Números 33:53 - Q'eqchi Bible

⁵³ Teereechani li ch'och' ut aran texwanq, xb'aan naq laa'in xink'e chereechani chixjunil li na'ajej a'an.

Li Santil hu

⁵³ Te̱risiheb chixjunileb li cristian li cuanqueb saꞌ li naꞌajej aꞌan ut texcana̱k chi cua̱nc aran xban nak la̱in xinqꞌuehoc e̱re li naꞌajej aꞌan.

Números 33:53 ပူးပေါင်းရင်းမြစ်များ

Deuteronomio 11:31

“Anaqwan laa'ex q'axonk eere junpak'al li nima' Jordán re toxeereechani li ch'och' tixk'e eere li Qaawa' leeYos. Ut naq akaq xereechani ut wanqex aran,

Josué 21:43

Li Qaawa' kixk'e reheb' laj Israel chixjunil li ch'och' li kixyeechi'i sa' jurament reheb' li xna' xyuwa'eb'. Ke'reechani ut ke'na'ajunk aran.

Deuteronomio 32:8

Naq li Nimajwal Yos kixjek'i xch'och'eb' li junjunq chi tenamit, naq kixjek'i xna'ajeb' li ralal xk'ajol laj Adán, kixxaqab' xnub'ajlil chixjunileb' li tenamit, a' yaal chanru xk'ihaleb' li ralal xk'ajol li Yos.

San Mateo 20:15

Ma ink'a' naru tinb'aanu laa'in li nawaj rik'in li k'aru we? Malaj xik' nakawil naq chaab'ilin?».

Daniel 4:32

Tat-isiiq sa' xyanqeb' li poyanam ut tatwanq sa' xyanqeb' li k'iche'il xul; tattzekanq ichaj jo'eb' li wakax ut jo'kan tatwanq chiru wuqub' chihab', toj reetal taataw ru naq li Nimajwal Yos a'an li nataqlank sa' xb'eeneb' li x'awab'ejihom li ruuchich'och' ut naxk'e li wankilal re li ani naraj wi' xk'eeb'al”.

Daniel 4:25

Tat-isiiq sa' xyanqeb' li poyanam ut tatwanq sa' xyanqeb' li k'iche'il xul; tattzekanq ichaj jo'eb' li wakax ut tatxt'aqresi li xchu'ke. Jo'ka'in naq tatwanq chiru wuqub' chihab', toj reetal taataw ru naq li Nimajwal Yos a'an li nataqlank sa' xb'eeneb' li x'awab'ejihom li ruuchich'och' ut naxk'e xwankil li naraj wi' xk'eeb'al.

Daniel 4:17

A'an a'in li raqb'a aatin xxaqab'aak xb'aaneb' laj santil k'aak'alenel, re naq taanawmanq xb'aaneb' chixjunileb' li poyanam naq li Nimajwal Yos nataqlank sa' xb'eeneb' li x'awab'ejihom li ruuchich'och': naxk'e xwankil li naraj wi' xk'eeb'al ut naxterq'usi xloq'al li jwal kub'enaq xwankil sa' xyanqeb' chixjunil li poyanam».

Salmos 115:16

Ka'ajwi' li Qaawa' laj eechal re li choxa, ab'an li ruuchich'och' q'axtesinb'il sa' ruq' li winq!

Deuteronomio 7:17

“Mare anchal taaye sa' laach'ool: «Eb' li tenamit a'in q'axal naab'aleb' chik chiwu laa'in. Chanru naq twaanilasiheb'?», cha'qat.

Deuteronomio 17:14

“Naq akaq xat-ok sa' li ch'och' tixk'e aawe li Qaawa' laaYos, ut ak xachap cho'q aawe laana'aj ut wankat chik chisa', wi taaye: «Twaj raj xxaqab'ankil junaq awab'ej sa' inb'een, kama' wankeb' re li tenamit wankeb' chinsutam», cha'qat,

Josué 23:5

A' ajwi' li Qaawa' leeYos taa'aanilasinq reheb' cheru laa'ex, taarisiheb' chi junajwa, ut laa'ex teereechani li xch'och'eb', jo' kixyeechi'i eere li Qaawa' leeYos.

Génesis 15:7

Ut li Yos kixye re: “Laa'in li Qaawa' li kin'isink chaq aawe sa' li tenamit Ur, sa' xteepal Kaldeha, re xk'eeb'al li ch'och' a'in cho'q aana'aj”.

Deuteronomio 3:18

“Toja' naq laa'in kinye eere: «Li Qaawa' leeYos xk'ehok chereechani li ch'och' a'in. Chejunilex laa'ex li kawil winqex texnume'q chiruheb' leeras eeriitz'in aj Israel chi wanq eech'iich'.

Josué 1:6

Kaw xaqxooqat sa' laak'anjel ut matxiwak, xb'aan naq laa'at tatjek'oq re li ch'och' cho'q re li tenamit a'in, a' li ch'och' kinyeechi'i sa' jurament reheb' li xxe'toonil yuwa'eb'.