Números 31:54 - Q'eqchi Bible

⁵⁴ Ab'an laj Moisés ut laj Elehasar laj tij ke'xk'ul li oor sa' ruq'eb' li xjolomileb' laj junqmil ut eb' laj o'taqk'aal chi aj puub', ut ke'xk'am sa' li Loq'laj Muheb'aal, re xpatz'b'aleb' laj Israel.

Li Santil hu

⁵⁴ Laj Moisés ut laj Eleazar laj tij queꞌxcꞌul li oro li queꞌxsi re li Ka̱cuaꞌ eb li nequeꞌtaklan saꞌ xbe̱neb li junju̱nk chꞌu̱tal li soldados, Queꞌxcꞌam saꞌ li tabernáculo ut queꞌxqꞌue re li Ka̱cuaꞌ saꞌ xcꞌabaꞌeb laj Israel.

Números 31:54 ပူးပေါင်းရင်းမြစ်များ

Éxodo 30:16

Taaxok li tumin k'eeb'il re xkolb'al rix xyu'ameb' laj Israel, ut taaq'axtesi cho'q re li k'anjel taa'uxmanq sa' xMuheb'aal li ch'utam; ut a'anaq xpatz'b'aleb' laj Israel xb'aan li Qaawa' re naq te'xkol rix li xyu'ameb'”.

Zacarías 6:14

Li koroon taakanaaq sa' rochoch li Qaawa', re xpatz'b'alaqeb' laj Jelday, laj Tobías, laj Jedaías ut laj Josías, ralal laj Sofonías.

Hechos 10:4

Laj Kornelio kixka'ya ut k'ajo' xxiw naq kixpatz': “K'aru, at Qaawa'?”, chan. Kichaq'ok li ánjel, ut kixye: “Laatij ut laalemoox xe'taqe'k chajultikankil chiru li Yos.

San Lucas 22:19

Chirix chik a'an kixchap li wa, kiyoxink, kixjachi ut kixk'e reheb': —A'an a'in lintz'ejwal q'axtesinb'il sa' eek'ab'a'. Cheb'aanu a'in re xnimankil injultikankil.

Salmos 145:7

Taajultikamanq li xnimal aawusilal ut taayeemanq laatiikilal rik'in sahil ch'oolej.

Salmos 115:1

At Qaawa', maak'e qaloq'al laa'o, chak'e b'an xloq'al laak'ab'a', xb'aan naq chaab'ilat ut tiik laach'ool.

Salmos 18:49

Laa'at nakatkolok we chiruheb' li xik' neke'ilok we; nakanimob'resi linwankil sa' xb'eeneb' li neke'rahob'tesink we ut nikinaakol chiruheb' li yib'ru xna'leb'eb'.

Josué 4:7

teeye reheb': «Li xha'ul li nima' Jordán kixjach rib' chiru li xLoq'laj Kaaxil li Sumwank naq kinume'k junpak'al. Eb' li pek a'in a'an reetalil chiruheb' laj Israel, re naq jultikaq reheb' chi junelik li k'aru kixb'aanu li Yos»”.

Números 16:40

A'an jun reetalil chiruheb' laj Israel naq maajun junaq li maawa' aj tij taamayejaq pom chiru li Qaawa'; juneseb' li ralal xk'ajol laj Aharón truuq te'xb'aanu a'an. Mare anchal te'xk'ul jo' laj Koré ut eb' li xkomon, jo' yeeb'il chaq xb'aan li Qaawa' re laj Moisés.

Éxodo 28:12

Chirix chik a'an taak'e xkab'ichaleb' li pek sa' xb'een xteleb' li efod, re inpatz'b'al xb'aaneb' li ralal xk'ajol laj Israel; chi jo'kan laj Aharón tixk'am xk'ab'a'eb' sa' xb'een xkab'ichaleb' li xtel, re xpatz'b'aleb' chiwu laa'in li Qaawa'.

Esdras 7:5

ralal laj Abisúa, ralal laj Pinjás, ralal laj Elehasar, ralal laj Aharón li xyuwa'il aj tij.