Números 21:33 - Q'eqchi Bible

³³ Chirix chik a'an ke'sutq'iik chaq ut koheb' sa' li b'e naxik Basán; a'ut laj Og, awab'ej re Basán, ki'elk chaq chi xk'ulb'aleb' laj Israel, rochb'een chixjunileb' li xpoyanam, re yalok sa' li na'ajej Edreí xk'ab'a'.

Li Santil hu

³³ Chirix aꞌan eb laj Israel queꞌco̱eb saꞌ li be li naxic Basán. Ut laj Og lix reyeb laj Basán rochbeneb lix soldado queꞌco̱eb chi pletic riqꞌuineb saꞌ li naꞌajej Edrei.

Números 21:33 ပူးပေါင်းရင်းမြစ်များ

Josué 13:12

Ut sa' xteepal Basán kixk'e chixjunil li x'awab'ejihom laj Og, li ki'awab'ejink sa' xb'een Astarot ut Edreí ut kikanaak cho'q rela'eb' laj Refait. Laj Moisés kixq'ax ruheb' ut kiraanilasiheb'.

Deuteronomio 29:7

“Ut naq kook'ulunk sa' li na'ajej a'in, laj Sijón, awab'ej re Jesbón, ut laj Og, awab'ej re Basán, ke'chalk chi yalok qik'in, ab'anan laa'o kiqaq'ax ruheb'.

Deuteronomio 1:4

Naq ak kixq'ax ru laj Sijón, awab'ej re Amor, li wan chaq Jesbón, ut laj Og, awab'ej re Basán, li wan chaq Astarot ut Edreí,

Amós 4:1

Ab'ihomaq li aatin a'in, ex rixqilal Samaria, chanchanex li ninqi wakax li wankeb' Basán. Laa'ex nekerahob'tesi eb' li neb'a', neketawasiheb' li toq'ob'aal ruheb' ut nekepatz' eeb'iin reheb' leeb'eelom re texkalaaq.

Ezequiel 39:18

Te'xtiw xtib'eleb' laj puub' ut te'ruk' xkik'eleb' li neke'jolomink re li ruuchich'och', jo' tawi' tiwok karneer, kok' chib'aat malaj ninqi wakax re Basán.

Ezequiel 27:6

Eb' li che' natiikisimank wi' li jukub' ke'yiib'aak rik'in aakute' kichalk chaq Basán; yaw ke'xtz'ap wi' sa' laab'een, Kitim kik'ame'k chaq li che' a'an, ut uutz'u'ujinb'il rik'in marfil.

Isaías 33:9

Ra rilb'al li ruuchich'och' naq yo chi oso'k ut chi tz'uyink. Xtz'umaak li tzuul Líbano ut xchaqik chi junajwa. Jo' chaqich'och' xkanaak li xtaq'ahil Sarón; Basán ut li tzuul Karmeel xe'chaqik ru.

Salmos 68:15

Naq li Qaawa' xcha'cha'iheb' li awab'ej, xkub'e chaq li ratz'amke sa' xb'een li tzuul Salmón.

Salmos 22:12

At Qaawa', matkanaak chaq chi najt, xb'aan naq li rahilal ak nach' chik wank ut maajun natenq'ank we.

Josué 13:30

li ch'och' chalen chaq Majanáhin, chixjunil Basán ut oxk'aal chi tenamit li wankeb' sa' xsutam Yaír aran Basán;

Josué 12:4

Laj Og, awab'ej re Basán, a'an jun xkomoneb' laj Refait. A'an kiwank aran Astarot ut Edreí,

Josué 9:10

jo'wi' chixjunil li kixb'aanu reheb' li wiib' chi awab'ej aj Amor junpak'al li nima' Jordán, a' laj Sijón, awab'ej re Jesbón, ut laj Og, awab'ej re Basán, li kiwank aran Astarot.

Deuteronomio 32:14

Kixch'oolaniheb' rik'in li xrekesonil li wakax ut xleechul karneer; kixk'e reheb' li xtib'eleb' li saaj karneer ut li ketomq re Basán, eb' li kok' chib'aat ut li chaab'il triiw. Kixk'e li xya'al li uub' cho'q ruk'a'eb'.

Deuteronomio 4:47

Li xch'och' a'an ki'eechaniik xb'aaneb' laj Israel. Jo'kan ajwi' kixk'ul laj Og, awab'ej re Basán, a'an ajwi' awab'ej re Amor kama' laj Sijón, junpak'al li nima' Jordán:

Números 32:33

Ut laj Moisés kixk'e li x'awab'ejihom laj Sijón, awab'ej re Amor, ut li x'awab'ejihom laj Og, awab'ej re Basán, reheb' li ralal xk'ajoleb' laj Gad, eb' li ralal xk'ajoleb' laj Rubén ut xyiijacheb' laj Manasés, li ralal laj José. Kixk'e ajwi' eb' li tenamit li wankeb' chi xnub'ajlil ut eb' li k'aleb'aal wankeb' chi xjunsutam.

Salmos 68:22

Ab'an li Yos tixputz'i xjolomeb' li xik' neke'ilok re, li xjolomeb' li sa wankeb' sa' xmaa'usilaleb'.

Salmos 135:11

laj Sijón, awab'ej re Amor, laj Og, awab'ej re Basán, ut chixjunileb' li awab'ej re Kanahán.

Salmos 136:20

jo'wi' laj Og, awab'ej re laj Basán, li xnimal xrahom wank chi junelik!

Deuteronomio 2:30

“A'ut laj Sijón, awab'ej re Jesbón, ink'a' kooxkanab' chi nume'k aran, xb'aan naq li Qaawa' laaYos ak xkawresi ut xjipob'resi li xch'ool re xq'axtesinkil sa' leeruq' jo' naq wank anaqwan.