Números 6:27 - Q'eqchi Bible

²⁷ Jo'ka'an naq te'xyaab'a link'ab'a' sa' xb'eeneb' laj Israel, ut laa'in twosob'tesiheb'”.

Li Santil hu

²⁷ Joꞌcaꞌin nak teꞌxya̱ba lin cꞌabaꞌ saꞌ xbe̱neb laj Israel. Ut la̱in tincuosobtesiheb, chan li Dios.

Números 6:27 ပူးပေါင်းရင်းမြစ်များ

2 Crónicas 7:14

ut wi lintenamit, li naxk'am link'ab'a', te'xkub'si rib', te'tijoq, tine'xsik' ut te'xkanab' li xyib'al ru xna'leb'eb', laa'in te'wab'i toj sa' choxa, tinkuy li xmaakeb' ut tink'ojob' wi' chik xch'ooleb'.

Deuteronomio 28:10

Toja' naq chixjunileb' li tenamit li wankatqeb' sa' ruuchich'och' te'ril naq sa' aab'een laa'at yaab'anb'il li xk'ab'a' li Qaawa', ut tate'xxiwa.

Efesios 1:3

Usilaatinanb'il taxaq li Yos, xYuwa' li Qaawa' Jesukriist, li ki'osob'tesink qe sa' xk'ab'a' li Kriist rik'in chixjunil rosob'tesihom li Musiq'ej toj sa' choxa.

Jeremías 14:9

K'a'ut naq kama'at li winq sachenaq xna'leb'? Jo'kat junaq aj puub' li ink'a' naruhank chi tenq'ank. Ab'anan laa'at wankat sa' qayanq, at Qaawa', ut laa'o laatenamit q'axtesinb'il aawe: moohaakanab' qajunes anaqwan!

Isaías 43:7

k'ameb' chaq chixjunileb' li neke'patz'ok ink'ab'a', eb' li xinyoob'tesiheb', xinwinqob'resiheb' ut xinkawresiheb' re naq te'xloq'oni wu».

Salmos 5:12

Che'saho'q sa' xch'ool eb' li neke'muhenk aawik'in, chiwanq xnimal sahil ch'oolej chi junelik! Laa'at nakatkupunk reheb', ut k'ajo' neke'saho'k sa' xch'ool li neke'rahok aawe, at inYos.

1 Crónicas 4:10

Laj Yabés kitijok chiru li xYos laj Israel ut kixye: “At Qaawa', nintz'aama chawu naq chinaawosob'tesi ut taak'e junaq inch'och' numtajenaq nim. Chinaatenq'a taxaq ut chinaakol chiru li maa'usilal, re naq ink'a' tin'iloq rahilal”, chan. Ut li Yos kixk'e re li k'aru kixpatz'.

Génesis 32:29

Kixpatz' laj Jakob: “B'aanu usilal, ye we laak'ab'a'”, chan. Ab'an li winq kixye: “K'a' aj e naq nakapatz' link'ab'a'?”. Ut kirosob'tesi aran.

San Mateo 28:19

Ayuqex b'i', ut k'ehomaqeb' cho'q intzolom chixjunileb' li tenamit. Teekub'siheb' xha' sa' xk'ab'a' li Yuwa'b'ej, li K'ajolb'ej ut li Santil Musiq'ej,

Salmos 67:7

Li ch'och' ak xk'ehom li xloq'laj awimq: li qaYos yo chi qosob'tesinkil.

Números 23:20

K'e reetal, xinxb'oq chaq chi osob'tesink: jo'kan naq tin'osob'tesinq, ut ink'a' tinch'ina linch'ool.

Génesis 32:26

Kixye li winq: “Ach'ab'in, xb'aan naq ak saqewk re”. Kichaq'ok laj Jakob: “Ink'a' tatwach'ab' toj reetal tinaawosob'tesi”, chan.

2 Samuel 7:23

Maajun chik tenamit wank sa' ruuchich'och' jo' laatenamit. “Laa'at, at Qaawa', xatkolok reheb' laj Israel, re naq a'anaqeb' laatenamit; xanima li xk'ab'a'eb' ut xab'aanu li sachb'ach'oolej q'axal ninqeb' ut xiwajeleb' xb'aan xnimal laarahom. Xawisiheb' sa' ruq'eb' laj Ejiipt ut xawaanilasiheb' li poyanam ut eb' li jalanil yos chiru laatenamit.

Éxodo 6:3

Xink'ut wib' jo' Nimajwal Yos chiru laj Abrahán, laj Isahak ut laj Jakob, ab'anan ink'a' xink'eheb' chixnaw lintz'aqal k'ab'a': a' li Qaawa'.