Números 28:11 - Q'eqchi Bible

¹¹ “Sa' xtiklajik li junq po teeyeechi'i jun k'atb'il mayej chiru li Qaawa': wiib' saaj wakax, jun chib'aat ut wuqub' karneer aj junq chihab', chi maak'a'aq reek'eb'.

Li Santil hu

¹¹ Saꞌ li xbe̱n cutan re li po teꞌxqꞌue li cꞌatbil mayej. Teꞌxqꞌue cuib li toro toj sa̱jeb, jun li te̱lom carner, ut cuukub li te̱lom carner jun chihab cua̱nk reheb ut ma̱cꞌaꞌak re̱qꞌueb chixjunileb.

Números 28:11 ပူးပေါင်းရင်းမြစ်များ

Números 10:10

Sa' xkutankil li sahil ch'oolej, sa'atqeb' leeninq'e ut sa' xyo'lajikeb' li po, yaab'asihomaq li tronpeet sa' xhonalil xk'atb'al leemayej ut xq'axtesinkil leeyeechi'om re li k'amok ib' sa' usilal rik'in li Yos. Chi jo'kan texjultiko'q re li Qaawa'. Laa'in li Qaawa', leeYos”.

Ezequiel 46:6

Sa' xyo'lajik li po tixmayeja jun saaj wakax, waqib' kok' karneer ut jun teelom karneer, li maak'a'aq reek'eb'.

Colosenses 2:16

Jo'kan utan, maa'ani chiwech'oq eerix rik'in wa'ak uk'ak, chirix ninq'e, xyo'lajik li po malaj chirix li sábado.

Oseas 2:11

Tinsach chixjunil li nasaho'k wi' xch'ool, a' li utz'uk, li xninq'ehinkil li xtiklajik li po, li hilob'aal kutan jo'wi' chixjunileb' li ninq'e.

Esdras 3:5

Chirix chik a'an ke'xyeechi'i li mayej na'uxmank wulaj wulaj jo'wi' sa' xyo'lajik li po, sa'eb' li loq'laj ninq'e ut chirixeb' jo'k'ihaleb' li ki'alaak sa' xch'ooleb' xk'eeb'al xmayej re li Qaawa'.

2 Crónicas 2:4

K'e reetal, twaj xkab'lankil jun rochoch li Qaawa' linYos re naq q'axtesinb'ilaq cho'q re A'an, jo' ajwi' re xk'atb'al sununkil ensens chiru, re xmayejankil rajlal li loq'laj wa ut xyeechi'inkil k'atb'il xul eq'la ut ewu, sa' li kutan sábado, sa' xyo'lajik li po ut sa'atqeb' chik jalan ninq'e sa' xk'ab'a' li Qaawa' li qaYos, jo' junelik na'uxmank Israel.

1 Crónicas 23:31

jo' ajwi' re xyeechi'inkil chixjunileb' li k'atb'il mayej chiru li Qaawa' sa' li sábado, sa' xyo'lajik li po ut sa'eb' li ninq'e, jo'k'ihaleb' li tz'iib'anb'il chaq xk'ab'a'eb' chi junajwa re k'anjelak chiru li Yos.

1 Samuel 20:5

Kichaq'ok laj David: “K'e reetal, wulaj xyo'lajik li po. Laa'in tento raj tink'ojlaaq chi tzekank wochb'een li awab'ej. Ab'anan kanab'in chi xik ut laa'in toxinmuq wib' sa' pim toj taaq'oqyino'q.

Colosenses 2:6

Jo'kan utan, kama' naq xek'ul chaq li Kristo Jesus, li Qaawa', chexwanq ajwi' anaqwan rik'in A'an:

Gálatas 4:10

Yookex chi xnimankileb' li kutan, li po, li saq'ehil, li hab'alq'e ut li chihab'.

Amós 3:5

Ma nachape'k tab'i' junaq xik'anel xul wi maak'a' li ra'al? Ma nawakliik tab'i' li ra'al chiru ch'och' wi maak'a' naxchap?

Ezequiel 46:1

“Jo'ka'in naxye li Qaawa': Li rokeb'aal li neb'aal li wank chisa', sa' xjayal releb'l saq'e, tz'aptz'ooq chiru li waqib' kutan na'uxk wi' k'anjelak; ka'ajwi' sa' xwuq li kutan ut sa' xninq'ehinkil li xyo'lajik po taateemanq.

Isaías 66:23

Rajlal po, sa' xyo'lajik li po, ut rajlal sábado, chixjunileb' li poyanam tole'xwiq'ib' rib' chiwu, -chan li Qaawa'-.

Salmos 81:3

Chexb'ichanq, chetoch' leekok' tun, ch'e'omaq li loq'laj aarp ut li kitaar!

