Números 32:13 - Q'eqchi Bible

¹³ Q'axal kijosq'o'k li Qaawa' rik'ineb' laj Israel ut kixk'eheb' chi xb'eeninkil rib'eb' sa' li chaqich'och' chiru ka'k'aal chihab', toj reetal ke'oso'k chixjunileb' li ke'xb'aanu li ink'a' us chiru.

Li Santil hu

¹³ Cꞌajoꞌ nak quijoskꞌoꞌ li Dios saꞌ xbe̱neb laj Israel. Joꞌcan nak quixqꞌueheb chixbeninquil ribeb saꞌ li chaki chꞌochꞌ chiru caꞌcꞌa̱l chihab toj retal queꞌosoꞌ chixjunileb li queꞌxba̱nu li incꞌaꞌ us chiru li Ka̱cuaꞌ.

Números 32:13 ပူးပေါင်းရင်းမြစ်များ

1 Corintios 10:5

Ab'an q'axal naab'al reheb' a'an ink'a' kiwulak chiru li Yos li xna'leb'eb', ut ke'kanab'aak chi kamenaqeb' sa' li chaqich'och'.

Salmos 78:33

Jo'kan naq li Yos kirisi li xyu'ameb' rik'in yal jun apusink, kixraq li xkutaneb' rik'in raxkamk.

Números 14:32

Leech'och'el leesululel taakanaaq sa' li chaqich'och' a'in,

Deuteronomio 2:7

Xb'aan naq li Qaawa' laaYos xatrosob'tesi sa' chixjunil laak'anjel; xatril chiru laab'eenik sa' li nimla chaqich'och' a'in, ut ak ka'k'aal chihab' anaqwan naq li Qaawa' laaYos wank aawik'in chi maak'a' xmajelo'k aawe.

Salmos 107:4

Ke'xb'eeni rib' sa' li chaqich'och', sa' junesal na'ajej, chi ink'a' neke'xtaw xb'ehil junaq tenamit te'wanq wi'.

Éxodo 16:35

Chiru ka'k'aal chihab' eb' laj Israel ke'xwa' li maná toj reetal ke'wulak sa' li chaab'il ch'och'. Ke'xwa' a'an toj ke'wulak sa' xnub'ajlil li tenamit Kanahán.

Jueces 2:14

Jo'kan naq li Qaawa' kichalk xjosq'il sa' xb'eeneb' laj Israel. Kixq'axtesiheb' sa' ruq'eb' laj elq' li ke'maq'ok chixjunil li k'aru wank reheb', kixk'ayeb' sa' ruq'eb' li xik' neke'ilok reheb', li wankeb' chi nach', ut ink'a' chik ke'xkuy xkolb'aleb' rib' chiruheb'.

Jueces 2:20

Jo'kan naq kichalk xjosq'il li Qaawa' sa' xb'een li tenamit Israel, ut kixye: “Li tenamit a'in ke'xq'et li sumwank kink'ojob' rik'ineb' li xna' xyuwa'eb'. Ink'a' ke'rab'i xyaab' linkux.

Salmos 95:10

Chiru ka'k'aal chihab' ke'xpo' linch'ool eb' li tenamit a'an, ut kinye: «Li tenamit a'in q'axal b'ach'b'ach'eb', ink'a' neke'raj xtaaqenkil linb'e».

Amós 2:9

Ex aj Israel, laa'in kexwisi chaq sa' li tenamit Ejiipt, ut ka'k'aal chihab' kexinb'eresi sa' li chaqich'och'. Cheru laa'ex kinsach ruheb' laj Amor, li jwal najteb' xteram jo'eb' li yaw ut q'axal kaweb' rib' jo'eb' li ji; keb'insach ruheb' chi junajwa ut kinq'axtesi eere li xch'och'eb'.