Números 26:55 - Q'eqchi Bible

⁵⁵ Ab'an li jachink ch'och' taa'uxmanq chi b'uulinb'il. A' yaal jo'k'ihal rajlankileb' li junq teep, jo'ka'an taa'uxmanq xjachinkileb' li ch'och'.

Li Santil hu

⁵⁵ Nak te̱jeqꞌui li chꞌochꞌ aꞌin saꞌ xya̱nk li junju̱nk chꞌu̱tal, te̱jeqꞌui riqꞌuin bu̱lic ut aꞌ yal chanru tzꞌi̱banbil xcꞌabaꞌeb li junju̱nk te̱p.

Números 26:55 ပူးပေါင်းရင်းမြစ်များ

Números 34:13

Laj Moisés kixnumsi eb' li aatin a'in reheb' laj Israel, ut kixye ajwi': “A'an a'in li na'ajej teejek'i cherix chi b'uulinb'il, a' li xye li Qaawa' naq taaq'axtesiiq reheb' li b'eleeb' teep ut li xyiijachil li jun chik,

Números 33:54

Teejek'i li ch'och' chi b'uulinb'il sa' xyanqeb' li junq teep. Li naab'aleb', teeyu' ru li xch'och'eb'; ab'an li ink'a' k'iheb', teek'os ru li xch'och'eb'. B'ar taatz'aq li junq teep, aran wanq li ch'och' taareechani. Teejek'i li ch'och', a' yaal ani li xxe'toonil yuwa'eb'.

Josué 14:2

Li ch'och' a'in kijek'imank chi b'uulinb'il sa' xyanqeb' li b'eleeb' chi teep ut li xyiijachil xteepal laj Manasés, jo' chanru kixye li Qaawa' re laj Moisés.

Josué 11:23

Laj Josué kireechani chixjunil li na'ajej kama' yeeb'il re laj Moisés xb'aan li Qaawa', ut kixq'axtesi reheb' laj Israel cho'q reechanihomeb', a' yaal chanru xmaatan li junjunq chi teep. Ut naq kiraqe'k li nimla yalok a'in, chixjunil li na'ajej kiwank sa' tuqtuukilal.

Colosenses 1:12

chexyoxinq rik'in sahil ch'oolej chiru li Yuwa'b'ej li xk'ehok eere chi tz'aqonk sa' li xmaataneb' laj santil paab'anel sa' li saqenk.

Hechos 1:26

Ke'xb'uuli rixeb' ut li maatan kinaqk sa' xb'een laj Matías; ut kik'eemank sa' ajl sa' xyanqeb' li junlaju chi apóstol.

Proverbios 18:18

Li xraqb'a aatin li Yos naxraq li wech'ij ib', ut naxjek' li kaweb' rib' li yookeb' chi yalok.

Proverbios 16:33

Li winq naxb'uuli rix li tixb'aanu, ab'an li Qaawa' yaal re sa' xb'een chixjunil.

Josué 19:40

Li xwuq na'ajej b'uulinb'il rix ke'reechani li ralal xk'ajol laj Dan, chi ch'uutal.

Josué 19:32

Li xwaq na'ajej b'uulinb'il rix ke'reechani li ralal xk'ajol laj Neftalí, chi ch'uutal.

Josué 19:24

Li ro' na'ajej b'uulinb'il rix ke'reechani li xteepal laj Aser.

Josué 19:17

Li xka na'ajej b'uulinb'il rix ke'reechani li ralal xk'ajol laj Isakar, chi ch'uutal.

Josué 19:10

Li rox na'ajej b'uulinb'il rix ke'reechani eb' li ralal xk'ajol laj Sabulón, chi ch'uutal: li xnub'ajl li xch'och'eb' nawulak toj Sadud.

Josué 19:1

Li xkab' na'ajej b'uulinb'il rix kikanaak cho'q reheb' li xch'uuteb' li xteepal laj Simehón. Li reechanihomeb' wank sa' xyi li xch'och'eb' li ralal xk'ajol laj Judá.

Josué 18:6

Naq ak xejachi li ch'och' sa' wuqub' jachal, teetz'iib'a reetalil ut teek'am chaq wik'in re naq tinb'uuli rix arin, chiru li Qaawa' li qaYos.

Josué 17:14

Sa' jun kutan eb' li ralal xk'ajol laj José ke'aatinak rik'in laj Josué ut ke'xye re: “K'a'ut naq ink'a' k'i li qana'aj xak'e qe? Laa'o naab'alo xb'aan naq li Qaawa' ki'osob'tesink qe”, chankeb'.

Números 26:56

Chi b'uulinb'il taajachi li ch'och', chi wanq sa' aach'ool li naab'aleb' ut li ink'a' k'iheb'”, chan li Qaawa'.

Ezequiel 47:22

A'anaq leereechanihom; a'anaq ajwi' li na'ajej te'tz'aq li jalaneb' xtenamit wankeb' sa' eeyanq ut xe'wank ralal xk'ajoleb' sa' eeyanq. Juntaq'eet teeril jo'eb' aj Israel; sa' xjek'inkil li ch'och' eb' a'an ajwi' te'tz'aq na'ajej sa' eeyanq laa'ex aj Israel.

Números 36:2

“At Moisés, li Qaawa' xye aawe naq chi b'uulinb'il taajek'i li ch'och' te'reechani eb' laj Israel. Laa'at xak'ul ajwi' laachaq'rab'inkil a'in xb'aan li Qaawa': li na'ajej taatz'aq raj laj Selofjad li qakomon, tento taak'e reheb' li xrab'in.