Números 30:13 - Q'eqchi Bible

¹³ “Yalaq k'a' chi yeechi'om malaj jurament chirix ayuun xk'ulub'an xb'aanunkil li ixq, li b'eelomej tixye ma truuq tixb'aanu malaj ink'a'.

Li Santil hu

¹³ Li be̱lomej tixye ma ta̱ru̱k tixba̱nu li cꞌaꞌru quixyechiꞌi re li Dios li ixakilbej malaj ut incꞌaꞌ naru tixba̱nu.

Números 30:13 ပူးပေါင်းရင်းမြစ်များ

1 Corintios 11:3

Ab'anan twaj teenaw naq li xjolomil chixjunileb' li winq a'an li Kriist, ut li xjolomil li ixq a'an li winq, ut li xjolomil li Kriist a'an li Yos.

1 Corintios 11:9

Chi moko li winq kiyoob'tesiik sa' xk'ab'a' li ixq, a' b'an li ixq kiyoob'tesiik sa' xk'ab'a' li winq.

Isaías 58:5

Ma a'in tab'i' li ayuunik nawaj laa'in sa' li kutan naq li winq naxkub'si li xwankil? Nekexulub' leejolom kama' naxulq'iik li b'ayal, ut nekexwark chiru pop ut cha. Ma a'an nekeye «ayuunik» re, ut «kutan li nawulak chiru li Qaawa'»?

Salmos 35:13

Naq xe'yajerk eb' a'an, laa'in xink'e saak chiwix, xinyot' linch'ool rik'in ayuun, ut kok'aq xsa' yookin chi tijok sa' li waanm.

Esdras 8:21

Aran chire li nima' Ahabá kinxaqab' jun li ayuun re xkub'sinkil qib' chiru li qaYos jo' ajwi' re xpatz'b'al naq maak'a' tqak'ul sa' li qab'eenik laa'o, eb' li qalal qak'ajol ut li k'aru wank qe.

Números 29:7

“Sa' ajwi' li lajeeb' xb'e li xwuq po, taawanq leeloq'laj ch'utam. Ink'a' textzekanq ut maajun taak'anjelaq chiru li kutan a'an.

Levítico 23:32

A'anaq hilob'aal kutan cho'q eere laa'ex, b'arwi' tex'ayuuniq. Taatiklaaq ewu sa' li b'eleeb' xb'e li po toj sa' li ewu jun chik”.

Levítico 23:27

“Li xlaje kutan re ajwi' li xwuq po, a'anaq xkutankil li kuyuk sachok maak. Tento taawanq jun eeloq'laj ch'utam, tex'ayuuniq ut teek'at junaq eemayej sa' xk'ab'a' li Qaawa'.

Levítico 16:29

“A'an a'in jun chaq'rab' xaqxooq xwankil chi junelik cho'q eere: sa' xlaje xb'e li xwuq li po, tento naq teeb'aanu ee'ayuun; maajun li k'anjel teeb'aanu, jo'keb' laj Israel, jo'keb' ajwi' laj ab'l tenamit li wankeb' sa' eeyanq,

1 Corintios 7:5

Meeram li wank cherib'il eerib'; naru teekuy eerib' wi xek'uub' a'an sa' wiib'al, yal chiru jarub'aq kutan, re naq teek'e eech'ool chi tijok. Ab'anan moqon teelaq'ab' wi' chik eerib' re naq mexraale laj tza sa' xk'ab'a' naq ch'a'aj xkuyb'al eerib'.

Números 30:12

Ab'an wi li b'eelomej ink'a' xk'ulub'an xch'ool sa' li kutan naq xrab'i a'an, maak'a' xwankil li xyeechi'om li rixaqil malaj li k'aru xk'ulub'an xb'aanunkil. Li Qaawa' ink'a' tixk'e sa' ajl, xb'aan naq ink'a' xk'ulub'a xch'ool li b'eelomej.

Números 30:14

Ab'an wi wulajaq chik a'an li b'eelomej maak'a' tixye chirix li xyeechi'om malaj li k'a'aq ru xk'ulub'an xb'aanunkil li ixaqilb'ej, ch'olch'o naq li ixq tento tixb'aanu li k'aru xyeechi'i, xb'aan naq li xb'eelom maak'a' xye chirix naq xrab'i resil.