Salmos 40:8

jo'kan naq xinye: We'kin, chalk we, chankin. Tz'iib'anb'il chiwix sa' li b'otb'ookil hu

Salmos 40:6

At Qaawa', at inYos, naab'al li sachb'ach'oolej xab'aanu, k'ajo' xk'ihal li xninqal ru aak'a'uxl chiqix: maajun truuq xjuntaq'eetankil rib' aawik'in! Nawaj raj xyeeb'al resil ut xpuktesinkil, ab'an ink'a' ninruhank chi rajlankileb'.

Nehemías 10:33

cho'q re li wa namayejamank, li yeechi'om ut li k'atb'il mayej nak'eemank rajlal kutan, li mayej nayeechi'imank sa' li kutan sábado, sa' xyo'lajik li po ut sa' chixjunileb' li ninq'e; cho'q re li k'a'aq re ru q'axal loq' nayeechi'imank, ut li mayejak na'uxmank re xpatz'b'al xkuyb'al xmaakeb' laj Israel, jo' ajwi' cho'q re chixjunil li loq'laj k'anjel na'uxmank sa' rochoch li qaYos.

2 Reyes 4:23

“K'a'ut naq xik aawe rik'in anaqwan, naq maji' nayo'laak li po chi moko sábado ta?”, chan li b'eelomej. Ab'an li ixq kixye: “Matk'oxlak”.

Números 28:19

Teeyeechi'i a'in re li Qaawa' cho'q k'atb'il mayej sununk xb'ook: wiib' saaj wakax, jun chib'aat ut wuqub' chi karneer li maak'a'aq reek'eb',

Levítico 1:3

“Wi li xul li tixyeechi'i cho'q xk'atb'il mayej, a'an isinb'il chaq sa' xyanqeb' li xwakax, tento naq a'anaq jun teelom wakax li maak'a' reek'. Ut tento tixyeechi'i sa' rokeb'aal li Loq'laj Muheb'aal, re naq k'ulb'ilaq xb'aan li Qaawa',

Levítico 1:9

Ani tixyeechi'i k'atb'il xul cho'q xmayej tento tixch'aj rik'in ha' li xk'amk'ot ut li ra' li xul, ut laj tij tixk'at chixjunil sa' xb'een li artal. A'an jun k'atb'il mayej jwal sununk xb'ook chiru li Qaawa'.

Levítico 1:13

Ani tixyeechi'i xk'atb'il mayej tento tixch'aj rik'in ha' li xk'amk'ot ut li ra' li xul, ut laj tij tixk'at chixjunil sa' xb'een li artal cho'q k'atb'il mayej jwal sununk xb'ook chiru li Qaawa'.

1 Samuel 9:12

Ke'sumeek: “Wank, aran cheru wank laj q'e u. Seeb'ahomaq eerib' chi xik re naq teetaw. Toje' xk'ulunk sa' li tenamit, xb'aan naq hoon taamayejaq sa' xk'ab'a'eb' li tenamit, sa' xb'een tzuul.

2 Crónicas 8:13

kimayejak sa'eb' li kutan naq tento xb'aanunkil, jo' chanru naxye li xchaq'rab' laj Moisés, naraj naxye, sa'eb' li kutan sábado, sa' xyo'lajik li po ut sa' li oxib' chi ninq'e nawank chiru li junq chihab': sa' li xNinq'e li wa ink'a' yuub'il, sa' xNinq'eheb' li Xamaan ut sa' xNinq'eheb' li Muheb'aal.

Ezequiel 46:7

Rochb'een li junjunq chi saaj wakax, tixmayeja waqitq xka'k'aal meet chi k'aj; jo'kanaq ajwi' chirix li teelom karneer. Ut chirixeb' li karneer, tixyeechi'i a' yaal re a'an jo'k'ihal tixk'e. Ut o'otq meet chi aseeyt tixk'e rochb'een li waqitq xka'k'aal meet chi k'aj.

Amós 8:5

Laa'ex nekeye: “Jo'q'e taaraqe'q xninq'ehinkil li ak' po re tooruuq xk'ayinkil li triiw? Jo'q'e taanume'q li hilaal kutan re xk'ayinkil li ixim chi terto xtz'aq, ut tqak'os xb'isul li b'isleb'?

2 Crónicas 2:3

Chirix chik a'an laj Salomón kixtaqla xyeeb'al re laj Jirán, awab'ej re Tiro: “B'aanu wik'in li xab'aanu rik'in laj David linyuwa', naq xataqlaheb' chaq naab'al li che' yaw, re kixyiib' jun rochoch b'arwi' kiwank.

Salmos 81:4

Yaab'asihomaq leetronpeet sa' xtiklajik li po, sa' xxoronik li po, sa' xkutankil li qaninq'e!