Números 5:18 - Q'eqchi Bible

¹⁸ Laj tij tixxaqab' li ixq chiru li Qaawa', tixhit li rismal xjolom ut tixk'e sa' ruq' li mayej chirix li sowenak. Li ha' re li rahilal ut li majewank, wanq sa' ruq' laj tij.

Li Santil hu

¹⁸ Nak xakxo̱k chiru li Ka̱cuaꞌ li ixakilbej, laj tij tixjit li rismal xjolom li ixk ut tixqꞌue saꞌ rukꞌ caꞌchꞌinak li mayej cꞌaj li quixqꞌue li be̱lomej xban xcakal xchꞌo̱l. Ut laj tij tixchap saꞌ rukꞌ li cꞌahil haꞌ li nacꞌamoc chak raylal.

Números 5:18 ပူးပေါင်းရင်းမြစ်များ

Hebreos 13:4

Chejunilex cheroxloq'i li sumlaak ut maak'a' k'aru teeb'alaq'i wi' eerib', xb'aan naq li Yos taaraqoq aatin sa' xb'eeneb' laj ko'b'eet laj yumb'eet jo' ajwi' sa' xb'eeneb' laj muxul sumsu.

1 Corintios 11:6

Jo'kan utan, wi junaq ixq ink'a' naxlan li xjolom, chixb'esaq rismal li xjolom. Ut wi xutaanal cho'q re li ixq naq b'esb'ilaq malaj joob'ilaq li xjolom, chixlanaq li xjolom!

Jeremías 2:19

A' ajwi' laamaa'usilal taarahob'tesinq aawe, ut li xb'alaq'il aach'ool taajitoq aawe. K'oxla ut k'e reetal naq ink'a' us lintz'eqtaanankil xab'aanu ut q'axal ra wankat xb'aan naq ink'a' xak'e inloq'al: laa'in li Qaawa' laaYos. Raatin li Nimajwal Yos.

Isaías 38:17

Linrahilal xsutq'iik chaq chi sahil wank, xb'aan naq xakol li waanm chiru li kamk ut xawiiqa chixjunil linmaak.

Eclesiastés 7:26

Xink'e ajwi' reetal naq li ixq ink'a' us xna'leb' naab'al chik li rahilal naxk'am chaq chiru li kamk. Li ixq a'an chanchan jun ra'al, naxyal xq'e chi q'unb'esink rik'in li xch'ool ut eb' li xtel. Wi laa'at nakapaab' li Yos, taakol aawib' chiru li ixq a'an; ab'an wi ink'a' nakapaab' li Yos, tatt'ane'q sa' li xra'al.

Proverbios 5:4

Ab'an q'axal ra noxraqe'q wi', jo' li b'aqche' malaj li xyok'om junaq ch'iich' ka'pak'al xq'esnal.

1 Samuel 15:32

Chirix chik a'an kixye laj Samuel: “K'amomaq chaq laj Agag, awab'ej re Amalek”. Ut laj Agag kixk'ut rib' chiru laj Samuel chi sa sa' xch'ool, yo chi xyeeb'al: “Relik chi yaal naq ink'a' chik tine'xkamsi”, chan.

Deuteronomio 29:18

Miwank sa' eeyanq winq malaj ixq, junkab'al malaj teep, li tixkanab' li Qaawa' leeYos ut tixloq'oni ru li xyoseb' li tenamit a'an. Miwank sa' eeyanq xtoonal li k'ahil pim li wank xmay nakamsink.

Números 5:22

Uk' li ha' a'in re li majewank, re naq taasipooq laasa' ut ink'a' tatk'iiresinq», cha'aq laj tij, ut li ixq tixsume: «Jo'kan taxaq!».

Números 5:17

Chirix chik a'an tixk'e ha' sa' junaq ch'och' sek' ut tixxok b'ayaq li pojtz' sa' li Loq'laj Na'ajej ut tixpoq chiru li ha'.

Números 5:15

li winq a'an tixk'am li rixaqil chiru laj tij ut tixmayeja sa' xk'ab'a' li rixaqil li mayej a'in: kaahib'aq liib'r chi k'aj seb'aad. Ink'a' tixk'e aseeyt sa' xb'een li mayej, chi moko tixk'e li k'ajpom, xb'aan naq a'an «xmayejil li sowenak», a'an mayej re xtawb'al xyaalal junaq maak.

Levítico 13:45

“Ani saqlep rix, tento twanq chi q'ichb'ilaq li raq' ut ink'a' lanb'ilaq li xjolom; ka'ajwi' tixtz'ap b'ayaq li xnaq' ru ut tixjap re chi xyeeb'al: «Muxb'ilin! Muxb'ilin!», cha'aq.

1 Corintios 11:15

Ab'anan li ixq naxtaw xloq'al naq cham li rismal. Relik chi yaal naq li rismal k'eeb'il re jo' ruuchil xt'ikrul li xjolom.

Números 5:19

Toja' naq laj tij tixpatz' sa' jurament re li ixq ut tixye re: «Wi ink'a' xwank junaq winq aawik'in, wi ink'a' xatmaakob'k chi moko xamux aawib' chalen naq wankat rik'in laab'eelom, maak'a' taak'ul xb'aan li ha' re li rahilal ut li majewank.