Números 5:9 - Q'eqchi Bible

⁹ “Ut chixjunil li mayej neke'xk'e eb' laj Israel, a'an taakanaaq cho'q re laj tij.

Li Santil hu

⁹ Chixjunileb li lokꞌlaj mayej li nequeꞌxqꞌue re li Ka̱cuaꞌ eb laj Israel teꞌcana̱k chokꞌ reheb laj tij li teꞌcꞌuluk re li mayej.

Números 5:9 ပူးပေါင်းရင်းမြစ်များ

Números 18:19

Chixjunil li loq'laj mayej te'xyeechi'i we eb' laj Israel, tink'e aawe laa'at, eb' laawalal ut eb' laarab'in. A'an a'in jun chaq'rab' chi junajwa. A'an jun sumwank chi junelik li xink'ojob' rik'in atz'am aawik'in ut rik'ineb' laawalal aak'ajol”, chan li Qaawa'.

Éxodo 29:28

Ut a'an tkanaaq cho'q re laj Aharón ut reheb' li ralal: xsihom eb' laj Israel, xb'aan naq q'axtesinb'il mayej; q'axtesinb'il xb'aaneb' laj Israel naq yooqeb' chi yeechi'ink mayej, q'axtesinb'il mayej cho'q re li Qaawa'. A'an jun xchaq'rab' li Qaawa' teneb'anb'il sa' xb'eeneb' laj Israel chi junelik.

Levítico 10:13

Tzekahomaq sa' junaq loq'laj na'ajej, xb'aan naq a'an li xextz'aqk laa'at ut eb' laawalal xkomon li mayej nak'atmank sa' xk'ab'a' li Qaawa'. A'an a'an li chaq'rab'inb'ilin wi'.

Levítico 6:26

Laj tij li taayeechi'inq mayej chirix li maak, naru tixtzeka b'ayaq re, ab'an tento tixtzeka chaq sa' junaq loq'laj na'ajej, chiru xneb'aalil li Loq'laj Muheb'aal.

Levítico 7:32

Li ra' li xul wank sa' xnim, a' li xmayejamank re k'amok ib' sa' usilal rik'in li Yos, taak'eemanq re laj tij jo' junaq tenq'aal.

Levítico 7:34

xb'aan naq li mayej re k'amok ib' sa' usilal, li neke'xk'e we eb' laj Israel, laa'in xinra li re xmaqab' cho'q chaab'il mayej, ut li ra' xink'uula jo' jun tenq'aal, ut xink'e re laj Aharón ut reheb' li ralal xk'ajol. A'an a'in jun chaq'rab' wank xwankil chi junelik”.

Levítico 10:14

Ut li re xmaqab', li chaab'il mayej, ut li ra' (a'an li tenq'aal) tento naq teetzeka sa' junaq saab'esinb'il na'ajej, laa'at ut eb' laawalal aak'ajol malaj laarab'in, xb'aan naq a'an li textz'aq xkomon li mayej re k'amok ib' sa' usilal, xmayejeb' laj Israel.

Levítico 10:15

Li ra', a' li tenq'aal, ut li re xmaqab', li chaab'il mayej, taak'ame'q chiru li Qaawa' ut taaq'axtesimanq jo' chaab'il mayej, rochb'een li xeeb' li nayeechi'imank chi k'ate'k. A'an a'in tattz'aq chi junelik, laa'at ut eb' laawalal aak'ajol, jo' xchaq'rab'ihom li Qaawa'.

Números 5:8

Ut wi li winq maak'a' rech'alal re tixk'ul xtojb'al li maak, chixjunil taak'eemanq re li Qaawa' jo'wi' re laj tij; ut tixk'e ajwi' karneer li tixmayeja laj tij re xtojb'al rix li maak.

Números 31:41

Laj Moisés kixk'e re laj Elehasar laj tij li reechanihom li Qaawa', jo' chanru yeeb'il re xb'aan li Qaawa'.

Deuteronomio 12:26

Li k'a'aq re ru ak q'axtesinb'il re li Yos ut ak aayeechi'om sa' jurament, tento taaq'axtesi sa' li na'ajej sik'b'il ru xb'aan li Qaawa'.