Números 8:14 - Q'eqchi Bible

¹⁴ Jo'ka'in naq taajek'eb' laj Leví sa' xyanqeb' laj Israel re naq te'k'anjelaq chiwu.

Li Santil hu

¹⁴ Joꞌcaꞌin nak ta̱cuisiheb laj levita saꞌ xya̱nkeb laj Israel. Ut cuehakeb chic laj levita.

Números 8:14 ပူးပေါင်းရင်းမြစ်များ

Malaquías 3:17

Toja' naq li Nimajwal Yos kixye: “Yookin chi xkawresinkil jun li kutan, b'arwi' a'aneb' tz'aqal intenamitaqeb' wi' chik, ut tinkuy li xmaakeb' jo' naq jun li yuwa'b'ej naxkuy xmaak li ralal li nak'anjelak chiru.

Números 18:6

Laa'in xinsik' ruheb' laakomon aj Leví sa' xyanqeb' laj Israel. A'aneb' jun maatan li ninq'axtesi eere; ak q'axtesinb'ileb' re li Qaawa' re te'k'anjelaq sa' li Loq'laj Muheb'aal.

Números 3:45

“Q'axtesiheb' we eb' laj Leví cho'q ruuchileb' chixjunil li xb'een ralaleb' laj Israel. Jo'kan ajwi' q'axtesi we li xketomq eb' laj Leví cho'q ruuchileb' li xketomq eb' laj Israel, xb'aan naq wehaqeb' laj Leví. Laa'in li Qaawa'.

Hebreos 7:26

A'an a'in li xyuwa'il aj tij li tz'aqal aajel ru cho'q qe: sant, maak'a' xmaak, maak'a' xmuxul, jek'b'il rik'ineb' laj maak, kitaqsiik toj sa xb'een li choxa.

Gálatas 1:15

A'ut li Yos li kisik'ok wu chalen chaq sa' linsiyajik rik'in linna' ut kinxb'oq xb'aan xnimal rusilal, kixk'ul xch'ool xk'utb'al chiwu li Ralal, re naq tinpuktesi resil sa' xyanqeb' li maawa'eb' aj Judiiy. Toja' naq ink'a' koxinpatz' inna'leb' re junaq winq

Romanos 1:1

Laa'in laj Pablo, xmoosin li Kristo Jesus, b'oqb'ilin chi wank cho'q apóstol ut sik'b'il wu chi xpuktesinkil li xChaab'il Esil li Yos

Deuteronomio 10:8

Sa'eb' li kutan a'an li Qaawa' kixxaqab'eb' li ralal xk'ajol laj Leví chi xpaqonkil li Loq'laj Kaax wan wi' li xSumwank li Qaawa', re naq wanqeb' chi k'anjelak chiru li Qaawa' ut te'xtz'aama li rosob'tesinkileb' li tenamit. Ut jo'kan ke'xb'aanu chalen toj anaqwan.

Números 8:17

Xb'aan naq weheb' chixjunileb' li xb'een ralaleb' laj Israel, jo' li ralaleb' li winq malaj li xb'een raleb' li ketomq: kinsik'eb' ru cho'q we sa' li kutan kinsacheb' wi' chixjunil li xb'een ralaleb' laj Ejiipt.

Números 6:2

“Ye a'in reheb' laj Israel: Wi junaq winq malaj ixq taa'ok cho'q aj nasireo, naraj naxye tixmayeja rib' chi k'anjelak chiru li Qaawa',

Números 3:12

“K'e reetal naq xinsik' ruheb' laj Leví sa' xyanqeb' laj Israel, ruuchileb' chixjunileb' li xb'een ralaleb' laj Israel. Wehaqeb' laj Leví,

Números 8:13

Chirix chik a'an, taaxaqab'eb' laj Leví chiru laj Aharón ut chiruheb' li ralal, ut taaq'axtesiheb' chiru li Qaawa' cho'q mayej.

Números 3:9

Taaq'axtesiheb' laj Leví re laj Aharón jo' ajwi' reheb' li ralal xk'ajol cho'q xmaataneb': siib'ilaqeb' sa' xk'ab'a'eb' chixjunil laj Israel.