Números 6:18 - Q'eqchi Bible

¹⁸ Toja' naq laj nasireo tixjo li rismal xjolom sa' rokeb'aal li Loq'laj Na'ajej; tixxok li rismal ut toxk'e sa' li xam yo wi' chi k'atk li mayej re k'amok ib' sa' usilal.

Li Santil hu

¹⁸ Laj nazareo tixjo li rismal xjolom saꞌ li oqueba̱l re li tabernáculo. Tixcꞌam li rismal li ac kꞌaxtesinbil re li Ka̱cuaꞌ ut tixqꞌue saꞌ li xam li yo̱ cuiꞌ chi cꞌatc li mayej re xcꞌambal rib saꞌ usilal riqꞌuin li Ka̱cuaꞌ.

Números 6:18 ပူးပေါင်းရင်းမြစ်များ

Hechos 21:24

K'ameb' chawix, ch'ajob'resi aawib' aawochb'eeneb' ut tojon chirixeb', re naq te'ruhanq chi xt'ojob'ankil li xjolomeb'. Chi jo'kan chixjunileb' te'xtaw ru naq moko yaal ta li xe'rab'i chawix, ut te'xk'e reetal naq laa'at ajwi' aj paab'anelat re li Chaq'rab'.

Números 6:9

“Wi taakamq junaq chi nach' rik'in ut chi maak'a' sa' xch'ool, ut chi jo'kan tixmux rismal xjolom laj nasireo, a'in tixjo li rismal naq tixch'ajob'resi rib' sa' xwuq li kutan.

Hechos 18:18

Toj naab'al kutan chik kikanaak laj Pablo aran; toja' naq kixchaq'rab'iheb' laj paab'anel ut koho chiru ha' sa' xjayal Siria rochb'een lix Priscila ut laj Akila. Sa' li tenamit Senkreas koxk'e chi b'ese'k li rismal xb'aan naq wank xyeechi'om re li Qaawa' sa' jurament.

Efesios 1:6

re naq taanimaaq xloq'al li usilal koorusila wi' sa' xk'ab'a' li xraarookil Alal.

Hechos 21:26

Toja' naq laj Pablo kixk'ameb' li winq a'an chirix ut, sa' li kutan jun chik, koxxch'ajob'resi rib' rochb'eeneb' ut ki'ok sa' rochoch li Yos re xyeeb'al xtz'aqlojik xkutankileb' li ch'ajob'resij ib', naq tento xb'aanunkil li mayejak chirix li junjunq.

San Lucas 17:10

Jo'kanaqex ajwi' laa'ex: naq akaq xeb'aanu chixjunil li xextaqlaak wi', cheyehaq: «Laa'o yal aj kok' k'anjel. Ka'ajwi' xqab'aanu li tento sa' qab'een xb'aanunkil»”.

Números 6:5

Jo' najtil taawanq cho'q aj nasireo ink'a' tixb'es li rismal xjolom. Toj reetal taatz'aqloq xkutankil li xmayejankil rib' chi k'anjelak chiru li Qaawa', loq' li winq a'an ut tixkanab' chi chamo'k li rismal xjolom.

Hechos 21:23

Naqatz'aama usilal, b'aanu li tqaye aawe: Wankeb' sa' qayanq kaahib' chi winq li tento sa' xb'eeneb' xb'aanunkil li k'aru xe'xyeechi'i re li Qaawa' sa' jurament.

Números 6:17

Tixq'axtesi re li Qaawa' li karneer re k'amok ib' sa' usilal rik'in li Qaawa', rochb'een li ch'ina chakach chi wa ink'a' yuub'il. Tikto tixmayeja li k'atb'il mayej rochb'een li b'iin.