Números 21:7 - Q'eqchi Bible

⁷ Toja' naq eb' li tenamit ke'wulak rik'in laj Moisés chi xyeeb'al: “Xoomaakob'k, xqawech' rix li Qaawa' ut laa'at. Tz'aaman, elajin chiqix chiru li Qaawa', re naq trisiheb' sa' qayanq eb' li k'anti'”, chankeb'. Laj Moisés kitijok chirixeb' li tenamit,

Li Santil hu

⁷ Eb li cristian queꞌcuulac riqꞌuin laj Moisés ut queꞌxye re: —La̱o xoma̱cob nak xkacuechꞌi rix li Dios ut xoma̱cob ajcuiꞌ nak xatkacuechꞌi la̱at. Chatzꞌa̱ma chiru li Dios nak ta̱risiheb saꞌ kaya̱nk li cꞌantiꞌ aꞌin, chanqueb. Ut laj Moisés quitijoc chirixeb li tenamit.

Números 21:7 ပူးပေါင်းရင်းမြစ်များ

Hechos 8:24

Kichaq'ok laj Simón, ut kixye: —Chextijoq chiwix chiru li Qaawa' re naq maajun reheb' a k'a'aq re ru a'in chichalq sa' inb'een, jo' xeye.

Salmos 78:34

Naq yook xkamsinkileb', ke'xsik' li Yos, ke'sutq'iik wi' chik rik'in ut ke'xk'e xch'ooleb' chirix.

Números 11:2

Li tenamit ke'xtz'aama xtenq'ankil chiru laj Moisés, ut a'an ki'aatinak chirixeb' chiru li Qaawa'. Toja' naq kichupk li xam.

Éxodo 8:8

Toja' naq laj Parahón kixb'oqeb' laj Moisés ut laj Aharón ut kixye: “Chetz'aama chiru li Qaawa' naq chirisiheb' li amoch wik'in ut rik'in lintenamit, ut laa'in teb'inkanab' chi elk laatenamit re naq toxe'mayejaq chaq chiru li Qaawa'”, chan.

1 Reyes 13:6

Ut laj Jerobohán li awab'ej kixye re li propeet: “B'aanu usilal, tijon chiwix chiru li Qaawa' laaYos ut tz'aama naq tixk'irtasi li wuq'”. Kitijok li propeet chiru li Qaawa', ut li ruq' laj Jerobohán kik'iraak ut kikanaak jo' naq xwank junxil.

Éxodo 8:28

Laj Parahón kixsumeheb': “Texinkanab' chi xik re naq texmayejaq chaq sa' li chaqich'och' chiru li Qaawa' leeYos; ab'an ink'a' jwal najt texxik. Ut chextijoq chaq chiwix”, chan.

Santiago 5:16

Chech'olob'aq b'i' leemaak cherib'il eerib' ut chextijoq cherix cherib'il eerib' re naq texk'iraaq. Li xtij li tiik xch'ool q'axal na'ab'iik, wi na'uxmank chi anchalil ch'oolej.

Romanos 10:1

Ex was wiitz'in, a'an a'in li naxrahi linch'ool ut li nintz'aama chiru li Yos: naq che'kole'q eb' laj Israel.

San Mateo 27:4

—Xinmaakob'k, xinq'axtesi xyu'am jun li winq maak'a' xmaak, chan. A'ut eb' a'an ke'xye: —K'a' tqaj wi' laa'o? Il laa'at k'aru taab'aanu.

Oseas 5:15

“Chirix chik a'an tinsutq'iiq wi' chik sa' linna'aj, toj reetal te'xk'e reetal li xmaakeb' ut toline'xsik'. Naq wanqeb' sa' rahilal, relik chi yaal naq toline'xsik'”.

Jeremías 37:3

Laj Sedesías, li awab'ej, kixtaqla laj Jukal, ralal laj Selemías, ut laj Sofonías, ralal laj Mahasías laj tij, re xtz'aamankil a'in chiru laj Jeremías, li propeet: “Tijon chiqix chiru li Qaawa' li qaYos”, chankeb' re.

Jeremías 15:1

Li Qaawa' kixye we: “Us ta tole'xxaqab' rib' chiwu laj Moisés ut laj Samuel chi tz'aamank chirix li tenamit a'in, laa'in ink'a' twuxtaana ruheb'. Ye reheb' naq elqeb' chiwu ut xikaqeb' chi najt.

