Números 22:23 - Q'eqchi Bible

²³ Naq li b'uur kiril li x'Ánjel li Qaawa' xaqxo sa' xb'e, wank xq'esnal ch'iich' sa' ruq', kixjal li xb'e ut koho chik sa' pim. Toja' naq laj Balaham kixsak' li xb'uur re naq taasutq'iiq wi' chik sa' li b'e.

Li Santil hu

²³ Quixqꞌue retal li bu̱r nak lix ángel li Ka̱cuaꞌ xakxo saꞌ be ut cuan xchꞌi̱chꞌ saꞌ rukꞌ. Joꞌcan nak qui-el saꞌ li be ut quixjal lix be. Qui-oc chixsacꞌbal li bu̱r laj Balaam re nak ta̱xic cuiꞌchic saꞌ li be.

Números 22:23 ပူးပေါင်းရင်းမြစ်များ

San Judas 1:11

Ra chaalel sa' xb'eeneb', xb'aan naq xkoheb' sa' xb'e laj Kaín. Xb'aan li tumin xe'xq'axtesi rib' sa' li kib'alaq'iik wi' laj Balaham, ut xe'oso'k sa' li xq'etb'a aatin laj Koré.

2 Pedro 2:16

ab'an kiq'use'k xb'aan naq kiq'etok aatin: jun li xul aj iiqom ut mem ki'aatinak rik'in xyaab' xkux winq, ut chi jo'kan kirame'k li xmemil li propeet a'an.

Hechos 22:9

Li wankeb' wochb'een ke'ril li saqenk, ab'anan ink'a' ke'rab'i li xyaab' xkux li yo chi aatinank we.

Daniel 10:7

“Ka'ajwi' laa'in laj Daniel kiwil li moy u a'an; eb' li wochb'een ink'a' ke'ril, ab'anan ke'chalk xxiw ut ke'xchap raanileb' re xmuqb'aleb' rib'.

Jeremías 8:7

Li nimla jotz sa' choxa naxnaw li xq'ehil li xsutq'ijik; li mukuy, li wilix ut li xpatux ha' neke'xnaw jo'q'e te'elq sa' li xna'ajeb'. Ab'an lintenamit ink'a' naxnaw li xchaq'rab' li Qaawa'.

1 Crónicas 21:16

Naq laj David ki'ilok taqe'q, kiril li x'ánjel li Qaawa' wank sa' xyanq li choxa rik'in li ruuchich'och', chi wank xjutz' ch'iich' sa' ruq', yo chi xjayalinkil Jerusalén. Toja' naq laj David ut eb' li cheekel winq ke'xhupub' rib' chiru ch'och', chi wank q'es ruhil t'ikr chirixeb'.

2 Reyes 6:17

Ut ki'ok chi tijok chi jo'ka'in: “At Qaawa', chate xsa' li ru re naq taa'iloq”. Li Qaawa' kixte xsa' ru laj tenq' re laj Eliseo, ut kiril li tzuul nujenaq chi kawaay re xam; wankeb' ajwi' kaarxam chi xsutam laj Eliseo.

Números 22:22

K'ajo' naq kijosq'o'k li Qaawa' xb'aan naq laj Balaham koho chirixeb' li winq. Ut naq yo chi xik laj Balaham chirix li xb'uur rochb'een wiib' li xmoos, li x'Ánjel li Qaawa' kixxaqab' rib' chiru, re xramb'al li xb'e.

Números 22:24

A'ut li x'Ánjel li Yos kixk'e rib' sa' jun laatz'al b'e, sa' xyanq eb' li awimq ut wank tz'ak chi xka'pak'alil.

Josué 5:13

Naq laj Josué nach' chik wank rik'in Jerikó, kiril jun li winq xaqxo chiru, wank xch'iich' maak'a' rochoch sa' ruq'. Laj Josué kinach'ok rik'in ut kixye re: “Ma qakomonat laa'at malaj xkomoneb' li xik' neke'ilok qe?”, chan re.