Números 32:14 - Q'eqchi Bible

¹⁴ Ut anaqwan laa'ex chik xek'amchi'i xna'leb'eb' leena' leeyuwa' jo' ralal xk'ajoleb' laj maak: teeraj wi' chik xchiq'b'al xjosq'il li Qaawa' sa' xb'eeneb' laj Israel!

Li Santil hu

¹⁴ Ut anakcuan la̱ex li ralal xcꞌajolex li queꞌxba̱nu li incꞌaꞌ us, te̱raj cuiꞌchic xqꞌuebal xjoskꞌil li Dios saꞌ kabe̱n la̱o aj Israel.

Números 32:14 ပူးပေါင်းရင်းမြစ်များ

San Lucas 11:48

Jo'kan naq nekek'ut naq naxk'ulub'an eech'ool li xb'aanuhomeb' leena' leeyuwa': eb' a'an ke'kamsink reheb' li propeet ut laa'ex nekeyiib' li xmuqleb'aaleb'!

Ezequiel 20:21

«A'ut eb' li ralal xk'ajoleb' ke'xq'etq'eti rib' chiwu ut ink'a' ke'xpaab' linchaq'rab'; ke'xq'et ut ke'xtz'eqtaana li waatin li nak'ehok xyu'am li ani napaab'ank re, ut ke'xsach xwankil li hilob'aal kutan. Toja' naq kink'oxla risinkil linjosq'il sa' xb'eeneb' ut xrahob'tesinkileb' sa' li chaqich'och' xb'aan xmay linch'ool.

Isaías 57:4

Ani nekese'e laa'ex, ani nekereetz'u ut nekeb'iy chere? Laa'ex ralal xk'ajol li maak, yal sik'b'il alex

Isaías 1:4

Toq'ob' eeru, ex aj maak, ex tenamit nujenaqex chi maa'usilal, ex aj yoob'anel ink'a' us; k'ajo' xyib'al ru leena'leb'! Xexnajto'k rik'in li Qaawa', xetz'eqtaana li xSantil Yos laj Israel ut xekanab' chi junajwa.

Salmos 78:57

Ke'xq'et li raatin, tik ke'sachk, ke'xb'aanu wi' chik jo' ke'xb'aanu li xna' xyuwa'eb' junxil, chanchaneb' li xna' simaj li ink'a' tiik najayalink.

Li xHu LAJ JOB 14:4

Li k'aru tz'ajn ru ink'a' naru xch'ajob'resinkil. Maa'ani naru xb'aanunkil chi jo'kan.

Nehemías 13:18

Ma ink'a' tab'i' jo'kan ke'xb'aanu leena' leeyuwa'? Ma maawa' tab'i' xmaak a'an naq li qaYos xk'e chaq chixjunileb' li rahilal a'in sa' qab'een ut sa' xb'een li tenamit a'in? Ma toj teeraj ajwi' xchiq'b'al xjosq'il li Yos sa' xb'eeneb' laj Israel rik'in xmuxb'al li sábado?”.

Esdras 10:10

Toja' naq laj Esdras laj tij kixaqliik ut kixye reheb': “Xexmaakob'k xb'aan naq xexsumlaak rik'ineb' li ixq aj ab'l tenamiteb'. Chi jo'kan kitamk xmaakeb' laj Israel.

Génesis 8:21

Naq li Qaawa' kirutz' xsununkil xb'ook li mayej, kixye sa' xch'ool: “Maajun wa chik tintz'eqtaana li ch'och' xmaakeb' li winq: ak reheb' a'an naq aj maakeb' chalen chaq sa' xkach'inal. Ink'a' chik tinrahob'tesiheb' li wankeb' xyu'am jo' xinb'aanu anaqwan.

Génesis 5:3

Lajeeb' xwuqk'aal (130) chihab' wank re laj Adán naq kiwank chik jun ralal jo' tz'aqal xjalam u, jo' rilob'aal a'an; aj Set kixk'e cho'q xk'ab'a'.

Números 32:15

Wi ink'a' nekepaab' li Qaawa', li Yos tooxkanab' wi' chik chi wank sa' li chaqich'och', ut laa'ex teek'am chaq nimla rahilal sa' xb'een chixjunil li tenamit, chan laj Moisés.

Deuteronomio 9:24

Chalen naq kinnaw eeru, laa'ex q'etq'etex chiru li Qaawa' leeYos!

2 Crónicas 28:13

ut ke'xye reheb': “Meeroksiheb' chaq arin laj preex a'in, xb'aan naq a'an tixteneb' jun chik li maak sa' qab'een chiru li Qaawa'. Li k'aru yookex laa'ex, a'an xk'eeb'al xkomon qamaak ut qaraaxiik'. Ak jwal nim li qamaak, ut li Qaawa' yo xjosq'il sa' xb'eeneb' laj Israel”.