Números 22:5 - Q'eqchi Bible

⁵ ut kixtaqlaheb' aj yehol esil re xsik'b'al laj Balaham, ralal laj Pehor, li wan chaq Petor, chire li nima' Éwfrates sa' xteepaleb' laj Amab'. Kixye re: “Arin wankeb' k'iila poyanam; ke'elk chaq Ejiipt, ke'xcha'cha'i rib' sa' xb'een chixjunil li ruuchich'och' ut nach' ke'kanaak wankin wi'.

Li Santil hu

⁵ Ut li rey Balac, li ralal laj Zipor, quixtaklaheb lix takl riqꞌuin laj Balaam li ralal laj Beor. Queꞌco̱eb saꞌ li naꞌajej Petor li cuan nachꞌ riqꞌuin li nimaꞌ Éufrates saꞌ lix naꞌajeb laj Amav. Quixye reheb nak teꞌcuulak riqꞌuin laj Balaam teꞌxye re: —Nabaleb li cristian queꞌchal chak Egipto. Nachꞌ cuanqueb riqꞌuin li kanaꞌaj ut teꞌraj re̱chaninquil.

Números 22:5 ပူးပေါင်းရင်းမြစ်များ

Deuteronomio 23:4

xb'aan naq ink'a' ke'chalk chek'ulb'al rik'in wa ut ha' chiru b'e, naq laa'ex kex'elk chaq Ejiipt; ke'xtoj ajwi' laj Balaham re eemajewankil, a' li ralal laj Pehor, li kichalk chaq Petor, Aram-Naharáhin.

Miqueas 6:5

At intenamit, jultikaq aawe anaqwan k'aru kixk'uub' laj Balak, li awab'ej re Mohab, ut li xsumenkil xb'aan laj Balaham, ralal laj Pehor. Jultikaq aawe naq katnume'k chaq Sitín toj Kilkal, ut k'e reetal li xtiikilal xch'ool li Qaawa'”.

Josué 24:9

Moqon chik kiwakliik laj Balak, ralal laj Sipor, awab'ej re Mohab, re yalok rik'ineb' laj Israel, ut kixtaqla xb'oqb'al laj Balaham, ralal laj Pehor, re naq texmajewa.

San Judas 1:11

Ra chaalel sa' xb'eeneb', xb'aan naq xkoheb' sa' xb'e laj Kaín. Xb'aan li tumin xe'xq'axtesi rib' sa' li kib'alaq'iik wi' laj Balaham, ut xe'oso'k sa' li xq'etb'a aatin laj Koré.

Apocalipsis 2:14

Ab'anan wank k'aru tatinq'us wi': wank wankeb' aawik'in li neke'xpaab' li xk'utum laj Balaham. A'an kik'utuk chiru laj Balak xq'unb'esinkileb' chi maakob'k eb' li ralal xk'ajol laj Israel re naq te'xtzeka li tib' mayejanb'il chiru li xyoseb' ut te'xmux rib'eb'.

Josué 13:22

Kikamsiik ajwi' laj Balaham laj q'e, ralal laj Pehor, rik'in ch'iich' xb'aaneb' laj Israel, rochb'een naab'aleb' chik.

Números 23:7

Toja' naq laj Balaham kixye eb' li uutz'u'ujinb'il aatin a'in: “Chalen chaq sa' releb'l saq'e, aran Aram, xinxb'oq chaq laj Balak, awab'ej re Mohab. «Kim -chan we- majewa laj Jakob. Kim, tz'aama rahilal sa' xb'een laj Israel».

Salmos 105:24

Li Yos q'axal kixk'e chi k'ihank li xtenamit chi numtajenaq kaweb' rib' chiruheb' li xik' neke'ilok reheb'.

Génesis 13:16

Tink'eheb' chi k'ihank laawalal aak'ajol jo' li xpojtz'il li ch'och'. Wi ta junaq taaruuq rajlankil li xpojtz'il li ch'och', truuq raj ajwi' rajlankileb' laawalal aak'ajol.

Éxodo 10:15

Ke'xmoy ru chixjunil li na'ajej ut kiq'oqyinko'k li tenamit; ke'xk'ux chixjunil li xpimul li ch'och' ut chixjunileb' li ru li che' li toj kixkanab' li saqb'ach: maak'a' chik xraxal li che' chi moko xraxal li pim sa' ch'och', sa' xsutam Ejiipt.

Números 31:8

Ke'xkamsiheb' ajwi' li oob' chi awab'ej aj Madián: laj Ebí, laj Rekem, laj Sur, laj Jur ut laj Rebá. Ke'xkamsi ajwi' chi q'esnal ch'iich' laj Balaham, ralal laj Pehor.

Deuteronomio 23:5

Ab'anan li Qaawa' laaYos ink'a' kiraj rab'inkil laj Balaham ut kixjal laamajewankil chi aawosob'tesinkil, xb'aan naq li Qaawa' laaYos nakatxra.