Números 22:8 - Q'eqchi Bible

⁸ Kichaq'ok laj Balaham ut kixye reheb': “Kanaaqex arin chiru li q'oqyink a'in, ut wulaj tinye eere jo' chanru tixk'ut chiwu li Qaawa'”, chan. Ut li xcheekelaleb' laj Mohab ke'kanaak sa' rochoch laj Balaham.

Li Santil hu

⁸ Laj Balaam quixye reheb: —Texcana̱k ut cuulaj tinye e̱re cꞌaꞌru tixye cue li Ka̱cuaꞌ, chan. Joꞌcan nak queꞌxnumsi li kꞌojyi̱n riqꞌuin laj Balaam.

Números 22:8 ပူးပေါင်းရင်းမြစ်များ

Ezequiel 33:31

Ut chi jo'kan lintenamit neke'chalk ut neke'k'ojlaak chawu, jo' k'aynaqeb' chi xb'aanunkil, re rab'inkil laawaatin. Ab'anan ink'a' neke'xyu'ami. «Ch'ina'us li aatin a'in!», chankeb', ab'an yal chi xtz'uumal reheb' neke'xk'ulub'a, xb'aan naq li xch'ooleb' naxik ka'ajwi' chirix li tumin.

Jeremías 12:2

Laa'at xat-awok reheb' jo'eb' li che', ut eb' a'an neke'xchap xxe' ut neke'uuchink. Laak'ab'a' junelik wank chi xtz'uumal reheb', ab'an li xch'ooleb' najt wank aawik'in.

Números 23:12

Kichaq'ok laj Balaham ut kixye: “Ma ink'a' tab'i' tento tinye laa'in li aatin xk'e chi xtz'uumal we li Qaawa'?”, chan.

Números 12:6

“Ab'ihomaq li tinye eere -chan li Yos-. Wi wank sa' eeyanq junaq propeet, laa'in tink'ut wib' chiru sa' nab'uuch, ut tin'aatinaq rik'in sa' xmatk'.

Números 22:7

Koheb' b'i' li xcheekelaleb' laj Mohab ut laj Madián rik'in tumin re xtojb'al li majewank. Ke'wulak rik'in laj Balaham ut ke'xye re chixjunil li xyehom laj Balak.

Números 22:9

Toja' naq kichalk li Yos rik'in laj Balaham ut kixye re: “K'a' chi winqul wankeb' sa' laawochoch?”, chan.

Números 22:18

Ab'an laj Balaham kixye reheb' li xtaql laj Balak: “Us ta laj Balak tixk'e we li rochoch nujenaq chi plaat ut oor, ink'a' naru tinq'et raatin li Qaawa' linYos, chi moko rik'in kach'in chi moko rik'in naab'al.

Números 22:38

Kichaq'ok laj Balaham: “K'e reetal naq anaqwan xink'ulunk aawik'in. Ab'an ink'a' naru tin'aatinaq yal injunes. Ka'ajwi' li k'aru tixk'ut chiwu li Yos, naru tinye aawe”, chan.

Números 23:3

Chirix chik a'an laj Balaham kixye re laj Balak: “Kanaaqat chi xk'atqeb' laamayej. Xik we chi rilb'al ma taachalq li Qaawa' chi aatinak wik'in; ut li k'aru tixk'ut chiwu tulinye aawe”, chan. Koho laj Balaham sa' xb'een jun li joxk' tzuul

Números 24:13

«Us ta laj Balak tixq'axtesi we li rochoch nujenaq chi plaat ut oor, ink'a' truuq tinq'etq'eti wib' chiru li xtaqlahom li Qaawa'. Maak'a' tinb'aanu injunes, us ta chaab'il, us ta ink'a'. Li k'aru tixye we li Qaawa' a'an li tinye», chankin chaq reheb'.

1 Reyes 13:8

Ab'an li propeet kixye re li awab'ej: “Us ta raj taasi we li xyiijachil laajunkab'lal, ink'a' tin'ok sa' laawochoch. Ink'a' tintzekanq ut ink'a' tin'uk'aq sa' li na'ajej a'in,

1 Reyes 22:14

Ab'an laj Mikeas kixsume: “Ninye jurament sa' xk'ab'a' li Qaawa' naq ka'ajwi' li k'aru tixye we A'an, a'an li tinye!”, chan.