Números 21:25 - Q'eqchi Bible

²⁵ Eb' laj Israel ke'reechani chixjunileb' li xtenamit. Ke'reechani chixjunileb' li xtenamit eb' laj Amor, naraj naxye li tenamit Jesbón ut chixjunileb' li xk'aleb'aal.

Li Santil hu

²⁵ Eb laj Israel queꞌxcꞌam chokꞌ reheb lix tenamiteb laj amorreo. Queꞌre̱chani li tenamit Hesbón ut eb li cocꞌ naꞌajej li cuanqueb chixjun sutam. Ut saꞌ eb li tenamit aꞌan queꞌcuan.

Números 21:25 ပူးပေါင်းရင်းမြစ်များ

Ezequiel 16:53

«Laa'in tink'e wi' chik xsahilal Sodoom ut eb' li xk'aleb'aal; twosob'tesi ajwi' Samaria ut eb' li xk'aleb'aal. Chirix chik a'an tatink'ojob' wi' chik sa' laana'aj sa' xyanqeb' a'an,

Ezequiel 16:49

A'an a'in li xmaak Sodoom, laawiitz'in: li q'etq'etil, li num wa'ak ut sahil wank; ab'anan a'an rochb'eeneb' li xk'aleb'aal maajun wa kixtenq'aheb' li neb'a' ut li maak'a' wankeb' re.

Ezequiel 16:46

Samaria rochb'eeneb' li xk'aleb'aal, a'an laachaq'na' li wank sa' xjayal releb'l iq'; ut Sodoom rochb'eeneb' li xk'aleb'aal, a'an laawiitz'in li wank sa' xjayal rokeb'l iq'.

Jeremías 48:45

“Eb' laj eelel te'xik chi tawajenaqeb' chi xkolb'al rib' sa' xmu Jesbón; ab'an x'elk chaq jun xam aran Jesbón, sa' rochoch laj Sijón, li awab'ej, ut xk'ateb' li xtzuulul Mohab, a'an jun tenamit q'etq'et ut aj po'ol ch'oolej.

Jeremías 48:34

Li xyaab'eb' laj Jesbón nawulak toj Elalé ut na'ab'imank toj Yahás; na'uxk japok e Sohar ut na'ab'iik toj Joronáhin ut Eklat-Selisiyá, xb'aan naq xchaqik li nima' re Nimrín.

Jeremías 48:2

Maak'a' chik xloq'al Mohab. Aran Jesbón xe'xk'uub' xsachb'al ru li tenamit Mohab: «Kimqex ut qasachaq ru sa' ruuchich'och'», chankeb'. Jo'kan ajwi' naq tat-oso'q laa'at, a Madmén, ut li raaxiik' junelik yooq chasutb'al.

Isaías 15:4

Japjookeb' re laj Jesbón ut eb' laj Elalé: li xyaab' xkuxeb' na'ab'imank toj Yahás. Eb' laj puub' re Mohab neke'siksotk ajwi' xb'aaneb' xxiw ut natentotk li raanmeb'.

Cantares 7:4

laakux kama' wi' jun najt xteramil kab'l yiib'anb'il rik'in marfil, xsa'eb' laawu jo'keb' li ha' li wank Jesbón, chi xk'atq li Rokeb'aal Bat-Rabín; laawu'uj chanchan li najt xteramil kab'l re Líbano, li wank sa' xka'yab'aal Damaask.

Deuteronomio 2:12

Jo'kan ajwi' aran Seír najter eb' laj Jor ke'wank chaq aran, ab'an ke'isiik ut ke'sache'k ru xb'aaneb' li ralal xk'ajol laj Esaú, ut a'aneb' ke'kanaak sa' li xna'ajeb', jo' ke'xb'aanu laj Israel rik'in li ch'och' li kik'ehe'k reheb' xb'aan li Qaawa'.)

Números 21:31

Jo'ka'in naq eb' laj Israel ke'na'ajunk sa' xch'och'eb' laj Amor.

Números 21:26

Xb'aan naq Jesbón a'an li tenamit wan wi' laj Sijón, awab'ej re Amor. Laj Sijón kiyalok junxil rik'in li xb'een awab'ej re Mohab ut kireechani chixjunil li xch'och' toj wan wi' li nima' Arnón.

Jueces 11:26

Ak wank o'lajuk'aal (300) chihab' rokikeb' laj Israel sa'eb' li tenamit Jesbón, Aroher ut sa' li xk'aleb'aaleb', jo'wi' sa' chixjunil li tenamit li wankeb' chi xka'pak'alil li nima' Arnón. K'a'ut naq ink'a' xapatz' li ch'och' a'an chiru li o'lajuk'aal chihab' a'in?

Números 32:3

—Li na'ajej Atarot, Dibón, Jaser, Nimrá, Jesbón, Elalé, Sibmá, Nebo ut Mehón,

Josué 24:8

“Moqon kexwoksi sa' xch'och'eb' laj Amor junpak'al li nima' Jordán: eb' a'an ke'yalok eerik'in, ab'an laa'in kinq'axtesiheb' sa' eeruq'; jo'kan naq koxereechani li xch'och'eb' ut kinsach ruheb' cheru.