Números 22:6 - Q'eqchi Bible

⁶ B'aanu usilal, kim chi xmajewankileb' li tenamit a'in, xb'aan naq q'axal kaweb' rib' chiwu. Mare chi jo'kan tinq'ax ruheb' ut tinruuq risinkileb' sa' linna'aj. Ninnaw naq li nakawosob'tesi, osob'tesinb'il chik nakanaak, ut li nakamajewa, majewanb'il ajwi'”.

Li Santil hu

⁶ La̱in nacuaj nak tatcha̱lk arin re ta̱tzꞌa̱ma ma̱usilal saꞌ xbe̱neb li cristian aꞌan xban nak kꞌaxal nabaleb ut cauheb rib chiku la̱o. Cui ta̱ba̱nu chi joꞌcan, ma̱re ta̱ru̱k takisiheb saꞌ li kanaꞌaj. La̱in ninnau nak li ani nacatzꞌa̱ma rosobtesinquil, osobtesinbil chic nacana. Ut li ani nacatzꞌa̱ma ma̱usilal saꞌ xbe̱n, ma̱usilanbil chic nacana, chan lix reyeb laj Moab.

Números 22:6 ပူးပေါင်းရင်းမြစ်များ

Números 24:9

Nahilank ut nawark, jo' li kaqkoj. Ani taawaklesinq re? Osob'tesinb'ilaq li taa'osob'tesinq aawe! Majewanb'ilaq li taamajewanq aawe!”.

Hechos 16:16

Sa' jun li kutan, naq yooko chi xik sa' li na'ajej na'uxk wi' li tijok, kichalk chi qak'ulb'al jun li ixqa'al wank musiq'ej re q'ehink rik'in: naab'al li tumin neke'xk'ul eb' laj eechal re rik'in li q'ehink naxb'aanu.

Ezequiel 13:6

Moko yaal ta naq neke'ilok moy u, ut tik'ti' li neke'xye. Neke'xye naq laa'in xintaqlank reheb' chi aatinak, ab'an moko yaal ta. Ut neke'royb'eni naq taatz'aqloq ru li raatineb'!

Nehemías 13:2

xb'aan naq junxil ink'a' ke'xk'ul sa' usilal eb' laj Israel: ink'a' ke'xk'e xwa ruk'a'eb', ke'xtoj b'an laj Balaham re xmajewankileb'. Ab'an li qaYos kixsutq'isi li majewaak a'an cho'q osob'tesiik.

1 Reyes 22:13

Li winq li kitaqlaak chi xb'oqb'al laj Mikeas, kixye re: “Chixjunileb' li propeet yookeb' xyeeb'al naq li awab'ej us taaxik chi yalok. Nintz'aama usilal chawu: jo'kanaq ta ajwi' laawaatin. Taaye naq us taa'elq li awab'ej”.

1 Reyes 22:8

Ut li awab'ej re Israel kixye re laj Josafat: “Toj wank jun chik winq li naru nokoopatz'ok wi' k'aru naxye li Qaawa'. Ab'an q'axal xik' nawil, xb'aan naq maajun wa naxye li us cho'q we, junes b'an rahilal naxye we. A'an laj Mikeas, ralal laj Imlá”, chan. Kichaq'ok laj Josafat ut kixye: “Mat-aatinak chi jo'ka'in, at awab'ej”.

1 Reyes 22:6

Toja' naq li awab'ej re Israel kixch'utub'eb' jun o'q'ob'eb' (400) chi propeet ut kixye reheb': “Ma naru tinxik chi yalok rik'ineb' laj Ramot, sa' xteepal Galahad, malaj ut ink'a'?”. Ke'chaq'ok: “Ayu, xb'aan naq li Qaawa' tixq'axtesi li tenamit Ramot sa' laawuq' laa'at”, chankeb'.

1 Samuel 17:43

ut kixye re: “Ma laa'in tz'i' naq xatchalk chi yalok wik'in rik'in che'?”, chan. Ut sa' xk'ab'a'eb' li xyos kixmajewa laj David

Deuteronomio 23:4

xb'aan naq ink'a' ke'chalk chek'ulb'al rik'in wa ut ha' chiru b'e, naq laa'ex kex'elk chaq Ejiipt; ke'xtoj ajwi' laj Balaham re eemajewankil, a' li ralal laj Pehor, li kichalk chaq Petor, Aram-Naharáhin.

Números 22:17

xb'aan naq tatinq'ajkamu chi chaab'il ut tinb'aanu chixjunil li taaye we. B'aanu usilal, kim ut majewa li tenamit a'in»”.

Números 22:12

Ab'anan li Yos kixye re laj Balaham: “Matxik chirixeb', maamajewaheb' li tenamit a'an xb'aan naq osob'tesinb'ileb' inb'aan”, chan.

Génesis 27:29

Che'xk'anjela ta aawu eb' li tenamit, chate'roxloq'i taxaq chixjunileb' li xteepal li ruuchich'och'. Laa'ataq aj taqlanel sa' xb'eeneb' laawiitz'in ut chate'roxloq'i taxaq eb' li xyum laana'. Li taatz'eqtaananq aawe, tz'eqtaananb'ilaq ajwi' a'an; ut li taa'osob'tesinq aawe, osob'tesinb'ilaq ajwi' a'an”.

Génesis 12:3

Twosob'tesiheb' li te'osob'tesinq aawe, ut tinmajewaheb' li te'majewanq aawe. Osob'tesinb'ilaqeb' sa' laak'ab'a' chixjunil li tenamit sa' ruuchich'och'”.

Proverbios 26:2

Jo' li tz'unun ink'a' nahilank malaj li wilix naxik'ank chi junelik, jo'kan ajwi' li majewaak naq nachalk chi maak'a' xyaalal.

Salmos 109:28

Xmajewaaqineb' a'an, a'ut laa'at nikinaawosob'tesi. Wi te'xkut rib' sa' inb'een, xutaanal te'kanaaq wi'; ab'an q'axal taasaho'q linch'ool laa'in aj k'anjel chawu.

Josué 24:9

Moqon chik kiwakliik laj Balak, ralal laj Sipor, awab'ej re Mohab, re yalok rik'ineb' laj Israel, ut kixtaqla xb'oqb'al laj Balaham, ralal laj Pehor, re naq texmajewa.

Miqueas 6:5

At intenamit, jultikaq aawe anaqwan k'aru kixk'uub' laj Balak, li awab'ej re Mohab, ut li xsumenkil xb'aan laj Balaham, ralal laj Pehor. Jultikaq aawe naq katnume'k chaq Sitín toj Kilkal, ut k'e reetal li xtiikilal xch'ool li Qaawa'”.

Números 23:13

Ab'an laj Balak kixye: “Kim sa' jalan chik na'ajej wochb'een, re taawileb' chaq laj Israel toj aran. Yal kach'in ajwi' taawileb', ink'a' chixjunileb'. Majewaheb' chaq toj aran”, chan.

Números 23:27

Toja' naq laj Balak kixye re laj Balaham: “B'aanu usilal, kim. Tatink'am sa' jalan chik na'ajej. Mare aran taawulaq chiru li Yos naq taamajewa chaq toj sa' li na'ajej a'an”, chan.