Números 24:8 - Q'eqchi Bible

⁸ Li Yos ki'isink chaq reheb' sa' li na'ajej Ejiipt, jo' jun josq' aj b'ooyx li wank sa' k'iche'. Tixtiweb' li xik' neke'ilok re ut tixtoqi li xb'aqeleb'.

Li Santil hu

⁸ Li Ka̱cuaꞌ qui-isin reheb saꞌ li naꞌajej Egipto. Kꞌaxal cau xmetzꞌe̱uheb. Chanchan xmetzꞌe̱u li bo̱yx li cuan saꞌ qꞌuicheꞌ. Teꞌnumta̱k saꞌ xbe̱neb li xicꞌ nequeꞌiloc reheb. Teꞌxtoki lix bakeleb ut teꞌxcuteb riqꞌuin lix tzimajeb.

Números 24:8 ပူးပေါင်းရင်းမြစ်များ

Salmos 45:5

Ayu chi yalok chirix li yaal, li uxtaanal ut li tiikil ch'oolej. Sa' xk'ab'a' laanim uq' toxaawil xninqal ru b'aanuhom.

Jeremías 50:17

“Israel chanchan li karneer sachenaq, aanilasinb'il xb'aaneb' li kaqkoj. Xb'enwa xsache'k xb'aan li awab'ej re Asiria; chirix chik a'an, laj Nabukodonosor, li awab'ej re Babilonia, xchoyok re.

Salmos 2:9

Taajuk'eb' rik'in b'aar ch'iich', taamuch'iheb' jo' junaq pak'b'il sek'”, chan we.

Números 23:24

Il li tenamit a'in: yo chi wakliik jo' jun li ixqi kaqkoj, naxxaqab' rib' jo' li teelom kaqkoj li ink'a' nahilank toj toxtaw li xtzak ut taaruk' xkik'el li xkames”.

Números 23:22

Naq li Qaawa' kirisiheb' chaq laj Israel aran Ejiipt, kixk'ut li xnimal xkawilal chiruheb', jo' xkawilal li b'ooyx li wank sa' k'iche'.

Números 14:9

Jo'kan utan, meeq'etq'eti eerib' chiru li Qaawa', chi moko chexiwa ru li tenamit a'an, xb'aan naq sa tqaq'ax ruheb'. Maa'ani nakolok reheb', a'ut laa'o wank li Qaawa' qik'in. Mexxiwak b'i'”, chankeb'.

Jeremías 50:9

K'ehomaq reetal, laa'in tintaqlaheb' chaq jun ch'uut chi ninqi tenamit, li wankeb' chaq sa' xjayal releb'l iq', re naq te'xsach ruheb' laj Babilonia. Te'xtzolob' chaq rib' ut tole'reechani. Eb' laj puub' a'an, jwal kaweb' rib', moko neke'kutuk ta simaj chi maak'a' rajb'al.

Isaías 38:13

japjo we chi yaab'ak chalen toj nasaqewk. Kama'at jun li kaqkoj yookat chi xmuch'inkil chixjunil linb'aqel. Chi q'eq ut chi kutan yookat chinsachb'al.

Daniel 6:24

Moqon li awab'ej kixtaqla xk'amb'aleb' li winq li ke'jitok re laj Daniel, ut ke'kute'k sa' xyanqeb' li kaqkoj rochb'eeneb' li rixaqil jo'wi' eb' li ralal xk'ajol. Ut toj maji' ajwi' neke'wulak chi ch'och'el naq ke't'upiik ut ke'nuq'e'k xb'aaneb' li kaqkoj!

Salmos 21:12

Us ta te'raj xb'aanunkil rahilal aawe ut te'xk'uub' raaxiik' chawix, ab'anan ink'a' te'ruuq.

Deuteronomio 32:42

Tint'aqresiheb' sa' kik' linsimaj, ut linch'iich' taanujaq chi tib': xkik'el li kamenaqeb' ut eb' li preex, xjolomeb' aj k'amol xb'eheb' li xik' neke'ilok qe».

Deuteronomio 32:23

“Tintamresi li rahilal sa' xb'eeneb', tinkut chixjunileb' linsimaj sa' xb'eeneb'.

Deuteronomio 7:1

“Naq akaq xatroksi li Qaawa' laaYos sa' li ch'och' toxaaweechani, ut naq akaq xrisiheb' chawu eb' li k'iila tenamit (a'eb' laj Hit, laj Kirkás, laj Amor, laj Kanahán, laj Perés, laj Jib ut laj Jebús: wuqub'eb' chi tenamit jwal naab'aleb' ut q'axal kaweb' rib' chawu laa'at),

Números 21:5

ut ke'ok chi xwech'b'al rix li Qaawa' ut laj Moisés; ke'xye: “K'a'ut naq koohaawisi chaq Ejiipt yal re tookamq sa' li chaqich'och'? Arin maak'a' qawa quk'a' ut xootitz'k rik'in li tzekemq a'in maak'a' xsahil”, chankeb'.

San Mateo 2:15

ut aran kiwank chaq toj reetal kikamk laj Herodes. Chi jo'kan kitz'aqlok ru li xyehom li Qaawa' chi xtz'uumal re li propeet: “Ejiipt kinb'oq chaq li walal”.

Josué 2:10

Xqab'i resil naq kex'elk chaq Ejiipt ut li Qaawa' kixchaqihob'resi li Kaqi Palaw cheru. Naqanaw ajwi' naq kesach ruheb' chi junajwa laj Sijón ut laj Og, eb' li wiib' chi awab'ej aj Amor, junpak'al li nima' Jordán.

Éxodo 23:22

Wi taawab'i chi us xyaab' xkux ut taab'aanu chixjunil li tinye, laa'in xik' te'wil eb' li xik' neke'ilok aawe ut tintz'eqtaana eb' li neke'tz'eqtaanank aawe.

Salmos 45:6

Q'axal jutz' ru'ujeb' li ral laasimaj, t'ant'ookeb' rub'el laawoq naab'aleb' li tenamit, sachsookeb' xch'ool li xik' neke'ilok re li awab'ej.