Números 22:7 - Q'eqchi Bible

⁷ Koheb' b'i' li xcheekelaleb' laj Mohab ut laj Madián rik'in tumin re xtojb'al li majewank. Ke'wulak rik'in laj Balaham ut ke'xye re chixjunil li xyehom laj Balak.

Li Santil hu

⁷ Joꞌcan nak eb li nequeꞌcꞌamoc be saꞌ xya̱nkeb laj Moab, rochbeneb li nequeꞌcꞌamoc be saꞌ xya̱nkeb laj Madián queꞌco̱eb riqꞌuin laj Balaam chixtzꞌa̱manquil chiru nak tixtzꞌa̱ma ma̱usilal saꞌ xbe̱neb laj Israel ut queꞌxcꞌam xtumin re xtojbal li cꞌaꞌru tixba̱nu. Queꞌxye re cꞌaꞌru quixye laj Balac.

Números 22:7 ပူးပေါင်းရင်းမြစ်များ

Miqueas 3:11

Eb' laj raqol aatin sa' eeyanq neke'tuminaak ruheb', eb' laj tij neke'k'anjelak yal xb'aan aj chik li tumin ut eb' li propeet neke'xk'ayi eb' li raatin, neke'xkawub'resi xch'ooleb' rik'in li Qaawa' chi xyeeb'al: “Li Qaawa' wank sa' qayanq, ut maak'a' junaq rahilal tqak'ul”, chankeb'.

San Judas 1:11

Ra chaalel sa' xb'eeneb', xb'aan naq xkoheb' sa' xb'e laj Kaín. Xb'aan li tumin xe'xq'axtesi rib' sa' li kib'alaq'iik wi' laj Balaham, ut xe'oso'k sa' li xq'etb'a aatin laj Koré.

2 Pedro 2:15

Naq xe'xkanab' li tiikil b'e, xe'sachk ut a' chik li xb'e laj Balaham, ralal laj Bosor, xe'ok chi xtaaqenkil: a'an kixra ru xk'ulb'al li tumin rik'in xb'aanunkil li maa'usilal,

Tito 1:11

Eb' a'an tento xch'anab'ankileb', xb'aan naq neke'xpo' xch'ooleb' li junq kab'al rik'in xk'utb'al li maatzole'k naraj, yal tumin neke'raj.

Romanos 16:18

xb'aan naq eb' a'an ink'a' neke'xk'anjela ru li Kriist li Qaawa', a' chik li xsa'eb' neke'xk'anjela ru, ut rik'in chaab'il q'unil aatin neke'xb'alaq'i li q'uneb' xch'ool sa' xpaab'aaleb'.

Ezequiel 13:19

Laa'ex yal rik'in jun mooch' chi seb'aad ut jun hab'ok chi wa, nikineek'e sa' xutaan chiru lintenamit; nekek'eheb' chi kamk li ink'a' xk'ulub'eb' kamk, ut nekekol xyu'ameb' li ink'a' xk'ulub'eb' kole'k. Chi jo'kan nekeb'alaq'iheb' lintenamit li neke'paab'ank tik'ti'.

Isaías 56:11

Jo'eb' li tz'i' li junes wa'ak naxik wi' xch'ooleb' ut maajoq'e neke'nujak li xsa'eb', jo'kaneb' ajwi' laj k'amol b'e: ink'a' neke'xtaw xyaalal; li junjunq ak xb'e xb'e naxchap ut ka'ajwi' li k'aru us cho'q reheb' neke'xsik'.

Números 24:1

Laj Balaham kixk'e reetal naq li Qaawa' nawulak chiru rosob'tesinkileb' laj Israel. Jo'kan naq ink'a' chik koho chi q'ehink jo' kixb'aanu ka' sut; tik ki'ilok b'an chik sa' xjayal li chaqich'och'.

Números 23:23

Maak'a' na'ok wi' laj q'e rik'ineb' laj Jakob, chi moko laj tuul rik'ineb' laj Israel. Sa' xq'ehil taayeemanq reheb' laj Jakob ut laj Israel li k'aru naxb'aanu li Qaawa'.

Números 22:8

Kichaq'ok laj Balaham ut kixye reheb': “Kanaaqex arin chiru li q'oqyink a'in, ut wulaj tinye eere jo' chanru tixk'ut chiwu li Qaawa'”, chan. Ut li xcheekelaleb' laj Mohab ke'kanaak sa' rochoch laj Balaham.

Josué 13:22

Kikamsiik ajwi' laj Balaham laj q'e, ralal laj Pehor, rik'in ch'iich' xb'aaneb' laj Israel, rochb'een naab'aleb' chik.

Ezequiel 21:21

Xb'aan naq li awab'ej re Babilonia xxaqliik sa' li xaalib'e ut yo xq'ehinkil b'ar taaxik: naxchiq'le li xsimaj, yo chi patz'ok reheb' li xyos ut rik'in xsaaseb' li xul li kixmayeja.

Isaías 1:23

Q'axal q'etq'eteb' laj k'amol eeb'e ut wankeb' sa' amiiwil rik'ineb' laj elq'. Sa neke'ril li tuminaak li junjunq ut jwal neke'wulak chiru li k'uluk maatan. Ink'a' neke'xb'aanu usilal reheb' li neb'a'yox ut maak'a' neke'raj wi' li xch'a'ajkilal li xmalka'an.