Números 24:20 - Q'eqchi Bible

²⁰ Chirix chik a'an laj Balaham kiril laj Amalek ut ki'aatinak jo' propeet; kixye: “Laj Amalek, a'an li xb'een tenamit; ab'anan taa'oso'q chi junajwa”, chan.

Li Santil hu

²⁰ Ut laj Balaam qui-iloc saꞌ xjayal lix tenamit laj Amalec ut quixye li cꞌaꞌru teꞌxcꞌul. Quixye: —Laj Amalec, aꞌan li kꞌaxal nim xcuanquil saꞌ xya̱nkeb li xni̱nkal ru tenamit. Abanan ta̱sachekꞌ ru chi junaj cua.—

Números 24:20 ပူးပေါင်းရင်းမြစ်များ

Éxodo 17:14

Toja' naq li Qaawa' kixye re laj Moisés: “Tz'iib'a a'in sa' li hu re naq junelik wanq sa' eech'ool, ut yaab'asi sa' xxik laj Josué: «Laa'in tinsach chi junajwa li xk'ab'a'eb' laj Amalek junsut junrub'el choxa»”.

Ester 9:14

Tikto li awab'ej kixye li raatin naq chi'uxmanq chi jo'kan; ki'elk li esil sa' li tenamit Susa, ut eb' li ralal laj Amán ke't'uyub'aak.

Ester 3:1

Chirix naq ak xk'ulmank a'in, laj Asuero li awab'ej kixtaqsi xwankil laj Amán, ralal laj Hamdatá, aj Agag, ut kixxaqab' cho'q xjolomil chixjunileb' li ninqeb' xwankil.

1 Crónicas 4:43

ke'xsach ruheb' laj Amalek li toj yo'yookeb', ut ke'ok chi wank sa' li na'ajej a'an chalen toj anaqwan.

1 Samuel 30:17

Toja' naq laj David ki'ok chi yalok rik'ineb' chalen eq'la toj reetal ki'ewuuk. Maajun kikole'k; ka'ajwi' jun o'q'ob' (400) chi saaj al li ke'elelik chirixeb' xkameey.

1 Samuel 30:1

Sa' rox li kutan laj David ut eb' li wankeb' rochb'een ke'wulak Siklak ut ke'xk'e reetal naq eb' laj Amalek koxe'sachoq chaq Nejeb jo'wi' Siklak, ke'elq'ak aran ut k'atb'il chik li tenamit Siklak.

1 Samuel 14:48

Kixk'ut li xkawilal li xch'ool naq kixsach ruheb' laj Amalek ut kixkoleb' laj Israel sa' ruq'eb' li neke'elq'ank reheb'.

Jueces 6:3

Rajlal naq eb' laj Israel neke'awk, neke'chalk eb' laj Madián rochb'eeneb' laj Amalek ut eb' li poyanam li wankeb' sa' xjayal releb'l saq'e; neke'chalk sa' xb'eeneb',

Éxodo 17:16

ut kixye: “Li reetalil li Qaawa' sa' uq'ej. Li Qaawa' taayaloq rik'in laj Amalek junq'e junq'e kutan”.

Éxodo 17:8

Ke'chalk eb' laj Amalek chi yalok rik'ineb' laj Israel aran Refidín.

Génesis 36:12

Lix Timná a'an li rixaqil jun chik laj Elifás, ralal laj Esaú, li kiyo'laak wi' laj Amalek. A'aneb' a'in li ralal xk'ajol lix Adá, rixaqil laj Esaú.

Números 24:7

Wanq tz'aqal li xha'eb'; tz'aqalaq re te'ruk' ut te'xt'aqresi li rawimqeb'. Li awab'ej re Israel taa'awab'ejinq sa' xb'een laj Agag, ut nimaq xwankil li x'awab'ejihom.

Números 24:19

Laj Jakob tixq'ax ruheb' li xik' neke'ilok re, tixsach ruheb' li neke'elelik sa' li tenamit Ar”.

Números 24:24

Te'chalje'q poych'iich' toj Kitim, ut te'xrahob'tesi eb' laj Asur ut eb' laj Eber, ab'anan eb' a'an ajwi' te'oso'q chi junajwa”, chan.

1 Samuel 15:2

A'in naxye li Nimajwal Yos: «Ak xink'uub' xrahob'tesinkileb' laj Amalek jo' reeqaj li ke'xb'aanu reheb' laj Israel: eb' a'an ke'xram xb'e lintenamit naq yookeb' chaq chi taqe'k Ejiipt.