Números 27:13 - Q'eqchi Bible

¹³ Naq ak xawil a'an, tatq'ajq tatsutq'iiq rik'ineb' laana' laayuwa', jo' xb'aanu laj Aharón laawas.

Li Santil hu

¹³ Nak acak xacuil li naꞌajej la̱at tatca̱mk ut toxa̱tauheb la̱ xeꞌto̱nil yucuaꞌ, joꞌ nak quicam laj Aarón la̱ cuas.

Números 27:13 ပူးပေါင်းရင်းမြစ်များ

Deuteronomio 10:6

(Eb' laj Israel ke'elk wan wi' li ha' aran Bené-Yahakán ut koheb' Moserá. Aran kikamk laj Aharón ut aran ajwi' kimuqe'k. Laj Elehasar, li ralal, kikanaak cho'q reeqaj, jo' aj tij.

Números 31:2

“K'eheb' laj Israel chi reeqajunkil li rahilal ke'xb'aanu eb' laj Madián. Chirix chik a'an tatq'ajq tatsutq'iiq, ut toxaajunaji aawib' rik'ineb' laaxe'toonil yuwa'”, chan.

Deuteronomio 32:50

Aran, sa' xb'een li tzuul tattaqe'q wi', aran tatkamq, tatq'ajq ut tatsutq'iiq rik'ineb' laakomon. Jo'kan ajwi' kixk'ul laj Aharón laawas li kikamk sa' xb'een li tzuul Hor ut kiq'ajk kisutq'iik rik'ineb' li xkomon.

Números 33:38

Laj Aharón laj tij kitaqe'k sa' xb'een li tzuul Hor, jo' kiyehe'k re xb'aan li Qaawa', ut aran kikamk, akaq ka'k'aal chihab' chaq relikeb' laj Israel sa' li tenamit Ejiipt, sa' li xb'een kutan re li ro' po.

Génesis 25:17

Chixjunil li xyu'am laj Ismael a'an wuqlaju xwuqk'aal (137) chihab'. Chirix chik a'an ki'elk xch'ool ut kikamk, koxjunaji rib' rik'ineb' li xxe'toon.

Génesis 25:8

Ki'elk xch'ool laj Abrahán ut kikamk chi ak tiix chi us ut ak xikenaq xhab', ut koxjunaji rib' rik'ineb' li xxe'toon.

Deuteronomio 1:37

“Eemaak ajwi' laa'ex naq li Qaawa' kijosq'o'k wik'in ut kixye we: «Chi moko laa'at tat-ok aran.

Deuteronomio 4:22

Jo'kan naq laa'in tinkamq sa' li na'ajej a'in ut ink'a' tinq'ax Jordán. Ab'an laa'ex texnume'q junpak'al ut teereechani li chaab'il ch'och' a'an.

Deuteronomio 31:14

Chirix chik a'an li Qaawa' kixye re laj Moisés: “K'e reetal, li xkutankil laakamik nach' chik wank. B'oq chaq laj Josué ut wulaqex sa' li Loq'laj Muheb'aal, re naq tinye re li k'aru tento tixb'aanu”, chan. Koheb' laj Moisés ut laj Josué, ut ke'wulak sa' li Loq'laj Muheb'aal.

Deuteronomio 31:16

Toja' naq li Qaawa' kixye re laj Moisés: “K'e reetal, chi seeb' tatq'ajq tatsutq'iiq rik'ineb' laana' laayuwa', ut li tenamit a'in te'xtikib' xmuxb'al rib' rik'ineb' li jalanil yos, xyoseb' li ch'och' toxe'okaq wi'. Tine'xkanab' ut te'xq'et li Sumwank kinb'aanu rik'ineb'.