Números 22:12 - Q'eqchi Bible

¹² Ab'anan li Yos kixye re laj Balaham: “Matxik chirixeb', maamajewaheb' li tenamit a'an xb'aan naq osob'tesinb'ileb' inb'aan”, chan.

Li Santil hu

¹² Ut li Dios quixye re: —Matxic chirixeb chi moco ta̱tzꞌa̱ma ma̱usilal saꞌ xbe̱neb li tenamit aꞌan xban nak osobtesinbileb inban, chan li Ka̱cuaꞌ.

Números 22:12 ပူးပေါင်းရင်းမြစ်များ

Efesios 1:3

Usilaatinanb'il taxaq li Yos, xYuwa' li Qaawa' Jesukriist, li ki'osob'tesink qe sa' xk'ab'a' li Kriist rik'in chixjunil rosob'tesihom li Musiq'ej toj sa' choxa.

Deuteronomio 23:5

Ab'anan li Qaawa' laaYos ink'a' kiraj rab'inkil laj Balaham ut kixjal laamajewankil chi aawosob'tesinkil, xb'aan naq li Qaawa' laaYos nakatxra.

Romanos 11:29

Xb'aan naq li Yos ink'a' nach'inank xch'ool chirix li xsimaatan ut li xloq'laj b'oqom.

Génesis 12:2

Aawik'in twisi jun xnimal ru tenamit. Tatwosob'tesi ut tinnimob'resi laak'ab'a'. Laa'at tatkanaaq cho'q xyo'leb'aal li usilal.

Deuteronomio 33:29

Us xaq aawe, at Israel. Ani tawi' jo' laa'at, tenamit kolb'ilat xb'aan li Qaawa'? A'an namuheelank ut natenq'ank aawe? Li Qaawa' a'an li ch'iich' nakasacheb' wi' ru li xik' neke'ilok aawe! Eb' a'an te'raj raj aab'alaq'inkil, a'ut laa'at tatnumtaaq sa' xb'eeneb'”, chan laj Moisés.

San Mateo 27:19

Ut naq k'ojk'o laj Pilato sa' li raqleb'aal aatin, li rixaqil kixtaqla xyeeb'al re: “Mik'a' aab'aanu re li tiikil winq a'an, xb'aan naq q'axal ra xinmatk'e ma'laq xb'aan a'an”.

Miqueas 6:5

At intenamit, jultikaq aawe anaqwan k'aru kixk'uub' laj Balak, li awab'ej re Mohab, ut li xsumenkil xb'aan laj Balaham, ralal laj Pehor. Jultikaq aawe naq katnume'k chaq Sitín toj Kilkal, ut k'e reetal li xtiikilal xch'ool li Qaawa'”.

Salmos 146:5

Us xaq re li kaw xch'ool chirix li xYos laj Jakob, a' li xaqxo li royb'enihom rik'in li Qaawa' li xYos:

Salmos 144:15

Us xaq re li tenamit li naxk'ul chixjunil a'in; us xaq re li tenamit li naxra li Qaawa' cho'q xYos!

Números 23:23

Maak'a' na'ok wi' laj q'e rik'ineb' laj Jakob, chi moko laj tuul rik'ineb' laj Israel. Sa' xq'ehil taayeemanq reheb' laj Jakob ut laj Israel li k'aru naxb'aanu li Qaawa'.

Números 23:3

Chirix chik a'an laj Balaham kixye re laj Balak: “Kanaaqat chi xk'atqeb' laamayej. Xik we chi rilb'al ma taachalq li Qaawa' chi aatinak wik'in; ut li k'aru tixk'ut chiwu tulinye aawe”, chan. Koho laj Balaham sa' xb'een jun li joxk' tzuul

Números 22:6

B'aanu usilal, kim chi xmajewankileb' li tenamit a'in, xb'aan naq q'axal kaweb' rib' chiwu. Mare chi jo'kan tinq'ax ruheb' ut tinruuq risinkileb' sa' linna'aj. Ninnaw naq li nakawosob'tesi, osob'tesinb'il chik nakanaak, ut li nakamajewa, majewanb'il ajwi'”.

Números 22:11

«Arin wankeb' k'iila poyanam li ke'elk chaq Ejiipt ut ke'xcha'cha'i rib' sa' xb'een chixjunil li ruuchich'och'. Kim ut majewaheb' re naq tinruhanq chi xq'axb'al ruheb' ut risinkileb' sa' lintenamit»”, chan laj Balaham.

Números 22:13

Wulajaq kiwakliik toj hik'ho laj Balaham ut kixye reheb' laj k'amol b'e taqlanb'ileb' xb'aan laj Balak: “Ayuqex sa' leetenamit, xb'aan naq li Qaawa' ink'a' naraj naq tinxik cherix”, chan.

Números 23:8

Ab'an chanru tinmajewa li ink'a' majewanb'il xb'aan li Qaawa'? Chanru tintz'aamanq rahilal, wi li Qaawa' ink'a' naxb'aanu?

Números 24:9

Nahilank ut nawark, jo' li kaqkoj. Ani taawaklesinq re? Osob'tesinb'ilaq li taa'osob'tesinq aawe! Majewanb'ilaq li taamajewanq aawe!”.

Deuteronomio 2:7

Xb'aan naq li Qaawa' laaYos xatrosob'tesi sa' chixjunil laak'anjel; xatril chiru laab'eenik sa' li nimla chaqich'och' a'in, ut ak ka'k'aal chihab' anaqwan naq li Qaawa' laaYos wank aawik'in chi maak'a' xmajelo'k aawe.

Deuteronomio 7:14

Q'axal osob'tesinb'ilaqat chiru chixjunileb' li tenamit. Maak'a'aq aawik'in teelom ut ixq li ink'a' ta te'alanq, chi moko sa' xyanqeb' laaketomq.

Deuteronomio 28:6

Osob'tesinb'ilaqat naq tat-ok ut osob'tesinb'ilaqat naq tat-elq.

2 Crónicas 31:10

ut kichaq'ok laj Asarías, li xb'eenil aj tij, xkomoneb' laj Sadok, ut kixye: “Chalen naq ke'xtikib' xk'amb'al chaq li mayej cho'q re li rochoch li Qaawa', nokootzekank ut nokoonujak, ut toj wank naab'al li tzekemq na'ela'ank. Chixjunil a'in x'ela'ank, xb'aan naq li Qaawa' xrosob'tesi li xtenamit”, chan.

Isaías 61:9

Q'axal nawnooq ruheb' li ralal xk'ajol xb'aaneb' li tenamit, ut chixjunileb' li te'iloq reheb' te'xk'e reetal naq a'aneb' jun tenamit osob'tesinb'il xb'aan li Qaawa'.