Números 4:15 - Q'eqchi Bible

¹⁵ Naq akaq xe'raqe'k laj Aharón ut eb' li ralal chi xlanb'al li k'a'aq re ru jwal loq' re li artal, sa' xjalb'al xna'ajeb', aka' chik eb' li ralal xk'ajol laj Kehat te'wulaq re te'xk'am. Ab'anan maak'a' li k'aru jwal loq' te'xch'e', xb'aan naq te'kamq. A'an a'in li xk'anjeleb' li ralal xk'ajol laj Kehat sa' li Loq'laj Na'ajej.

Li Santil hu

¹⁵ Nak ac oc reheb chixjalbal lix naꞌajeb, laj Aarón ut eb li ralal teꞌxlan chixjunil li cꞌaꞌak re ru li nacꞌanjelac saꞌ li tabernáculo ut teꞌcha̱lk li ralal xcꞌajol laj Coat chixpakonquil. Abanan incꞌaꞌ naru teꞌxchꞌeꞌ li cꞌaꞌru kꞌaxtesinbil re li Ka̱cuaꞌ re nak incꞌaꞌ teꞌca̱mk. Aꞌan aꞌin lix cꞌanjeleb li ralal xcꞌajol laj Coat saꞌ li tabernáculo.

Números 4:15 ပူးပေါင်းရင်းမြစ်များ

Números 7:9

Ab'an maak'a' kixk'e reheb' li ralal laj Kehat, xb'aan naq li xk'amomeb' a'an q'axal loq' ut chi paqonb'il neke'xk'am.

Deuteronomio 31:9

Laj Moisés kixtz'iib'a li Chaq'rab' a'in ut kixq'axtesi reheb' laj tij, ralal xk'ajoleb' laj Leví, li neke'k'amok re li xLoq'laj Kaaxil li xSumwank li Qaawa'; kixk'e ajwi' reheb' chixjunileb' li xcheekel winqilal laj Israel.

Números 10:21

Toja' naq ke'elk eb' laj Kehat li ke'k'amok re chixjunileb' li k'anjelob'aal. Naq neke'wulak sa' li na'ajej neke'xik wi', ak xaqab'anb'il chik li Loq'laj Na'ajej.

1 Crónicas 15:2

Toja' naq kixye: “Maajun naru naxokok re li xLoq'laj Kaax li Yos, ka'ajeb' wi' laj Leví, xb'aan naq sik'b'ileb' ru xb'aan li Qaawa' re xk'amb'al li xLoq'laj Kaax ut re k'anjelak chiru chi junelik”.

1 Samuel 6:19

Sa' xyanqeb' laj Bet-Semes wankeb' ink'a' ke'saho'k xch'ool naq ke'ril li xLoq'laj Kaax li Qaawa'. Jo'kan naq li Yos kixk'e chi kamk lajeeb' xkaak'aal chi winq, ut eb' li tenamit ke'wank sa' rahil ch'oolej xb'aan naq q'axal ke'rahob'tesiik xb'aan li Qaawa'.

1 Crónicas 15:15

Ke'xk'am li xLoq'laj Kaax li Yos chi paqonb'il sa' xb'een xteleb', jo' chanru kixye laj Moisés sa' xk'ab'a' xtaqlahom li Qaawa'.

2 Samuel 6:13

Rajlal waqib' yokb' li neke'xk'e eb' laj paqonel, laj David kixmayeja jun b'ooyx rochb'een jun karneer ch'oolaninb'il chi us.

Josué 4:10

Eb' laj tij aj k'amoneleb' re li Loq'laj Kaax ke'kanaak chi xaqxo sa' xyi li nima' Jordán toj ke'xb'aanu chixjunil li kixye laj Josué re li tenamit sa' xk'ab'a' li Qaawa'. Ut eb' li tenamit ke'xseeb'a rib' chi nume'k.

Números 3:38

Sa' xjayal releb'l saq'e neke'xyiib' li xmuheb'aaleb' laj Moisés ut laj Aharón rochb'eeneb' li ralal. A'aneb' a'in li neke'ilok re li Loq'laj Na'ajej sa' xk'ab'a'eb' laj Israel. Wi junaq na'ok aran chi maawa' aj tij, taakamsiiq.

