Números 34:2 - Q'eqchi Bible

² “Ye li aatin a'in reheb' laj Israel: Ok eere sa' li na'ajej Kanahán. A'an li na'ajej toxeereechani, ut a'aneb' a'in li xnub'ajlil:

Li Santil hu

² —Ta̱ye reheb laj Israel chi joꞌcaꞌin. Aꞌaneb aꞌin li nuba̱l re le̱ naꞌaj nak tex-oc saꞌ li naꞌajej Canaán, li tinqꞌue chokꞌ e̱re.

Números 34:2 ပူးပေါင်းရင်းမြစ်များ

Génesis 17:8

Tink'e aawe ut reheb' laawalal aak'ajol li ch'och' a'in li wankat wi' jo' aj numel; chixjunil Kanahán tink'e chi reechaniheb' chi junajwa, ut laa'inaq xYoseb'”.

Salmos 105:11

naq kixye: “Tink'e aawe li tenamit Kanahán, ut tinsi aawe cho'q aaweechanihom”, chan.

Efesios 1:18

Chixkutanob'resi taxaq leech'ool, re naq teenaw b'arwan leeroyb'enihom b'oqb'ilex wi' xb'aan, jo'wi' li xchamal xsasal li loq'al te'reechani eb' laj santil paab'anel.

Efesios 1:14

a'an li naqachap wi' li qaloq'laj maatan, toj reetal taatz'aqloq ru li qakolb'al laa'o li tenamit eechaninb'il xb'aan li Yos, re naq chinimaaq xloq'al.

Hechos 26:18

re xteeb'al xsa' ruheb', re naq te'xkanab' li aak'ab' ut te'ok sa' li saqenk, te'elq rub'el xwankil laj tza ut te'xq'axtesi rib' sa' ruq' li Yos; ut rik'in inpaab'ankil te'xk'ul xkuyb'al xsachb'al li xmaakeb' jo' ajwi' te'xtaw xna'ajeb' sa' xyanqeb' li santob'resinb'ileb'».

Hechos 17:26

“Rik'in jun chi winq kixyoob'tesi chixjunileb' li tenamit re naq te'wanq junsut junrub'el choxa. Kixxaqab' li saq'ehil ut li hab'alq'e, jo'wi' li xnub'ajlil li xna'ajeb' li tenamit b'arwi' te'hilanq,

Ezequiel 47:14

Li ch'och' li kinyeechi'i sa' jurament reheb' leemama' leerixa'an, taajek'imanq ut junnaqik li xb'isb'al naq teeraqaxi reheb' chixjunileb'. A'anaq leereechanihom.

Jeremías 3:19

“Laa'in kinye sa' inch'ool: «Relik chi yaal naq jo'kaqat li walal ut tink'e chaweechani jun ch'ina'usil na'ajej, a' li tenamit q'axal ch'ina'us sa' xyanqeb' chixjunil li na'ajej sa' ruuchich'och'». Ut kinye ajwi' sa' inch'ool: «At inyuwa', cha'qat we; maajoq'e raj chik tatnajto'q wik'in».

Génesis 10:19

Li xch'och'eb' laj Kanahán naxnub'ajli rib' rik'in Sidón, sa' xjayal Kerar, toj Gasa; ut, sa' xjayal Sodoom, Gomoor, Admá ut Seboín, naxnub'ajli rib' toj rik'in Lesa.

Números 34:1

Li Qaawa' kixye re laj Moisés:

Ezequiel 47:13

“Laa'in, li Qaawa', ninye chi jo'ka'in: A'an a'in li xnub'ajlil li ch'och' te'reechani eb' li kab'laju teep chi ralal xk'ajol laj Israel. Eb' li ralal xk'ajol laj José te'xk'ul wiib' raqal li ch'och'.

Éxodo 23:31

Tinxaqab' aanub'ajl chalen chaq sa' li Kaqi Palaw toj sa' li palaw reheb' laj Filistea, chalen chaq sa' li chaqich'och' toj sa' li nima' Éwfrates. Tinq'axtesiheb' sa' aawuq' li wanqeb' sa' li na'ajej a'an, ut laa'at taawisiheb' sa' xnaq' aawu.

Josué 11:23

Laj Josué kireechani chixjunil li na'ajej kama' yeeb'il re laj Moisés xb'aan li Qaawa', ut kixq'axtesi reheb' laj Israel cho'q reechanihomeb', a' yaal chanru xmaatan li junjunq chi teep. Ut naq kiraqe'k li nimla yalok a'in, chixjunil li na'ajej kiwank sa' tuqtuukilal.

Josué 13:1

Naq ak tiix chik laj Josué ut xikenaq chik xhab', li Qaawa' kixye re: “Ak cheekat chik ut xikenaq chik aachihab', ut toj wank naab'al li ch'och' toj maji' nakaweechani.

Josué 21:43

Li Qaawa' kixk'e reheb' laj Israel chixjunil li ch'och' li kixyeechi'i sa' jurament reheb' li xna' xyuwa'eb'. Ke'reechani ut ke'na'ajunk aran.