Números 21:34 - Q'eqchi Bible

³⁴ Toja' naq li Qaawa' kixye re laj Moisés: “Maaxiwa ru laj Og, xb'aan naq xinq'axtesi sa' laawuq' rochb'een chixjunileb' li xpoyanam ut li xna'aj. B'aanu re laj Og jo' xab'aanu chaq re laj Sijón, awab'ej re Amor, li xwank aran Jesbón”, chan li Qaawa'.

Li Santil hu

³⁴ Li Ka̱cuaꞌ quixye re laj Moisés: —Matxucuac xbaneb. La̱in ac xinkꞌaxtesiheb saꞌ a̱cuukꞌ. Xinqꞌue a̱cue chixjunileb lix soldado ut lix naꞌajeb. Ta̱ba̱nu riqꞌuin aꞌan joꞌ xaba̱nu re laj Sehón lix reyeb laj amorreo li quicuan Hesbón, chan.

Números 21:34 ပူးပေါင်းရင်းမြစ်များ

Josué 8:7

Toja' naq laa'ex tex'elq chaq sa' li na'ajej muqmuukex wi', ut teereechani li tenamit: li Qaawa' leeYos taak'ehoq re sa' leeruq'.

Isaías 41:13

Xb'aan naq laa'in li Qaawa', laaYos, chapchookat chawuq' inb'aan. Laa'in ninyehok aawe: “Matxiwak, laa'in nintenq'ank aawe”.

2 Reyes 3:18

Ut ink'a' taak'ojlaaq xch'ool li Qaawa' rik'in a'in, xb'aan naq tixq'axtesiheb' ajwi' laj Mohab sa' eeruq'.

1 Reyes 20:28

Toja' naq jun xtaql li Qaawa' kiwulak rik'in li awab'ej re Israel ut kixye re: “Jo'ka'in xye li Qaawa': «Xb'aan naq eb' laj Aram xe'xye naq li Qaawa' a'an xYoseb' li k'iche', maawa' xYos li taq'a ru, xinq'axtesiheb' sa' laawuq' li tenamit a'in q'axal naab'aleb'. Chi jo'kan teenaw laa'ex naq laa'in tz'aqal li Qaawa'»”.

1 Reyes 20:13

Toja' naq jun li propeet kiwulak rik'in laj Ajab, awab'ej re Israel, ut kixye re: “Jo'ka'in xye li Qaawa': «Ma xawil li naab'aleb' tenamit a'in? Us b'i', tinq'axtesiheb' sa' aawuq' re taanaw naq laa'in li Qaawa'»”.

2 Samuel 5:19

Jo'kan naq laj David kipatz'ok re li Qaawa' ut kixye: “Ma tinxik chi yalok rik'ineb' laj Filistea? Ma taaq'axtesiheb' sa' wuq'?”, chan. Ut li Qaawa' kixye re: “Ayu xb'aan naq relik chi yaal naq tinq'axtesiheb' sa' laawuq'”, chan.

1 Samuel 23:4

Jo'kan naq laj David koho wi' chik chi patz'ok rik'in li Qaawa', ut A'an kichaq'ok: “Xaqlin, ayu chi yalok chirixeb' laj Kehilá, xb'aan naq xinq'axtesiheb' laj Filistea sa' laawuq'”.

Jueces 11:30

Laj Jefté kixyeechi'i a'in sa' jurament re li Qaawa': “Wi taaq'axtesiheb' sa' wuq' eb' laj Amón,

Josué 10:25

“Mexxiwak -chan laj Josué reheb'- chi moko chich'inanq leech'ool; kawaq b'an leech'ool ut yalomaq eeq'e, xb'aan naq jo'ka'in tixb'aanu li Qaawa' rik'ineb' chixjunil li xik' neke'ilok eere”.

Josué 10:8

Ut li Qaawa' kixye re laj Josué: “Maaxiwa ruheb' xb'aan naq xink'eheb' sa' laawuq'; maajun reheb' truuq taakuyuq sa' aawuq'”, chan.

Deuteronomio 31:6

Kawaq eerib' ut chiwanq xkawub' eech'ool! Mexxiwak ut mexsiksotk chiruheb', xb'aan naq a' li Qaawa' laaYos nab'eresink eere ut ink'a' texxkanab' eejunes”, chan laj Moisés.

Deuteronomio 20:3

ut tixye reheb' chi jo'ka'in: «Ab'i, Israel. Sa' li kutan a'in ok eere chi yalok rik'ineb' li xik' neke'ilok eere. Mich'inank leech'ool, mexxiwak, misachk eech'ool ut mexsiksotk chiruheb',

Deuteronomio 7:24

Tixq'axtesiheb' li awab'ej sa' laawuq' ut laa'at taasach li xk'ab'a'eb' junsut junrub'el choxa: maajun reheb' te'kuyuq sa' aawuq', toj reetal taasacheb' ru.

Deuteronomio 3:11

(Laj Og, awab'ej re Basán, a'an chaq rosob'leb' li ke'kanaak chi yo'yo sa' xyanqeb' laj Refait. Aran Rabá, tenamit re Amón, natawmank li xch'aat ch'iich', wan rox moqoj li roq ut numenaq jun moqoj li ru, jo' li xb'isleb' a'an.)

Números 14:9

Jo'kan utan, meeq'etq'eti eerib' chiru li Qaawa', chi moko chexiwa ru li tenamit a'an, xb'aan naq sa tqaq'ax ruheb'. Maa'ani nakolok reheb', a'ut laa'o wank li Qaawa' qik'in. Mexxiwak b'i'”, chankeb'.

Números 32:4

a' li ch'och' kireechani li Qaawa' sa' xwulajikeb' li xkomonil aj Israel, a'an jun li na'ajej re k'iiresink ketomq. Ut laa'o wank qaketomq, chankeb'.

Deuteronomio 2:30

“A'ut laj Sijón, awab'ej re Jesbón, ink'a' kooxkanab' chi nume'k aran, xb'aan naq li Qaawa' laaYos ak xkawresi ut xjipob'resi li xch'ool re xq'axtesinkil sa' leeruq' jo' naq wank anaqwan.

Deuteronomio 3:1

“Chirix chik a'an koosutq'iik chaq ut kootaqe'k sa' xb'ehil Basán. Laj Og, awab'ej re Basán, ki'elk chaq chi qak'ulb'al rochb'een chixjunileb' li xpoyanam, ut aran Edreí kooyalok rik'ineb'.

Deuteronomio 7:17

“Mare anchal taaye sa' laach'ool: «Eb' li tenamit a'in q'axal naab'aleb' chik chiwu laa'in. Chanru naq twaanilasiheb'?», cha'qat.

Deuteronomio 7:18

Ab'an matxiwak chiruheb', jultiko'q aawe li kixb'aanu li Qaawa' laaYos rik'in laj Parahón ut chixjunil Ejiipt,

Deuteronomio 7:21

Jo'kan b'i', maaxiwa ruheb' xb'aan naq wank aawik'in li Qaawa' laaYos, li Yos nim xwankil ut xiwajel.