Números 34:8 - Q'eqchi Bible

⁸ Chalen sa' li tzuul Hor teeraq leenub'ajlil toj Jamat, ut tox'elq sa' xnub'ajlil Sedad.

Li Santil hu

⁸ Ta̱numekꞌ saꞌ li tzu̱l Hor ut ta̱xic toj Hamat ut ta̱cuulak toj Zedad.

Números 34:8 ပူးပေါင်းရင်းမြစ်များ

Números 13:21

naq koheb' li winq ut koxe'ril chaq li tenamit, chalen sa' li chaqich'och' re Sin toj Rejob, sa' rokeb'aal li tenamit Jamat.

2 Reyes 14:25

A' laj Jerobohán kik'ojob'ank wi' chik re chixjunileb' li xnub'ajlil li tenamit Israel sa' xna'aj, chalen chaq sa' li okeb'aal re Jamat toj chire li palaw re Arabá, jo' kixye li Qaawa', xYos laj Israel, chi xtz'uumal re laj Jonás, li xpropeet, ralal laj Amitay, Gat-Jéfer xtenamit.

Jeremías 39:5

Ab'an eb' laj puub' aj Kaldeha ke'raanilasiheb' ut koxe'xtaw laj Sedesías sa' xtaq'ahil Jerikó. Ke'xchap ut ke'xk'am rik'in laj Nabukodonosor toj Riblá, sa' xteepal Jamat. Aran laj Nabukodonosor kixraq aatin sa' xb'een.

2 Samuel 8:9

Naq laj Tow, awab'ej re Jamat, kirab'i resil naq laj David kixq'axeb' ru chixjunileb' laj puub' re laj Hadadéser,

Números 34:9

Chirix chik a'an leenub'ajlil tox'elq Sifrón ut toxraqe'q sa' li na'ajej Jasar-Enán. A'anaq leenub'ajlil sa' xjayal releb'l iq'.

1 Reyes 8:65

Sa' li kutan a'an laj Salomón kixninq'ehi li xNinq'eheb' li Muheb'aal. Chixjunileb' laj Israel ke'ochb'eenink re, k'ajo' tz'aqal xk'ihaleb' li poyanam chalen chaq sa' li tenamit Jamat toj chire li ch'ina ha' re Ejiipt. Ke'ninq'ehik chiru li Qaawa' li qaYos chiru wuqub' kutan ut, chirix a'an, chiru wuqub' kutan chik: kaalaju kutan ke'ninq'ehik sa' komonil.

Isaías 10:9

Juntaq'eeteb' li tenamit chiwu laa'in: Kalnó kama' ajwi' Karkemis, Jamat juntaq'eet rik'in Arpad, ut Samaria jo'kan ajwi' Damaask.

Amós 6:14

“Jo'kan naq, ex aj Israel, tinwaklesi chaq jun li tenamit chi numtaak sa' eeb'een chalen chaq Jamat ut toj chire li nima' Arabá”, chan li Qaawa', li Nimajwal Yos.

1 Crónicas 1:16

eb' laj Arbad, eb' laj Semar ut eb' laj Jamat.

1 Crónicas 13:5

Toja' naq laj David kixch'utub' chixjunileb' laj Israel, chalen chaq Sijor sa' xnub'ajlil Ejiipt toj wan wi' li okeb'aal re Jamat, re xk'amb'al chaq li xLoq'laj Kaax li Yos li wan chaq aran Kiryat-Yeharín.