Salmos 106:23

Toja' naq li Qaawa' kixye naq tixsacheb' ru, ab'an laj Moisés, li sik'b'il ru xb'aan, kixram chiru naq ki'aatinak chirixeb' re naq ink'a' te'sache'q ru xb'aan li xjosq'il.

Li xHu LAJ JOB 42:10

Chirix naq laj Job kitijok chirixeb' li ramiiw, li Qaawa' kixk'e wi' chik xsahil li xch'ool, ut ka'sut chik xk'ihal li k'aru re kixk'e chiru li kiwank xb'enwa.

Li xHu LAJ JOB 42:8

Jo'kan utan chapomaq wuqub' chib'aat ut wuqub' karneer ut ayuqex rik'in laj Job laj k'anjel chiwu. Aran yeechi'ihomaq eb' li xul a'an cho'q k'atb'il mayej sa' eek'ab'a' laa'ex; ut laj Job laj k'anjel chiwu taatijoq cherix. Laa'in twab'i li xtij ut maak'a' tinb'aanu eere, us ta eek'ulub' xtojb'al rix leemaak xb'aan naq ink'a' xeye li yaal chiwix jo' xb'aanu laj Job”.

1 Samuel 15:30

Kichaq'ok laj Saúl ut kixye: “Xinmaakob'k, ab'an nintz'aama usilal chawu: k'e inloq'al cho'q awab'ej chiruheb' li xcheekal winqul lintenamit ut chiruheb' chixjunil laj Israel. Kim chiwix chi xloq'oninkil li Qaawa' laaYos”.

1 Samuel 15:24

Toja' naq laj Saúl kixye re laj Samuel: “Xinmaakob'k, xinq'et xchaq'rab' li Qaawa' jo' ajwi' laawaatin, xb'aan naq xinxiwak chiru li tenamit ut xinb'aanu li xe'xye we.

Deuteronomio 9:20

Yo ajwi' xjosq'il li Qaawa' sa' xb'een laj Aharón, ut kiraj raj xsachb'al ru. Ab'an laa'in kintijok ajwi' chirix laj Aharón.

Éxodo 32:30

Sa' li kutan jun chik kixye laj Moisés reheb' li tenamit: “Makach'in xnimal li maak xeb'aanu. Anaqwan tintaqe'q wi' chik rik'in li Qaawa': mare chan naq tixkuy eemaak”.

Éxodo 32:11

Ab'anan laj Moisés kixyal xq'e chi xtuulanob'resinkil li Qaawa' li xYos, ut kixye re: “At Qaawa', k'a'ut naq xchalk laajosq'il sa' xb'een laatenamit, li kawisiheb' chaq aran Ejiipt rik'in xnimal aawankil ut xkawilal laawuq'?

Génesis 20:7

Anaqwan q'ajsi li ixq re li xb'eelom, xb'aan naq a'an propeet ut taatijoq chawix re naq toj tatyo'yooq. Ab'an, wi ink'a' taaq'ajsi, chanaw naq relik chi yaal tatkamq laa'at jo' ajwi' li wankeb' sa' laawochoch”, chan li Yos.

Génesis 20:17

Toja' naq laj Abrahán kitz'aamank chiru li Yos, ut li Yos kixk'irtasi laj Abimélek, li rixaqil ut chixjunileb' li ixq aj k'anjel chiru, re naq te'alanq wi' chik:

2 Reyes 13:4

Ab'an laj Johakás kitijok chiru li Yos re taatenq'aaq, ut li Qaawa' kirab'i li xtz'aamahom xb'aan naq naril li xrahob'tesinkileb' laj Israel xb'aan li awab'ej re Aram.

Isaías 26:16

At Qaawa', xatqasik' naq yooko chi k'uluk rahilal ut ink'a' chik naqakuy li qarahob'tesinkil aab'aan.

Éxodo 8:4

Talaje'pisk'o'q li amoch sa' aab'een, sa' xb'eeneb' laatenamit ut sa' xb'eeneb' laj k'anjel chawu»”.

Éxodo 10:17

B'aanuhomaq usilal, chekuyaq jun sutaq chik linmaak. Chetz'aamaq chiru li Qaawa' leeYos naq chirisi wik'in ka' aj taxaq li kamk a'in”, chan.