Números 31:16 - Q'eqchi Bible

¹⁶ Xmaakeb' a'an naq eb' laj Israel ke'xq'etq'eti rib' chiru li Qaawa'. A'aneb' tz'aqal li ke'takchi'ink reheb' re te'xloq'oni ru laj Bahal-Pehor; jo'kan naq li Qaawa' kixrahob'tesi li xtenamit rik'in raxkamk.

Li Santil hu

¹⁶ Aꞌaneb li ixk li queꞌtacchiꞌi̱c xban laj Balaam. Ut aꞌan eb li queꞌqꞌuehoc reheb laj Israel chi ma̱cobc chiru li Ka̱cuaꞌ ut queꞌxlokꞌoni laj Baal-peor. Xbaneb aꞌan nak li Dios xtakla li raylal saꞌ xbe̱n li tenamit Israel.

Números 31:16 ပူးပေါင်းရင်းမြစ်များ

2 Pedro 2:15

Naq xe'xkanab' li tiikil b'e, xe'sachk ut a' chik li xb'e laj Balaham, ralal laj Bosor, xe'ok chi xtaaqenkil: a'an kixra ru xk'ulb'al li tumin rik'in xb'aanunkil li maa'usilal,

Apocalipsis 2:14

Ab'anan wank k'aru tatinq'us wi': wank wankeb' aawik'in li neke'xpaab' li xk'utum laj Balaham. A'an kik'utuk chiru laj Balak xq'unb'esinkileb' chi maakob'k eb' li ralal xk'ajol laj Israel re naq te'xtzeka li tib' mayejanb'il chiru li xyoseb' ut te'xmux rib'eb'.

Josué 22:17

Ma ink'a' tab'i' tz'aqal li maak xeb'aanu naq xmaakob'k laj Pehor? Jun nimla rahilal xchalk sa' qab'een laa'o li xkomonil li Qaawa', ut toj wank ajwi' li maak a'an sa' qab'een.

Deuteronomio 4:3

Laa'ex xeril tz'aqal rik'in leeru li k'aru xb'aanu li Qaawa' rik'in laj Bahal-Pehor, jo'ch'inal jo'nimal xe'xk'ul chixjunileb' li xe'taaqenk re a'an: li Qaawa' leeYos xsacheb' ru chixjunileb', ut maak'a'eb' chik anaqwan sa' eeyanq.

Números 24:14

“Us b'i', xik we anaqwan sa' lintenamit. Kim ut tinye aawe li k'aru te'xb'aanu aawe li tenamit a'in chiruheb' li kutan chaalel”, chan laj Balaham.

Proverbios 23:27

Xb'aan naq laj yumb'eet, a'an chanchan li siwan, ut li ixq aj muxul sumlaak chanchan jun li jul laatz' xsa'.

Números 25:18

xb'aan naq eb' a'an xe'b'alaq'ink eere naq xexk'e chi xloq'oninkil laj Bahal-Pehor. Jo'kan ajwi' xe'xb'aanu xmaak lix Kosbí, xrab'in jun xjolomil xteepaleb' laj Madián, a' li xkamsiik sa' xkutankil li rahilal xchalk xb'aan laj Bahal-Pehor”, chan li Qaawa'.

Eclesiastés 7:26

Xink'e ajwi' reetal naq li ixq ink'a' us xna'leb' naab'al chik li rahilal naxk'am chaq chiru li kamk. Li ixq a'an chanchan jun ra'al, naxyal xq'e chi q'unb'esink rik'in li xch'ool ut eb' li xtel. Wi laa'at nakapaab' li Yos, taakol aawib' chiru li ixq a'an; ab'an wi ink'a' nakapaab' li Yos, tatt'ane'q sa' li xra'al.

San Judas 1:11

Ra chaalel sa' xb'eeneb', xb'aan naq xkoheb' sa' xb'e laj Kaín. Xb'aan li tumin xe'xq'axtesi rib' sa' li kib'alaq'iik wi' laj Balaham, ut xe'oso'k sa' li xq'etb'a aatin laj Koré.

Números 31:8

Ke'xkamsiheb' ajwi' li oob' chi awab'ej aj Madián: laj Ebí, laj Rekem, laj Sur, laj Jur ut laj Rebá. Ke'xkamsi ajwi' chi q'esnal ch'iich' laj Balaham, ralal laj Pehor.