Números 22:38 - Q'eqchi Bible

³⁸ Kichaq'ok laj Balaham: “K'e reetal naq anaqwan xink'ulunk aawik'in. Ab'an ink'a' naru tin'aatinaq yal injunes. Ka'ajwi' li k'aru tixk'ut chiwu li Yos, naru tinye aawe”, chan.

Li Santil hu

³⁸ Quichakꞌoc laj Balaam ut quixye: —Arin cuanquin anakcuan. Abanan incꞌaꞌ naru tina̱tinak yal injunes. Tento nak tinye li cꞌaꞌru naxcꞌut chicuu li Ka̱cuaꞌ, chan.

Números 22:38 ပူးပေါင်းရင်းမြစ်များ

Proverbios 19:21

Li winq naxk'uub' li k'aru tixb'aanu, ab'an li Qaawa' yaal re xb'aanunkil.

Números 22:18

Ab'an laj Balaham kixye reheb' li xtaql laj Balak: “Us ta laj Balak tixk'e we li rochoch nujenaq chi plaat ut oor, ink'a' naru tinq'et raatin li Qaawa' linYos, chi moko rik'in kach'in chi moko rik'in naab'al.

Números 23:26

Kichaq'ok laj Balaham ut kixye: “Ma ink'a' tab'i' xinye aawe naq tinb'aanu chixjunil li tixye we li Qaawa'?”, chan.

Números 23:16

Li Qaawa' ki'elk chi xk'ulb'al laj Balaham, kixk'e li raatin sa' xtz'uumal re ut kixye: “Sutq'in wan wi' laj Balak ut taaye li aatin xinnumsi chawu”, chan.

Isaías 47:12

Kanaaqat rik'in laak'iila nawalink, yal wan aaq'e chi tuulak, li nakatawasi wi' aawib' chalen chaq sa' laasaajilal! Mare toj taak'anjelaq chawu, mare toj tatnumtaaq sa' xb'eeneb' li poyanam!

Isaías 46:10

Laa'in ninye chi rub'elaj li taak'ulmanq moqon, ut ninye resil xb'enwa li toj maji' nak'ulmank. Laa'in ninye: Li k'uub'anb'il inb'aan taa'uxmanq; ut chixjunil li nawaj xb'aanunkil, tinb'aanu.

Isaías 44:25

Laa'in ninpo'ok ru li neke'xye eb' laj q'e, ut ninjuk' li esil neke'xye li neke'b'alaq'ink; ninsach xk'a'uxeb' li wankeb' xna'leb', ut memil nakanaak wi' li xnawomeb'.

Salmos 76:10

naq laa'at xatxaqliik chi raqok aatin re xkolb'al chixjunileb' li toq'ob'aal ru sa' ruuchich'och'!

Salmos 33:10

Li Qaawa' naxpo' li xk'uub'ahomeb' li xninqal ru tenamit, ut naxk'e chi maak'a' na'ok wi' li xk'a'uxeb' li poyanam.

2 Crónicas 18:13

Ab'an laj Mikeas kixsume: “Ninye jurament sa' xk'ab'a' li Qaawa' naq ka'ajwi' li k'aru tixye we A'an, a'an li tinye!”, chan.

1 Reyes 22:14

Ab'an laj Mikeas kixsume: “Ninye jurament sa' xk'ab'a' li Qaawa' naq ka'ajwi' li k'aru tixye we A'an, a'an li tinye!”, chan.

Números 24:13

«Us ta laj Balak tixq'axtesi we li rochoch nujenaq chi plaat ut oor, ink'a' truuq tinq'etq'eti wib' chiru li xtaqlahom li Qaawa'. Maak'a' tinb'aanu injunes, us ta chaab'il, us ta ink'a'. Li k'aru tixye we li Qaawa' a'an li tinye», chankin chaq reheb'.

Números 22:37

Ut kixye laj Balak re laj Balaham: “Ma ink'a' tab'i' xintaqla aab'oqb'al? K'a'ut naq ink'a' xatchalk wik'in? Malaj xak'oxla naq ink'a' tinruhanq chaq'ajkamunkil?”, chan.

Números 22:39

Chirix chik a'an laj Balaham koho rochb'een laj Balak, ut ke'wulak sa' li na'ajej Kiryat-Jusot xk'ab'a'.

Números 22:8

Kichaq'ok laj Balaham ut kixye reheb': “Kanaaqex arin chiru li q'oqyink a'in, ut wulaj tinye eere jo' chanru tixk'ut chiwu li Qaawa'”, chan. Ut li xcheekelaleb' laj Mohab ke'kanaak sa' rochoch laj Balaham.

1 Reyes 22:16

Ab'an li awab'ej kixye re: “Jar wa inyehom naq ka'ajwi' li yaal taaye we sa' xk'ab'a' li Qaawa'?”.