Números 1:51

Naq taajalmanq xna'aj li Loq'laj Muheb'aal, eb' laj Leví te'b'oq'oq re ut, naq te'hilanq wi' chik, a'eb' ajwi' laj Leví te'xaqab'anq re li Loq'laj Muheb'aal. Wi junaq jalan taajiloq chi xk'atq li Loq'laj Muheb'aal, taakamsiiq.

Éxodo 19:12

K'e xnub'ajlil li tzuul chi xsutam ut ye reheb': «K'ehomaq reetal, mextaqe'k sa' xb'een li tzuul chi moko texwulaq chi xtoon». Chixjunil li taanach'oq rik'in li tzuul, taakamq.

Éxodo 27:7

taach'ikeb' li che' a'in sa'eb' li argoya li wankeb' chi xka'pak'alil li artal re xpaqonkil;

Levítico 16:13

tixk'e li k'ajpom sa' ru xam chiru li Qaawa', ut li xsib'el taanujaq chirix li xtz'apb'al xb'een li Loq'laj Kaax re naq ink'a' taakamq.

Números 1:50

k'eheb' b'an chi k'anjelak sa' li Loq'laj Na'ajej, ut a'aneb' li te'iloq re chixjunileb' li k'anjelob'aal ut li k'a'aq re ru wank aran. Eb' a'an te'k'amoq re li Loq'laj Muheb'aal ut chixjunileb' li xk'anjelob'aal; te'k'anjelaq chisa' ut te'xk'ojob' li xmuheb'aaleb' chi xsutam li Loq'laj Muheb'aal.

Números 4:14

sa' xb'een a'an te'xk'e chixjunil li k'a'aq re ru na'oksimank sa' li artal: li xna'aj xam, li xokleb' ru xam, li xchileb'aal ru xam ut li xsek'ul, naraj naxye chixjunil li k'a'aq re ru na'oksimank sa' li artal. Te'xhel sa' xb'een junaq tz'uum q'un ru, ut te'xk'e li xche'el re xpaqonkil.

Números 4:19

B'aanuhomaq chi jo'ka'in, re naq ink'a' te'kamq xb'aan xch'e'b'al li loq'laj eechej re li artal: laj Aharón ut eb' li ralal te'xk'e xk'anjel li junjunq ut te'xye reheb' k'aru te'xk'am.

Números 4:20

Ut ink'a' te'ok jun k'amokaq chi rilb'al li k'a'aq re ru jwal loq', xb'aan naq te'kamq”, chan.

Números 18:3

Te'k'anjelaq chawu ut sa' li Loq'laj Muheb'aal. Ab'an ink'a' te'jiloq chi xch'e'b'al li k'a'aq re ru loq' chi moko te'nach'oq rik'in li artal re naq ink'a' te'kamq a'aneb' chi moko laa'ex.

2 Samuel 15:24

Yookeb' ajwi' chi xik rochb'een a'an, laj Sadok ut chixjunileb' laj Leví, yookeb' chi xk'amb'al li xLoq'laj Kaaxil li xSumwank li Yos. Koxe'xk'e li Loq'laj Kaax chi xk'atq laj Abiatar toj reetal ke'elk sa' li tenamit chixjunileb' li poyanam.

1 Crónicas 23:26

Jo'kan naq eb' laj Leví ink'a' chik te'xk'am li xLoq'laj Muheb'aal li Qaawa' chi moko eb' li loq'laj k'anjelob'aal”, chan.

Éxodo 19:21

kiyehe'k re xb'aan li Qaawa': “Kub'en ut q'useb' li tenamit: me'xq'ax chaq li nub'ajl re rilb'al wu, xb'aan naq, wi ta jo'kan, naab'al te'kamq sa' xyanqeb'.

1 Reyes 8:3

ke'k'ulunk chixjunileb' li xcheekal winqilaleb' laj Israel, ut eb' laj tij ke'xk'am chaq li xLoq'laj Kaax li Qaawa'