Números 27:21 - Q'eqchi Bible

²¹ Ab'an laj Josué tento toxk'ut rib' chiru laj Elehasar laj tij, ut a'in taapatz'oq wik'in, jo' chanru na'uxk rik'in li b'uulink, chiru li Qaawa'. Laj Josué a'an li taataqlanq sa' xb'een chixjunileb' laj Israel, sa' xb'een chixjunil li komonil, rik'in li k'aru te'xb'aanu”.

Li Santil hu

²¹ Laj Josué ta̱xic riqꞌuin laj Eleazar laj tij ut tixpatzꞌ re cꞌaꞌru tixba̱nu. Ut laj Eleazar tixsicꞌ li cꞌaꞌru nacuaj riqꞌuin li Urim. Laj Josué, aꞌan li ta̱takla̱nk saꞌ xbe̱neb laj Israel riqꞌuin chixjunil li cꞌaꞌru teꞌxba̱nu, chan li Ka̱cuaꞌ.

Números 27:21 ပူးပေါင်းရင်းမြစ်များ

1 Samuel 28:6

Kipatz'ok rik'in li Qaawa', ab'an ink'a' kisumeek xb'aan a'an, chi moko sa' xmatk', chi moko chi b'uulinb'il, chi moko rik'in propeet.

Josué 9:14

Toja' naq eb' laj jolominel ke'xyal xtzekemqeb' laj Gabahón, ab'an ink'a' ke'patz'ok re li Qaawa'.

Éxodo 28:30

Ut sa' li pektoral re li q'ehink taak'e li Urim ut li Tumin, re naq wanqeb' chire xch'ool laj Aharón naq tox'okaq chiru li Qaawa'. Chi jo'kan laj Aharón junelik tixk'am chire xch'ool, chiru li Qaawa', li k'anjelob'aal re li q'ehink chirixeb' li ralal xk'ajol laj Israel.

Nehemías 7:65

Laj taqlanel sa' xb'een li tenamit kixram chiruheb' xtzekankil li k'aru jwal loq' toj reetal junaq aj tij taatz'iloq aatin chirix a'in rik'in li Urim ut li Tumim.

Esdras 2:63

Ut laj taqlanel sa' xb'een li tenamit kixram chiruheb' xtzekankil li k'aru jwal loq' toj reetal junaq aj tij taapatz'oq chirixeb' rik'in li Urim ut li Tumim.

1 Samuel 30:7

ut kixye re laj Abiatar laj tij, ralal laj Ajimélek: “B'aanu usilal, k'am chaq li efod”. Naq laj Abiatar kixk'am li efod rik'in laj David,

1 Samuel 23:9

Ab'an laj David naq kixnaw naq laj Saúl yo chi xk'uub'ankil li xkamik, kixye re laj Abiatar laj tij: “K'am chaq li efod”;

Jueces 20:18

Eb' laj Israel koheb' ut ke'taqe'k Betel. Aran ke'xpatz' re li Yos: “Ani qe laa'o taaxik xb'enwa chi yalok rik'ineb' laj Benjamín?”, chankeb'. Ut li Qaawa' kixsumeheb': “Eb' laj Judá a'aneb' li te'xik xb'enwa”, chan.

Jueces 1:1

Chirix li xkamik laj Josué, eb' laj Israel ke'xpatz' re li Qaawa': “Ani qe laa'o xb'een taaxik chi yalok rik'ineb' laj Kanahán?”, chankeb'.

Deuteronomio 33:8

Cho'q re laj Leví kixye a'in: “Chak'e reheb' laj Leví laa'Urim ut laaTumim; chak'e reheb' li winq li nasaho'k wi' aach'ool, a' li kayal rixeb' aran Masá ut kaq'useb' chaq chire li ha' re Meribá.

Números 27:17

ut tixb'eresiheb' yalaq b'ar, re naq ink'a' taakanaaq li xkomonil li Qaawa' jo'keb' li karneer maak'a' aj ilol reheb'”, chan laj Moisés.

Levítico 8:8

Chirix a'an kixk'e li pektoral sa' xb'een, ut sa' li pektoral kixk'e li Urim ut li Tumim.

Números 27:5

Laj Moisés kixpatz' re li Qaawa' chirix li ch'a'ajkilal a'in,

Números 27:20

Taak'e b'ayaq laawankil re, re naq taapaab'aaq xb'aaneb' chixjunil li xkomonileb' laj Israel.

Números 27:22

Laj Moisés kixb'aanu jo' kiyehe'k re xb'aan li Qaawa': kixk'am laj Josué ut koxxaqab' chiru laj Elehasar laj tij jo' ajwi' chiruheb' chixjunil li komonil.

1 Samuel 14:19

Ab'anan naq laj Saúl yo chi raatinankil laj tij, yo ajwi' chi numtaak li poqoqij ib' sa' xna'ajeb' laj Filistea. Jo'kan naq laj Saúl kixye re laj tij: “Kanab' wan”.

2 Samuel 21:1

Naq laj David kiwank cho'q awab'ej, kiwank we'ej chiru oxib' chihab'. Toja' naq laj David kipatz'ok re li Qaawa' ut a'in kixye re: “A'an xk'ulmank xb'aan naq laj Saúl ut eb' li ralal xk'ajol ke'xkamsiheb' laj Gabahón”, chan.

Malaquías 2:7

“Ex aj tij, laa'ex li xtaql li Nimajwal Yos. Leek'anjel laa'ex, a'an xk'utb'al li Chaq'rab' chiruheb' li poyanam, ut chixjunileb' tento te'xsik' eerik'in li chaab'il na'leb'.

Números 27:2

Ke'wulak rik'in laj Moisés ut laj Elehasar laj tij, eb' li xjolomileb' li tenamit ut chiruheb' chixjunil li komonil, sa' rokeb'aal li Loq'laj Muheb'aal, ut ke'xye:

Deuteronomio 31:3

A' li Qaawa' laaYos, a'an li taak'amoq b'e cheru naq texnume'q junpak'al li nima'. A'an taasachoq reheb' li tenamit a'an cheru ut taarisiheb' sa' li xna'ajeb'. Laj Josué, a'an li taajolominq eere, jo' chanru xyehom li Qaawa'.