Números 23:5 - Q'eqchi Bible

⁵ Toja' naq li Qaawa' kixye li esil a'in re laj Balaham: “Sutq'in wan wi' laj Balak ut taaye li aatin xinnumsi chawu”, chan re.

Li Santil hu

⁵ Li Ka̱cuaꞌ quixye re laj Balaam cꞌaꞌru tixye re laj Balac. Quixye re: —Ayu cuan cuiꞌ laj Balac ut ta̱ye re li cꞌaꞌru xinye a̱cue, chan.

Números 23:5 ပူးပေါင်းရင်းမြစ်များ

Jeremías 1:9

Toja' naq li Qaawa' kixch'e' li xtz'uumal we ut kixye we: “K'e reetal, anaqwan xink'e li waatin sa' xtz'uumal aawe.

Deuteronomio 18:18

Laa'in tinwaklesi sa' xyanqeb' li ras riitz'in jun li propeet kama' laa'at; tink'eheb' li waatin sa' re, ut a'an taayehoq reheb' chixjunil li k'aru tinye laa'in.

Isaías 59:21

“Ut laa'in tink'ojob' jun sumwank eerik'in -chan li Qaawa'-: linmusiq' li xchalk sa' eeb'een ut eb' li waatin li xink'e chi xtz'uumal eere, maajaruj taasachq sa' leech'ool. Wanqeb' junelik sa' leere, sa' reheb' leeralal eek'ajol, ut sa' reheb' li chaaleleb' moqon, chalen anaqwan toj chi junelik”.

Isaías 51:16

Laa'in xink'e li waatin chi xtz'uumal aawe ut xatinmuheela rub'el inwankil. Laa'in kinhelok re li choxa ut kink'ojob' li ruuchich'och' sa' xna'aj, ut anaqwan ninye re Sión: «Laa'at lintenamit»”.

Números 23:16

Li Qaawa' ki'elk chi xk'ulb'al laj Balaham, kixk'e li raatin sa' xtz'uumal re ut kixye: “Sutq'in wan wi' laj Balak ut taaye li aatin xinnumsi chawu”, chan.

San Juan 11:51

Ut a'in moko yal ta xjunes rib' naq kixye, kixye b'an jo' propeet, naq wan chaq cho'q xyuwa'il aj tij; kixye chi junxilaj naq li Jesus taakamq chirix li tenamit,

San Lucas 12:12

xb'aan naq li Santil Musiq'ej taak'utuq cheru sa' ajwi' li honal a'an k'aru tento xyeeb'al”.

Proverbios 16:9

Laa'o naqak'uub' li tqab'aanu wulaj kab'ej, ab'an li Yos yaal re b'ar tooxik.

Proverbios 16:1

Li winq naxk'uub' li k'aru tixb'aanu, ab'an li Qaawa' yaal re xb'aanunkil.

Números 22:35

Kixye li x'Ánjel li Yos re laj Balaham: “Ayu chirixeb' li winq a'in, ab'an maak'a' chik k'aru taaye. Ka'ajwi' taaye li tinye aawe laa'in”, chan. Laj Balaham koho chirixeb' li xtaql laj Balak.

Números 22:20

Chiru li q'oqyink kichalk li Qaawa' rik'in laj Balaham ut kixye re: “Wi eb' li winq a'in xe'chalk chab'oqb'al, xaqlin ut ayu chirixeb'. Ab'an maak'a' taab'aanu; ka'ajwi' li aatin tinye aawe taapaab'”, chan.

Éxodo 4:15

Taawaatina ut taak'e li aatin sa' re. Laa'in wanqin sa' laawe ut sa' li re, ut tink'ut cheru li tento teeb'aanu.

Números 23:4

ut aran li Qaawa' ki'elk chaq chi xk'ulb'al laj Balaham, ut a'in kixye re: “Xink'uub' wuqub' chi artal ut xinmayeja junjunq saaj wakax ut junjunq karneer sa' li junjunq chi artal”, chan.

Números 23:6

Ut laj Balaham kisutq'iik wan wi' laj Balak, li toj xaqxo ajwi' chi xk'atq li xk'atb'il mayej, rochb'een chixjunileb' li xjolomileb' laj Mohab.