Números 6:9 - Q'eqchi Bible

⁹ “Wi taakamq junaq chi nach' rik'in ut chi maak'a' sa' xch'ool, ut chi jo'kan tixmux rismal xjolom laj nasireo, a'in tixjo li rismal naq tixch'ajob'resi rib' sa' xwuq li kutan.

Li Santil hu

⁹ Muxbilak chic ru li rismal xjolom junak aj nazareo cui nacam junak chi nachꞌ riqꞌuin chi ma̱cꞌaꞌ saꞌ xchꞌo̱l. Tento nak saꞌ xcuuk li cutan tixsantobresi rib ut tixjo rismal xjolom.

Números 6:9 ပူးပေါင်းရင်းမြစ်များ

Números 6:18

Toja' naq laj nasireo tixjo li rismal xjolom sa' rokeb'aal li Loq'laj Na'ajej; tixxok li rismal ut toxk'e sa' li xam yo wi' chi k'atk li mayej re k'amok ib' sa' usilal.

Hechos 18:18

Toj naab'al kutan chik kikanaak laj Pablo aran; toja' naq kixchaq'rab'iheb' laj paab'anel ut koho chiru ha' sa' xjayal Siria rochb'een lix Priscila ut laj Akila. Sa' li tenamit Senkreas koxk'e chi b'ese'k li rismal xb'aan naq wank xyeechi'om re li Qaawa' sa' jurament.

Levítico 14:9

Sa' xwuq li kutan tixb'es li rismal xjolom, tixjo li xmach, li rismal wank sa' xb'een rilob'aal ut chixjunil sa' xtoon xkux; tixpuch' li raq' ut taa'atinq. Chi jo'kan taakanaaq chi ch'ajob'resinb'il.

Hechos 21:27

Raqe'kaq re li wuqub' kutan, eb' laj Judiiy chalenaqeb' chaq Asia ke'ril laj Pablo sa' rochoch li Yos; jo'kan naq ke'xpoqoqi chixjunil li tenamit, ke'xchap li apóstol

Levítico 14:8

“Ani tixch'ajob'resi rib' tento tixpuch' li raq', tixch'aj rib' xjunes ut tixjo chixjunil li rismal, re naq taakanaaq chi ch'ajob'resinb'il. Chirix chik a'an taaruuq chi ok sa' li tenamit, ab'an toj wuqub' kutan chik tento twanq chirix li xmuheb'aal.

Números 6:8

Jo' najtil taawanq cho'q aj nasireo, q'axtesinb'ilaq chiru li Qaawa'.

Deuteronomio 21:12

naru taak'am sa' laawochoch. Ab'anan xb'enwa li ixq a'an tixk'e chi b'ese'k li rismal xjolom, tixset li rixi'jil li ruq',

Ezequiel 44:27

Sa' li kutan naq te'ok wi' chik chiru li neb'aal wank chisa', re xb'aanunkil li xk'anjeleb', tento te'mayejaq chirix li maak. Laa'in, li Qaawa', xinyehok re a'in.