Números 32:33 - Q'eqchi Bible

³³ Ut laj Moisés kixk'e li x'awab'ejihom laj Sijón, awab'ej re Amor, ut li x'awab'ejihom laj Og, awab'ej re Basán, reheb' li ralal xk'ajoleb' laj Gad, eb' li ralal xk'ajoleb' laj Rubén ut xyiijacheb' laj Manasés, li ralal laj José. Kixk'e ajwi' eb' li tenamit li wankeb' chi xnub'ajlil ut eb' li k'aleb'aal wankeb' chi xjunsutam.

Li Santil hu

³³ Joꞌcan nak laj Moisés quixqꞌue lix naꞌaj laj Sehón lix reyeb laj amorreo ut lix naꞌaj laj Og lix reyeb laj Basán reheb li ralal xcꞌajol laj Gad, ut reheb li ralal xcꞌajol laj Rubén ut reheb ajcuiꞌ yijach li ralal xcꞌajol laj Manasés li ralal laj José. Quixqꞌue ajcuiꞌ reheb li tenamit ut eb li cocꞌ cꞌaleba̱l li cuanqueb chi xjun sutam.

Números 32:33 ပူးပေါင်းရင်းမြစ်များ

Josué 12:6

Laj Moisés, laj k'anjel chiru li Qaawa', ut eb' laj Israel ke'xq'ax ruheb' li awab'ej a'in, ut laj Moisés, laj k'anjel chiru li Qaawa', kixk'e li na'ajej a'in chi reechaniheb' laj Rubén, laj Gad ut li xyiijachil xteepal laj Manasés.

Josué 22:4

Anaqwan li Qaawa' leeYos ak xk'ehom xhilaaleb' leeras eeriitz'in jo' yeechi'inb'il chaq xb'aan. Sutq'inqex b'i' ut ayuqex sa' leemuheb'aal, sa' li ch'och' k'eeb'il eere xb'aan laj Moisés, laj k'anjel chiru li Qaawa', junpak'al li nima' Jordán.

Deuteronomio 29:8

Kiqeechani li xtenamiteb' ut laa'in kink'e chi reechanihomeb' laj Rubén, laj Gad ut jun xyiijacheb' xteepal laj Manasés.

1 Crónicas 26:32

Eb' li rech'alal laj Jerías junes winqeb' kaw xch'ooleb'. Li xk'ihaleb', a'an o'lajuk'aal xwuq o'q'ob' (2,700) chi aj jolominel junkab'al. Li awab'ej David kixxaqab'eb' a'an re naq te'ril eb' laj Rubén, eb' laj Gad jo'wi' li xyiijachil xteepal laj Manasés, sa' chixjunil li k'a'aq re ru na'ajmank ru rik'in li Yos ut cho'q re li awab'ej.

1 Crónicas 12:31

Sa' xyanqeb' li xyiijachil xteepaleb' laj Manasés, li xk'ihaleb', a'an waqxaqlaju mil (18,000) chi winq sik'b'ileb' ru chi xxaqab'ankil laj David cho'q awab'ej.

1 Crónicas 5:18

Eb' li ralal xk'ajol laj Rubén, laj Gad ut li xyiijachil xteepaleb' laj Manasés yo'ooneb' chi yalok; wankeb' xkolb'aleb' rib', xjutz' che', xch'iich', xna' simaj ut tzolb'ileb' chi us re yalok. Wankeb' kaahib' roxk'aal mil rik'in waqxaqlajuk'aal xkab' o'q'ob' (44,760) chi winq li yo'ooneb' chi yalok.

Números 34:14

xb'aan naq li xteepaleb' laj Rubén ut li xteepaleb' laj Gad ak xk'ulumeb' li xna'ajeb'. Jo'kan ajwi' li xyiijachil xteepaleb' laj Manasés ak xk'ulumeb' li xna'ajeb'.

Números 32:1

Eb' li ralal xk'ajoleb' laj Rubén ut li ralal xk'ajoleb' laj Gad, jwal naab'aleb' li xketomq ut q'axal ninqeb' ajwi'. Naq ke'ril naq li na'ajej Jaser ut Galahad a'an chaab'il ch'och' re k'iiresink ketomq,

Números 32:32

Laa'o tooxik chi yalok junpak'al li nima' Jordán, aran Kanahán, jo' naxye qe li Qaawa'; ab'an k'e chiqeechani li ch'och' wan chaq arin, sa' xjayal releb'l saq'e re li nima'”, chankeb'.

Josué 12:1

A'aneb' a'in li awab'ej li ke'q'axe'k ru xb'aaneb' laj Israel junpak'al li nima' Jordán, sa' xjayal releb'l saq'e. A'aneb' a'in chixjunileb' li na'ajej reechanihomeb' laj Israel: natiklaak wan wi' li nima' Arnón ut nawulak toj sa' li tzuul Hermón rochb'een chixjunil Arabá, li wank sa' xjayal releb'l saq'e:

Josué 14:3

Laj Moisés ak xk'ehom xch'och'eb' laj Rubén, eb' laj Gad ut li xyiijachil xteepal laj Manasés aran, junpak'al li nima' Jordán; ab'an eb' laj Leví maak'a' xk'ulumeb' chaq.

Josué 22:7

Laj Moisés ak xk'ehom xna'aj li xyiijachil xteepal laj Manasés aran Basán. Ut li yiijach jun chik ak k'eeb'il xna'ajeb' xb'aan laj Josué sa' xyanqeb' li ras riitz'in, sa' xjayal rokeb'l saq'e re li nima' Jordán. Eb' a'an ajwi' ke'osob'tesiik xb'aan laj Josué naq ke'taqlaak sa' li xmuheb'aaleb'.

1 Samuel 13:7

Wankeb' ajwi' aj Hebreo ke'q'axonk junpak'al li nima' Jordán, sa' xteepal Gad ut Galahad. Ab'an laj Saúl kikanaak Kilkal, ut chixjunileb' li tenamit neke'siksotk chi xk'atq.

Números 34:15

Eb' li wiib' teep ut li xyiijachil li jun teep chik ak xk'ulumeb' li xna'ajeb' toj junpak'al li nima' Jordán, sa' xka'yab'aal Jerikó, sa' xjayal releb'l saq'e”, chan laj Moisés.