Números 34:17 - Q'eqchi Bible

¹⁷ “A'aneb' a'in li xk'ab'a'eb' li te'jek'inq re li ch'och': laj Elehasar laj tij ut laj Josué, ralal laj Nun.

Li Santil hu

¹⁷ —Aꞌaneb aꞌin lix cꞌabaꞌeb li cui̱nk li teꞌjeqꞌui̱nk re li chꞌochꞌ: Laj Eleazar laj tij ut laj Josué li ralal laj Nun.

Números 34:17 ပူးပေါင်းရင်းမြစ်များ

Josué 14:1

A'an a'in li ch'och' re Kanahán li ke'xk'ul eb' laj Israel cho'q reechanihomeb', jo' chanru kik'ehe'k reheb' xb'aan laj Elehasar, laj tij, ut laj Josué, ralal laj Nun, ut xb'aaneb' ajwi' li xjolomileb' li junkab'al sa' li xteepaleb' laj Israel.

Josué 19:51

A'an a'in li ch'och' li ke'xjek'i laj Elehasar laj tij, laj Josué, ralal laj Nun, ut eb' li neke'taqlank sa' junkab'lal. Ke'xb'uuli chirixeb' li xteepaleb' laj Israel sa' li na'ajej Siló, chiru li Qaawa', sa' rokeb'aal li Loq'laj Muheb'aal. Ut chi jo'kan kiraqe'k xjek'inkil li na'ajej reheb' laj Israel.

Números 13:16

A'aneb' a'in li xk'ab'a'eb' li winq ke'taqlaak xb'aan laj Moisés re rilb'al li tenamit. Ab'an laj Oseas, ralal laj Nun, Josué kik'ehe'k cho'q xk'ab'a' xb'aan laj Moisés.

Números 13:8

laj Oseas, ralal laj Nun, sa' xk'ab'a' xteepalil laj Efraín;

Números 34:16

Ut li Qaawa' kixye re laj Moisés:

Números 34:18

Teexaqab'eb' ajwi' junjunq xjolomileb' li junq teep chi tenamit re te'xjek'i li ch'och'.

Deuteronomio 1:38

A' laj tenq' aawe, laj Josué, ralal laj Nun, li taa'ok aran. K'e xkawub' li xch'ool, xb'aan naq a'an taaq'axtesinq li na'ajej reheb' laj Israel.

Josué 14:2

Li ch'och' a'in kijek'imank chi b'uulinb'il sa' xyanqeb' li b'eleeb' chi teep ut li xyiijachil xteepal laj Manasés, jo' chanru kixye li Qaawa' re laj Moisés.

Números 13:1

Li Qaawa' kixye re laj Moisés:

Números 13:3

Laj Moisés kixtaqlaheb' jo' chanru yeeb'il re xb'aan li Qaawa': kixtaqlaheb' li wankeb' xwankil sa' xyanqeb' laj Israel. Kixchaq'rab'iheb' naq toj wankeb' chaq sa' li chaqich'och' re Parán.