Números 22:19 - Q'eqchi Bible

¹⁹ Ab'an kanaaqex arin chiru li q'oqyink a'in ut toxwab'i k'a' chik ru tixye we li Qaawa'”, chan.

Li Santil hu

¹⁹ Nintzꞌa̱ma che̱ru nak texcana̱k chixnumsinquil li kꞌojyi̱n cuiqꞌuin. La̱in tinpatzꞌ re li Ka̱cuaꞌ cꞌaꞌru us tinba̱nu, chan.

Números 22:19 ပူးပေါင်းရင်းမြစ်များ

San Judas 1:11

Ra chaalel sa' xb'eeneb', xb'aan naq xkoheb' sa' xb'e laj Kaín. Xb'aan li tumin xe'xq'axtesi rib' sa' li kib'alaq'iik wi' laj Balaham, ut xe'oso'k sa' li xq'etb'a aatin laj Koré.

2 Pedro 2:15

Naq xe'xkanab' li tiikil b'e, xe'sachk ut a' chik li xb'e laj Balaham, ralal laj Bosor, xe'ok chi xtaaqenkil: a'an kixra ru xk'ulb'al li tumin rik'in xb'aanunkil li maa'usilal,

2 Pedro 2:3

Xb'aan xraab'al ru li tumin te'yakoq cherix rik'in b'alaq'il aatin; a'ut chalen junxil yo'oon wank li raqb'a aatin sa' xb'eeneb', ut li roso'jikeb' moko warenaq ta.

Números 22:18

Ab'an laj Balaham kixye reheb' li xtaql laj Balak: “Us ta laj Balak tixk'e we li rochoch nujenaq chi plaat ut oor, ink'a' naru tinq'et raatin li Qaawa' linYos, chi moko rik'in kach'in chi moko rik'in naab'al.

Números 22:20

Chiru li q'oqyink kichalk li Qaawa' rik'in laj Balaham ut kixye re: “Wi eb' li winq a'in xe'chalk chab'oqb'al, xaqlin ut ayu chirixeb'. Ab'an maak'a' taab'aanu; ka'ajwi' li aatin tinye aawe taapaab'”, chan.