Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Números 23:1 - Q'eqchi Bible

1 Toja' naq laj Balaham kixye re laj Balak: “Yiib' wuqub' chi artal arin ut kawresi chaq wuqub' saaj wakax ut wuqub'eb' li karneer”, chan.

အခန်းကိုကြည့်ပါ။ ကော်ပီ

Li Santil hu

1 Quixye laj Balaam: —Takla xyi̱banquil cuukub li artal saꞌ li naꞌajej aꞌin. Ut cauresihomakeb cuukub li toro ut cuukub li te̱lom carner, chan.

အခန်းကိုကြည့်ပါ။ ကော်ပီ




Números 23:1
19 ပူးပေါင်းရင်းမြစ်များ  

Aran laj Balaham kixye re laj Balak: “Yiib' wuqub'aq artal arin, ut kawresiheb' wuqub' chi saaj wakax ut wuqub' karneer”, chan.


Ra chaalel sa' xb'eeneb', xb'aan naq xkoheb' sa' xb'e laj Kaín. Xb'aan li tumin xe'xq'axtesi rib' sa' li kib'alaq'iik wi' laj Balaham, ut xe'oso'k sa' li xq'etb'a aatin laj Koré.


“Ra chaalel sa' eeb'een laa'ex aj tz'iib' ut aj Pariseey aj ka'pak'al uhex: neketz'ap li xnimajwal wankilal li choxa chiruheb' li tenamit! Xb'aan naq ink'a' nekex'ok laa'ex, ut nekeram chiruheb' li neke'raj raj ok.


Chiru li wuqub' kutan naq yooq li ninq'e, tixmayeja re li Qaawa' junjunq li ral wakax ut junjunq ral chib'aat rajlal kutan, chixjunileb' a'in maak'a'aq reek'eb'. Wulaj wulaj tixmayeja ajwi' jun teelom chib'aat re kuyuk maak.


Ut chi jo'kan lintenamit neke'chalk ut neke'k'ojlaak chawu, jo' k'aynaqeb' chi xb'aanunkil, re rab'inkil laawaatin. Ab'anan ink'a' neke'xyu'ami. «Ch'ina'us li aatin a'in!», chankeb', ab'an yal chi xtz'uumal reheb' neke'xk'ulub'a, xb'aan naq li xch'ooleb' naxik ka'ajwi' chirix li tumin.


Li Qaawa' xik' naril li xmayejeb' li ink'a' useb' xch'ool; ab'an naxk'ul chi anchal xch'ool li xtijeb' li chaab'ileb' xyu'am.


Jo'kan utan chapomaq wuqub' chib'aat ut wuqub' karneer ut ayuqex rik'in laj Job laj k'anjel chiwu. Aran yeechi'ihomaq eb' li xul a'an cho'q k'atb'il mayej sa' eek'ab'a' laa'ex; ut laj Job laj k'anjel chiwu taatijoq cherix. Laa'in twab'i li xtij ut maak'a' tinb'aanu eere, us ta eek'ulub' xtojb'al rix leemaak xb'aan naq ink'a' xeye li yaal chiwix jo' xb'aanu laj Job”.


Ke'xk'am wuqub' chi saaj wakax, wuqub' ninqi karneer, wuqub' kok' karneer ut wuqub' teelom chib'aat, re xtz'aamankil li kuyuk maak chirix li x'awab'ejihom, chirix li xloq' laj muheb'aal li Yos ut chirixeb' laj Judá. Ut li awab'ej kixye reheb' laj tij, a'eb' li ralal xk'ajol laj Aharón, naq te'xmayeja sa' xb'een x'artal li Qaawa'.


Li Yos kixtenq'aheb' laj Leví li ke'iiqank re li xLoq'laj Kaaxil li xSumwank li Qaawa'; jo'kan naq kimayejamank wuqub' li saaj wakax ut wuqub' li karneer.


Ut wi laa'ex nekeye we: «Laa'o kaw qach'ool rik'in li Qaawa' li qaYos», ma ink'a' tab'i' a' ajwi' laj Esekías kijuk'uk re chixjunileb' li tijob'aal ut eb' li artal, naq kixye reheb' laj Judá ut eb' laj Jerusalén: «Jun ajwi' chi artal teewiq'ib' wi' eerib' chi loq'onink»?


Toja' naq kixye laj Samuel: “Ma rik'in tab'i' k'atb'il mayej ut eeyeechi'om nak'ojlaak xch'ool li Qaawa'? Malaj a' li xpaab'ankil li raatin a'an li q'axal nawulak chiru? Jwal us paab'ank chiru mayejak, jwal loq' ab'ink chiru li xxeeb'ul li karneer.


“Sa' xwuq li kutan teemayeja wuqub' li teelom wakax, wiib' li chib'aat, kaalaju li karneer aj junq chihab' ut maak'a'aq reek'eb',


Chayiib' jun lin'artal rik'in ch'och', re naq sa' xb'een taayeechi'i laak'atb'il xul ut laamayej, eb' laakarneer ut eb' laab'ooyx. Sa' chixjunil li na'ajej b'arwi' twaj naq taajultikamanq link'ab'a', tinchalq aawik'in ut tatwosob'tesi.


Toj eq'la re li kutan jun chik, laj Balak kixk'am laj Balaham chirix, toj sa' xb'een li tzuul Bamot-Bahal, b'arwi' nak'utunk kach'in li xmuheb'aaleb' laj Israel.


Laj Balak kixb'aanu li kiyehe'k re xb'aan laj Balaham, ut kixmayeja jun saaj wakax ut jun karneer sa' li junjunq chi artal.


Laj Balak kixb'aanu li kiyehe'k re xb'aan laj Balak, ut kixyeechi'i jun saaj wakax ut jun karneer cho'q xk'atb'il mayej sa' li junjunq chi artal.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