Números 24:18 - Q'eqchi Bible

¹⁸ Taareechaniheb' laj Edom ut eb' laj Seír. K'ajo' naq taanimanq xwankil laj Israel.

Li Santil hu

¹⁸ Eb laj Israel teꞌnumta̱k saꞌ xbe̱neb laj Edom. Teꞌnumta̱k saꞌ xbe̱neb laj Seir li xicꞌ nequeꞌiloc reheb. Ut ta̱nima̱nk xcuanquileb laj Israel.

Números 24:18 ပူးပေါင်းရင်းမြစ်များ

Amós 9:12

re naq eb' laj Israel te'xq'ax ruheb' laj Edom ut te'reechani wi' chik li k'aru xkanaak reheb' chixjunil li tenamit weechanihomeb' chaq junxil”. A'an a'in raatin li Qaawa', li nab'aanunk re li naxye.

2 Samuel 8:14

Kixxaqab'eb' aj k'aak'alenel sa' xsutam Edom, ut chixjunileb' laj Edom ke'kanaak rub'el xwankil laj David. Yalaq b'ar naxik laj David, li Qaawa' natenq'ank re chi q'axok u.

Génesis 27:29

Che'xk'anjela ta aawu eb' li tenamit, chate'roxloq'i taxaq chixjunileb' li xteepal li ruuchich'och'. Laa'ataq aj taqlanel sa' xb'eeneb' laawiitz'in ut chate'roxloq'i taxaq eb' li xyum laana'. Li taatz'eqtaananq aawe, tz'eqtaananb'ilaq ajwi' a'an; ut li taa'osob'tesinq aawe, osob'tesinb'ilaq ajwi' a'an”.

Isaías 63:1

“Ani li kaqkaq raq', li yo chaq chi chalk Bosrá, sa' xteepal Edom? Q'axal ch'ina'us li xtiqib'ankil naq yo chaq chi chalk, rik'in xnimal xwankil”. “Laa'inin, li nin'aatinak rik'in tiikil ch'oolej ut q'axal nim inwankil chi kolok”.

Isaías 34:5

Xb'aan naq linq'esnal ch'iich' sa' choxa yo royb'eninkil jo'q'e tolxrahob'tesi Edom, jo'q'e taakub'eeq sa' xb'een li tenamit li xinq'axtesi chi sache'k ru.

Salmos 60:1

Re li xjolomileb' laj b'ichanel. Taab'ichamanq jo' chanru li xyaab': “Li xliryo li testiiw”. Xk'utum laj David.

Génesis 32:3

Laj Jakob kixtaqlaheb' xtaql chi uub'ej rik'in laj Esaú li ras, sa' li na'ajej Seír, sa' xteepal Edom,

Génesis 27:40

Rik'in laach'iich' taakol rix laayu'am ut chiru laawiitz'in tatk'anjelaq; ab'an naq tatkawuuq, taawisi aawib' rub'el li xwankilal”.

Números 20:18

A'ut li awab'ej re Edom kixye: “Ink'a' naru tatnume'q sa' lintenamit. Wi nakab'aanu, tin'elq rik'in ch'iich' chak'ulb'al”, chan.

Números 24:19

Laj Jakob tixq'ax ruheb' li xik' neke'ilok re, tixsach ruheb' li neke'elelik sa' li tenamit Ar”.

Amós 9:11

“Sa' li kutan a'an tinwaklesi wi' chik li t'anjenaq ochoch re laj David. Tintz'api li xpaapookil, tinyiib' wi' chik li ak juk'ulk ut tinkab'la jo' naq kiwank chaq junxil,

Abdías 1:2

“Ch'ina tenamit xatinkanab' wi' sa' xyanqeb' li jalanil tenamit, ut q'axal tz'eqtaananb'ilat.

1 Reyes 11:14

Toja' naq li Qaawa' kixwaklesi chaq jun li winq Hadod xk'ab'a', Edom xtenamit, re xik' taaril laj Salomón. A'an xkomoneb' li ralal xk'ajol li awab'ej re Edom.

1 Reyes 11:15

Naq laj David kixq'ax ruheb' laj Edom, laj Johab, xjolomileb' laj puub', koho chi xmuqb'aleb' li kamenaq, ut kixkamsiheb' chixjunileb' li winq aj Edom.