: «Ralalin li Yos»?

Ezequiel 20:12

Kink'e ajwi' chi xloq'oniheb' li xwuq li kutan, ut a'an kikanaak jo' eetalil rik'ineb' a'an ut laa'in, re raj te'xjultika naq laa'in, li Qaawa', insantob'resihomeb' cho'q intenamit.

Salmos 135:8

Kixk'eheb' chi kamk li xb'een ralal xk'ajoleb' laj Ejiipt, jo'wi' chixjunileb' li xb'een ral li ketomq.

Salmos 105:36

Ut kixk'e chi kamk chixjunileb' li xb'een alalb'ej, eb' li q'axal kaweb' rib' sa' xyanqeb' laj Ejiipt.

Salmos 78:51

Kixkamsiheb' li xb'een ralaleb' laj Ejiipt, eb' li q'axal kaweb' rib' sa' xmuheb'aaleb' laj Kam.

Números 3:13

xb'aan naq weheb' chixjunil li xb'een alalb'ej. Sa' li kutan naq kinrahob'tesi chixjunileb' li xb'een ralaleb' laj Ejiipt, kinraheb' cho'q we chixjunileb' li xb'een ralaleb' laj Israel, jo'eb' li winq, jo'kan ajwi' eb' li xb'een ral li ketomq. Weheb' laa'in. Laa'in li Qaawa'”.

Levítico 27:26

“Maajun truuq tixmayeja li xb'een ral li xketomq: a'an ak re li Qaawa', xb'aan naq xb'een aleb'. Us ta junaq ch'ina wakax malaj junaq ch'ina karneer, a'an re li Qaawa'.

Éxodo 29:44

Tinsantob'resi li xMuheb'aal li ch'utam ut li artal, ut tinsantob'resi ajwi' laj Aharón ut eb' li ralal re naq te'k'anjelaq chiwu cho'q aj tij.

Éxodo 12:29

Tuqtu q'oqyink li Qaawa' kulxtiq' chixjunileb' li xb'een alalb'ej sa' li tenamit Ejiipt, chalen li xb'een ralal laj Parahón li wank sa' xk'ojarib'aal li xyuwa' toj rik'in li xb'een ralal li tz'aptz'o sa' tz'alam, jo' ajwi' li xb'een ral chixjunileb' li ketomq.

Números 8:18

“Jo'kan naq laa'in xink'ameb' cho'q we laj Leví, ruuchileb' chixjunileb' li xb'een ralaleb' laj Israel.