Números 33:52 - Q'eqchi Bible

⁵² teeraanilasiheb' chixjunil li poyanam wankatqeb' aran. Teejuk' chixjunileb' li b'onb'ileb' pek, teeputz'iheb' li xjalam u yiib'anb'ileb' rik'in ha'lesinb'il q'anch'iich' ut teejuk'i chixjunil li x'artaleb'.

Li Santil hu

⁵² te̱risiheb chixjunileb li cuanqueb saꞌ li naꞌajej aꞌan. Te̱sach ruheb chixjunileb lix dioseb li queꞌxyi̱b riqꞌuin pec ut riqꞌuin chꞌi̱chꞌ. Te̱tꞌan chixjunileb li naꞌajej li najt xteram li nequeꞌlokꞌonin cuiꞌ.

Números 33:52 ပူးပေါင်းရင်းမြစ်များ

Levítico 26:1

“Meeyiib' eejalanil yos chi moko jalam u; meewaklesi sa' leetenamit junaq loq'laj pek chi moko let'exinb'il pek, re naq texwiq'laaq chiruheb', xb'aan naq laa'in li Qaawa' leeYos.

Éxodo 23:24

Maahupub' aawib' chiru li xyoseb'. Maaloq'oniheb' chi moko taab'aanu jo' neke'xb'aanu eb' a'an; tento b'an naq taasacheb' chi junajwa ut taapuk'iheb' li xninqal eetalil.

Jueces 2:2

Ab'anan tento naq laa'ex ink'a' teek'e eerib' sa' aatin rik'ineb' li wankeb' sa' li tenamit a'in, teejuk'i b'an li x'artaleb'», chankin. A'ut laa'ex ink'a' kerab'i xyaab' linkux. K'a'ut naq xeb'aanu a'an?

Josué 23:7

Meeb'on eerib' rik'ineb' li tenamit a'an li toj wankeb' sa' eeyanq. Meeyaab'a xk'ab'a' li xyoseb' chi moko teeye jurament sa' xk'ab'a'eb'. Meeloq'oni ruheb' chi moko teehupub' eerib' chiruheb',

Deuteronomio 33:29

Us xaq aawe, at Israel. Ani tawi' jo' laa'at, tenamit kolb'ilat xb'aan li Qaawa'? A'an namuheelank ut natenq'ank aawe? Li Qaawa' a'an li ch'iich' nakasacheb' wi' ru li xik' neke'ilok aawe! Eb' a'an te'raj raj aab'alaq'inkil, a'ut laa'at tatnumtaaq sa' xb'eeneb'”, chan laj Moisés.

Deuteronomio 31:5

Li Qaawa' tixq'axtesiheb' sa' eeruq' ut laa'ex tento teeb'aanu reheb' jo' tz'aqal taqlanb'ilex wi' inb'aan.

Josué 9:7

Ke'chaq'ok eb' laj Israel ut ke'xye reheb' laj Jib: “Mare anchal nach' arin wankex. Chanru naq tqab'aanu junaq sumwank eerik'in laa'ex?”, chankeb'.

Josué 11:15

Jo' tz'aqal kixye li Qaawa' re laj Moisés laj k'anjel chiru, jo'kan ajwi' naq kichaq'rab'iik laj Josué xb'aan laj Moisés, ut kixb'aanu chi tz'aqal re ru: maajun reheb' li aatin yeeb'il xb'aan li Qaawa' re laj Moisés ink'a' ta kixb'aanu.

1 Reyes 11:7

Chiruheb' li kutan a'an, laj Salomón kixk'e chi yiib'aak x'artalil laj Kamós, xtz'eqb'eetalil yos eb' laj Mohab, aran sa' xb'een li tzuul li wank chi xk'atq Jerusalén. Kixk'e ajwi' chi yiib'aak x'artalil laj Milkón, xtz'eqb'eetalil yos eb' laj Amón.