Números 7:89 - Q'eqchi Bible

⁸⁹ Naq laj Moisés ki'ok sa' li Loq'laj Na'ajej re aatinak rik'in li Qaawa', kirab'i li xyaab' xkux sa' xb'een li xtz'apb'al xb'een li xLoq'laj Kaaxil li Sumwank, sa' xyanqeb' li wiib' chi kerubín. Tojo' naq ki'aatinak rik'in li Qaawa'.

Li Santil hu

⁸⁹ Nak laj Moisés qui-oc saꞌ li tabernáculo chi a̱tinac riqꞌuin li Ka̱cuaꞌ, quirabi xya̱b xcux li Ka̱cuaꞌ nak yo̱ chak chi a̱tinac saꞌ xyi li cuib chi querubines li cuan saꞌ xbe̱n lix tzꞌapbal re li Lokꞌlaj Ca̱x li cuan cuiꞌ lix contrato li Dios.

Números 7:89 ပူးပေါင်းရင်းမြစ်များ

Hebreos 4:16

Jo'kan utan, jiloqo chi tuqtuuq qach'ool rub'el roq wan wi' li usilal; ut chi jo'kan toxqak'ul li ruxtaan ut toxqataw li rusilal re naq tenq'anb'ilaqo tz'aqal sa' xq'ehil.

Salmos 99:1

Li Qaawa' na'awab'ejink, ut neke'xiwak eb' li tenamit. Nak'ojlaak sa' xb'eeneb' li kerubín, ut na'eek'ank chixjunil li ruuchich'och'.

Salmos 80:1

Re li xjolomileb' laj b'ichanel. Taab'ichamanq jo' chanru li xyaab': “Eb' li xliryo li sumwank”. Xsaalm laj Asaf.

1 Pedro 1:12

Li Yos kixk'utb'esi chiruheb' li propeet naq moko cho'q reheb' ta a'an, eere b'an laa'ex taak'anjelaq chixjunil a'in, a' wi' chikeb' li ánjel neke'raj raj xka'yankil. Ut anaqwan a'in xch'olob'aak cheru xb'aaneb' li xe'puktesink re li Chaab'il Esilal eere, rik'in li Santil Musiq'ej taqlanb'il chaq sa' choxa.

1 Reyes 6:23

Sa' li Santil Na'ajej kixyiib' ajwi' wiib' kerubín aj oxib' moqoj xteram.

1 Samuel 4:4

Toja' naq eb' li tenamit ke'xtaqlaheb' aj k'amonel aran Siló ut ke'xxok chaq li xLoq'laj Kaaxil li xSumwank li Nimajwal Yos, li nahilank sa' xb'eeneb' li kerubín. Eb' li ke'ochb'eenink re li xLoq'laj Kaaxil li xSumwank li Yos, a'aneb' laj Ofní ut laj Pinjás, li wiib' chi ralal laj Elí.

Números 12:8

Rik'in a'an nin'aatinak chi naqaka'ya qib', chi ch'olch'o ru ut ink'a' sa' jaljookil ru aatin. Ut wi a'an naril wu, k'a'ut naq nekewech' rix?”.

Números 1:1

Li Qaawa' kiraatina laj Moisés sa' li chaqich'och' re Sinaí, sa' li Loq'laj Muheb'aal, sa' li xb'een kutan re li xkab' po, ak wank chik xkab' chihab' relikeb' chaq laj Israel aran Ejiipt, ut kixye re:

Levítico 1:1

Li Qaawa' kixb'oq laj Moisés sa' li Loq'laj Muheb'aal, ut kixye re chi jo'ka'in:

Éxodo 40:34

Toja' naq li choql kixmuheela li xMuheb'aal li ch'utam ut kinujak li Loq'laj Muheb'aal rik'in li xnimal xloq'al li Qaawa'.

Éxodo 40:35

Ink'a' kiruuk laj Moisés chi ok sa' xMuheb'aal li ch'utam, xb'aan naq li choql nahilank aran sa' xb'een, ut nujenaq li Loq'laj Muheb'aal rik'in li xnimal xloq'al li Qaawa'.

Números 8:1

Li Qaawa' kixye re laj Moisés:

Números 11:17

Laa'in tinkub'eeq chi aatinak aawik'in aran; tink'e reheb' kach'inaq li musiq'ej wank aawik'in re naq tate'xtenq'a chi rilb'al li tenamit a'in. Chi jo'kan ink'a' wanqat aajunes.