Números 24:9 - Q'eqchi Bible

⁹ Nahilank ut nawark, jo' li kaqkoj. Ani taawaklesinq re? Osob'tesinb'ilaq li taa'osob'tesinq aawe! Majewanb'ilaq li taamajewanq aawe!”.

Li Santil hu

⁹ Eb laj Israel chanchaneb li cakcoj. Nak nequeꞌoc chi hila̱nc, ma̱ ani naru na-ajsin reheb. Osobtesinbilakeb li teꞌxtzꞌa̱ma rosobtesinquileb laj Israel. Ut tzꞌekta̱nanbilakeb li teꞌxtzꞌa̱ma ma̱usilal saꞌ xbe̱neb, chan laj Balaam.

Números 24:9 ပူးပေါင်းရင်းမြစ်များ

Génesis 12:3

Twosob'tesiheb' li te'osob'tesinq aawe, ut tinmajewaheb' li te'majewanq aawe. Osob'tesinb'ilaqeb' sa' laak'ab'a' chixjunil li tenamit sa' ruuchich'och'”.

Génesis 27:29

Che'xk'anjela ta aawu eb' li tenamit, chate'roxloq'i taxaq chixjunileb' li xteepal li ruuchich'och'. Laa'ataq aj taqlanel sa' xb'eeneb' laawiitz'in ut chate'roxloq'i taxaq eb' li xyum laana'. Li taatz'eqtaananq aawe, tz'eqtaananb'ilaq ajwi' a'an; ut li taa'osob'tesinq aawe, osob'tesinb'ilaq ajwi' a'an”.

Génesis 49:9

Laj Judá a'an ral li kaqkoj. Xatsutq'iik chaq aawochb'een laatzak, at walal: nakatunub' ut nakajilib' aawib' jo' junaq kaqkoj malaj ixqikaqkoj. Ani taak'ehoq re chi wakliik?

Números 23:24

Il li tenamit a'in: yo chi wakliik jo' jun li ixqi kaqkoj, naxxaqab' rib' jo' li teelom kaqkoj li ink'a' nahilank toj toxtaw li xtzak ut taaruk' xkik'el li xkames”.

San Mateo 25:45

Ut a'an tixsumeheb' ut tixye: «Relik chi yaal ninye eere naq jo'ch'inal jo'nimal ink'a' xeb'aanu re junaq reheb' a'in li q'axal kok'eb', chi moko we laa'in xeb'aanu chaq».

San Mateo 25:40

Ut li Rey tixye reheb': «Relik chi yaal ninye eere: jo'ch'inal jo'nimal xeb'aanu chaq reheb' linkok' iitz'in a'in q'axal kok'eb', we laa'in xeb'aanu chaq».

Hechos 9:5

Kichaq'ok a'an: “Anihat, at Qaawa'?”, chan. Ut a'an kixye: “Laa'in li Jesus li xik' yookat chi wilb'al.

Salmos 122:6

Chetz'aama tuqtuukilal cho'q re Jerusalén: “Chiwanq taxaq tuqtuukilal aawik'in, at Jerusalén! Che'wanq taxaq sa' sahilal eb' li neke'rahok aawe.

Salmos 2:12

chereek'a xsik naq teeloq'oni ru li Nimajwal Yos. Mare anchal taapo'q ut texsachq sa' b'e, xb'aan naq sa' junpaat nachalk xjosq'il. Us xaq reheb' li neke'muhenk rik'in!

Li xHu LAJ JOB 41:10

Wi junaq tixchiq' xjosq'il, k'ajo' naq taajosq'o'q: maa'ani naru tixkol rib' chiru.

Éxodo 23:22

Wi taawab'i chi us xyaab' xkux ut taab'aanu chixjunil li tinye, laa'in xik' te'wil eb' li xik' neke'ilok aawe ut tintz'eqtaana eb' li neke'tz'eqtaanank aawe.

Números 22:6

B'aanu usilal, kim chi xmajewankileb' li tenamit a'in, xb'aan naq q'axal kaweb' rib' chiwu. Mare chi jo'kan tinq'ax ruheb' ut tinruuq risinkileb' sa' linna'aj. Ninnaw naq li nakawosob'tesi, osob'tesinb'il chik nakanaak, ut li nakamajewa, majewanb'il ajwi'”.

Números 22:12

Ab'anan li Yos kixye re laj Balaham: “Matxik chirixeb', maamajewaheb' li tenamit a'an xb'aan naq osob'tesinb'ileb' inb'aan”, chan.

Números 24:10

Naq kirab'i a'in, k'ajo' naq kijosq'o'k laj Balak rik'in laj Balaham; kixt'otzt'otzi chi kaw ut kixye re: “Xatinb'oq chaq re xmajewankileb' li xik' neke'ilok we, ab'an laa'at xawosob'tesiheb' oxib' sut.

Isaías 31:4

Jo'ka'in kixye we li Qaawa': “Jo' naq li kaqkoj malaj li ral naxjap re sa' xb'een li xtzak ut ink'a' naxxiwa ruheb' laj ilol ketomq us ta te'xch'utub' rib' re raanilasinkil ut japjo'q reheb' chirix, jo'kan ajwi' naq taachalq li Nimajwal Yos chi yalok sa' li tzuul Sión.

Miqueas 5:8

Sa' xyanqeb' li tenamit ut eb' li k'iila poyanam, li rela'eb' li ralal xk'ajol laj Jakob chanchanaqeb' li kaqkoj sa' xyanqeb' li k'iila josq' aj xul sa'eb' li k'iche', jo'aqeb' li ral kaqkoj sa' xyanqeb' li karneer: nat'upink ut nasachok b'arwi' nanume'k, ut maajun naramok chiru.

Deuteronomio 30:7

Li Qaawa' laaYos tixtaqla chixjunil li rahilal a'in sa' xb'eeneb' li xik' neke'ilok aawe ut sa' xb'eeneb' li neke'rahob'tesink aawe.

1 Reyes 10:20

ut kab'lajuheb' chi jalam u kaqkoj wankeb' chi xaqxook sa' xb'eeneb' li taqarib'aal, junjunq chi xjunqpak'alil. Maajun chik junaq awab'ejihom kixyiib' jun k'ojarib'aal jo' a'an!

2 Crónicas 9:18

Li k'ojarib'aal a'in, wank waqib' xtaqarib'aal ut sursu li anleb'aal ib'; wank jun xna'aj uq'mej chi junqpak'alil ut xaqxookeb' wiib' xjalam u li kaqkoj chi xk'atqeb' li xna'aj uq'mej,

Ester 6:13

Koxseeraq'i re lix Seres li rixaqil ut eb' li ramiiw chixjunil li kik'ulmank; ut chixjunileb' ke'xye re: “Wi laj Mardokeo a'an aj Judiiy, xatikib' xsachb'al aawankil chiru li awab'ej. Xattz'eqok ut ch'olch'o naq ink'a' tatruuq xq'axb'al ru”, chankeb'.