Números 31:30 - Q'eqchi Bible

³⁰ Ut li xyiijachil te'tz'aqonq eb' laj Israel, a' yaal ma poyanameb', wakax, b'uur ut karneer, junjunq sa' xyanqeb' li lajeetq roxk'aal (50), yalaq k'a' chik chi xulil, taaq'axtesi reheb' laj Leví li wankeb' chi k'anjelak sa' li xLoq'laj Muheb'aal li Qaawa'”, chan li Yos.

Li Santil hu

³⁰ Ut li yijach chic li ta̱jeqꞌui̱k saꞌ xya̱nkeb laj Israel, ta̱cuisi junju̱nk saꞌ li laje̱b roxcꞌa̱l li cꞌaꞌak re ru li teꞌxcꞌul laj Israel ut ta̱qꞌue reheb laj levita li nequeꞌiloc re li tabernáculo, joꞌ cristian, joꞌ bo̱yx, joꞌ bu̱r, joꞌ carner, joꞌ chiba̱t, joꞌ ajcuiꞌ li jun chꞌol chic li xul, chan li Dios.

Números 31:30 ပူးပေါင်းရင်းမြစ်များ

Números 3:31

A'aneb' a'in li neke'ilok re li Loq'laj Kaax, li meex, li xna'aj kanteel, eb' li artal, li k'a'aq re ru li nak'anjelak re loq'onink, li loq'laj t'ikr ut chixjunil li xk'anjelankil a'an.

Números 3:25

Eb' li ralal xk'ajol laj Kersón a'aneb' li te'iloq re li Loq'laj Muheb'aal, li xmuheel ut li t'ilkem li natz'apok re li okeb'aal sa' li Loq'laj Na'ajej,

Hebreos 13:17

Chex'ab'inq chiruheb' laj k'amol eeb'e xb'aan naq eb' a'an neke'yo'lek chirix leeyu'am jo'eb' li toxe'xq'axtesi ru li xk'anjeleb' cherix laa'ex. Chepaab'aqeb' re naq te'xb'aanu a'in rik'in sahil ch'oolej, ut ink'a' chi rahaqeb' sa' xch'ool, xb'aan naq a'an moko tixk'am ta chaq usilal cho'q eere.

Colosenses 4:17

Cheye re laj Arkipo: “Chak'e sa' aach'ool li k'anjel kik'ehe'k aawe sa' xk'ab'a' li Qaawa', ut chayal aaq'e chi xb'aanunkil chi us”.

1 Corintios 4:2

Li na'ajmank ru rik'ineb' laj k'anjel, a'an naq tiikaqeb' xch'ool.

Hechos 20:28

Cherilaq eerib' jo' ajwi' cherilaqeb' chixjunil li karneer li xaqab'anb'ilex wi' xb'aan li Santil Musiq'ej cho'q aj k'aak'alehom reheb'. Cheb'eresi li x'Iklees li Yos li kixloq' rik'in xkik'el li Ralal.

1 Crónicas 23:32

Rilomaqeb' ajwi' li xMuheb'aal li Yos ut li Loq'laj Ochoch, sa' xk'anjel li Qaawa', rochb'eenaqeb' li ralal xk'ajol laj Aharón, li rech'alaleb'.

Números 31:28

Taara kach'inaq cho'q re li Qaawa' li te'tz'aqonq eb' laj puub', a' yaal ma poyanameb', wakax, b'uur ut karneer: teek'e re li Qaawa' junjunq sa' xyanqeb' li o'taqk'aal xkab' o'q'ob' (500).

Números 31:29

Taaq'axtesi re laj Elehasar li xyiijachil, cho'q mayej chiru li Qaawa'.

Números 31:31

Laj Moisés ut laj Elehasar laj tij ke'xb'aanu jo' chanru kiyehe'k re laj Moisés xb'aan li Qaawa'.

Números 1:53

ut eb' laj Leví te'xyiib' li xmuheb'aaleb' chi xsutam li Loq'laj Muheb'aal ut te'iloq re, re naq michalk xjosq'il li Qaawa' sa' xb'eeneb' laj Israel”, chan li Qaawa'.

Números 8:26

Yal te'xtenq'aheb' aj chik eb' li ras riitz'in sa' li k'anjel na'uxmank sa' li Loq'laj Na'ajej, ab'anan ink'a' chik naru te'ok chi k'anjelak. Jo'kan taab'aanu reheb' laj Leví chirix li xk'anjeleb'”, chan li Yos re laj Moisés.

Josué 9:27

ab'an kixk'eheb' chi k'anjelak jo' aj si'inel ut aj b'eelam ha' cho'q re li komonil ut li x'artal li Qaawa', sa' li na'ajej li tixsik' ru li Qaawa'. Ut chalen toj anaqwan a'an ajwi' li k'anjel neke'xb'aanu.

2 Crónicas 14:15

Jo'kan ajwi' ke'xkut rib' sa' xb'eeneb' li wankeb' xketomq, ut naab'al li karneer ut kameey ke'xchap chaq. Chirix chik a'an ke'sutq'iik wi' chik Jerusalén.