Números 22:34 - Q'eqchi Bible

³⁴ Toja' naq laj Balaham kixye re li x'Ánjel li Yos: “Xinmaakob'k. Ink'a' xinnaw naq laa'at yookat chi xramb'al linb'e. Ab'anan, wi ink'a' nakawaj naq tinxik, anaqwan ajwi' sutq'iik we”, chan.

Li Santil hu

³⁴ Laj Balaam quixye re lix ángel li Ka̱cuaꞌ: —La̱in xinma̱cob. La̱in incꞌaꞌ xinnau nak xakxo̱cat arin chixrambal inbe. Cui incꞌaꞌ nacacuaj nak tinxic, la̱in tinsukꞌi̱k saꞌ cuochoch, chan.

Números 22:34 ပူးပေါင်းရင်းမြစ်များ

2 Samuel 12:13

Kichaq'ok laj David ut kixye: “Xinmaakob'k chiru li Qaawa'”. Ut laj Natán kixye re: “Li Qaawa' ak xkuy aamaak; ink'a' tatkamq.

1 Samuel 15:24

Toja' naq laj Saúl kixye re laj Samuel: “Xinmaakob'k, xinq'et xchaq'rab' li Qaawa' jo' ajwi' laawaatin, xb'aan naq xinxiwak chiru li tenamit ut xinb'aanu li xe'xye we.

1 Samuel 26:21

Toja' naq laj Saúl kixye: “Xinmaakob'k. Sutq'in, a David, at walal. Ink'a' chik tinb'aanu rahilal aawe, xb'aan naq sa' li q'oqyink a'in jwal loq' xawil linyu'am. Xmajelal inna'leb' xinb'aanu wi' a'an; jwal nim linmaak”, chan.

1 Samuel 15:30

Kichaq'ok laj Saúl ut kixye: “Xinmaakob'k, ab'an nintz'aama usilal chawu: k'e inloq'al cho'q awab'ej chiruheb' li xcheekal winqul lintenamit ut chiruheb' chixjunil laj Israel. Kim chiwix chi xloq'oninkil li Qaawa' laaYos”.

Proverbios 24:18

Mare anchal li Qaawa' moko taawulaq ta chiru rilb'al a'an, ut sa' aab'een chik taachalq li xjosq'il.

Salmos 78:34

Naq yook xkamsinkileb', ke'xsik' li Yos, ke'sutq'iik wi' chik rik'in ut ke'xk'e xch'ooleb' chirix.

1 Crónicas 21:7

Li Yos ink'a' ajwi' kiwulak chiru naq laj David kixtaqla rajlankileb' laj Israel. Jo'kan naq kixtaqla rahilal sa' xb'eeneb'.

1 Samuel 24:17

ut kixye re laj David: “Yaal ajwi' li nakaye; laa'in wank inmaak. Laa'at usilal nakab'aanu we, a'ut laa'in ink'a' us nink'e cho'q reeqaj.

Números 22:12

Ab'anan li Yos kixye re laj Balaham: “Matxik chirixeb', maamajewaheb' li tenamit a'an xb'aan naq osob'tesinb'ileb' inb'aan”, chan.

Números 14:40

Toj eq'la chi us ke'wakliik ut ke'taqe'k toj sa' ru'uj li tzuul; ke'xye: “Wanko arin. Taqe'qo sa' li na'ajej xyeechi'om qe li Qaawa', xb'aan naq xoomaakob'k”, chankeb'.

Números 11:1

Sa' jun kutan eb' laj Israel ke'ok chi xwech'inkil rix li Qaawa' xb'aan li ch'a'ajkilal wankeb' wi'. Naq kirab'i a'an li Qaawa', k'ajo' naq kichalk xjosq'il ut kixk'at li junqre li na'ajej wankeb' wi'.

Éxodo 9:27

Toja' naq laj Parahón kixtaqla xb'oqb'aleb' laj Moisés ut laj Aharón ut kixye reheb': “Anaqwan ninnaw naq xinmaakob'k. Li Qaawa' a'an tiik xch'ool, a'ut laa'in ut lintenamit aj maako.

Números 22:33

Li b'uur xinril ut ox sut xjal xb'e. B'anyox re naq xinxjalb'ehi. Wi ta ink'a', ak raj xatinkamsi laa'at, ut a'an xinkanab' chi yo'yo”, chan.