Números 20:8 - Q'eqchi Bible

⁸ “Chap laaxuq' ut ch'utub'eb' li komonil, aawochb'een laj Aharón laawiitz'in. Chiruheb' chixjunileb' teepatz' li ha' re li saqoonak, ut li saqoonak tixk'e eere. Taayo'laaq li ha' sa' li saqoonak re te'uk'aq li komonil jo'wi' li xketomqeb'”, chan li Qaawa'.

Li Santil hu

⁸ —Chap la̱ xukꞌ. La̱at ut laj Aarón te̱chꞌutub ruheb li tenamit. Ut chiruheb chixjunileb ta̱ye re li sako̱nac nak tixqꞌue li haꞌ re teꞌrucꞌ. Ut ta̱cuisi li haꞌ saꞌ li pec ut ta̱qꞌueheb li tenamit chi ucꞌac. Ut teꞌucꞌak ajcuiꞌ lix queto̱mkeb, chan li Ka̱cuaꞌ.

Números 20:8 ပူးပေါင်းရင်းမြစ်များ

Éxodo 4:17

Chap li xuq' a'an, xb'aan naq rik'in a'an xninqal sachb'ach'oolej taab'aanu”.

Apocalipsis 22:17

Li Musiq'ej ut li Ixaqilb'ej neke'xye: “Chalqat!”. Li taa'ab'inq re, chixyehaq: “Chalqat!”. Ut li taachaqiq re, chalqaq; li taa'ajoq re, chixk'ulaq chi maatan li ha' nak'ehok yu'am.

Isaías 43:20

Eb' li josq' aj xul, eb' laj xojb' jo'wi' eb' laj tak' ra' te'xk'e inloq'al, xb'aan naq taayo'laaq li ha' sa' li chaqich'och' ut te'wanq nima' sa' li joxk' ch'och', re naq te'uk'aq lintenamit sik'b'ileb' ru inb'aan.

Apocalipsis 22:1

Chirix chik a'an li ánjel kixk'ut chiwu li xnima'ul li yu'amha', nalemtz'unk jo' li krixtal, na'elk chaq sa' li xnimaqwal k'ojarib'aal li Yos ut li Karneer.

Hechos 1:14

Chixjunileb' a'in neke'xk'e xch'ool chi tijok sa' junajil ch'oolej rochb'eeneb' li ixq ut lix María, xna' li Jesus, rochb'eeneb' ajwi' li rech'alal.

San Juan 16:24

Chalen toj anaqwan maak'a' xetz'aama sa' ink'ab'a'. Chextz'aamanq ut texk'uluq, re naq tz'aqalaq re ru li xsahil eech'ool.

San Lucas 11:13

Jo'kan utan, wi laa'ex li moko chaab'ilex ta nekenaw xk'eeb'al li chaab'il simaatan reheb' leeralal eek'ajol, ma toja' ta chik li choxahil Yuwa'b'ej ink'a' tixk'e li Santil Musiq'ej reheb' li te'xtz'aama chiru!”.

San Mateo 21:21

Kichaq'ok li Jesus ut kixye reheb': —Relik chi yaal ninye eere: wi wanq leepaab'aal ut ink'a' taawiib'anq leech'ool, moko ka'aj ta wi' li xinb'aanu laa'in re li xche'el li iig teeb'aanu laa'ex, taaruuq aj b'an wi' teeye re li tzuul a'in: «Elen ut kut aawib' sa' palaw», ut taa'uxmanq raj.

Isaías 48:21

Naq yookeb' chi nume'k sa' li chaqich'och', ink'a' ke'chaqik re; li Qaawa' kixk'eheb' ruk'a' naq kixjor li saqoonak ut ki'elk roq nima'.

Salmos 114:8

A'an naxjaltesi li saqoonak chi kaq'nab', ut li nimla pek nakanaak chi yu'amha'.

Salmos 105:41

Kixjor li saqoonak, ut ki'elk chaq ha': kama' jun nima' kib'eek roq sa' li chaqich'och'.

Salmos 33:9

Xb'aan naq ki'aatinak, ut jo'kan ki'uxk; ki'ok chi taqlank, ut kiyaalo'k chixjunil.

Nehemías 9:15

Kataqla chaq li choxahil wa re naq ink'a' chik te'tz'okaaq, ut naq kichaqik reheb', kak'e chi yo'laak li ha' sa' li saqoonak. Chirix chik a'an kaye reheb' naq toxe'reechani li ch'och' kayeechi'i reheb'.

Josué 6:20

Li tenamit ke'xchaj reheb' ut ke'yaab'asimank li tronpeet. Naq eb' laj Israel ke'rab'i xyaab'eb' li tronpeet, k'ajo' naq ke'xchaj reheb'! Li xsuttz'akil Jerikó ki'uq'je'k ut chixjunileb' ke'xkut rib' chi tiik sa' xb'een li tenamit, ut koxe'reechani.

Josué 6:5

Naq te'ok chi eek'ank li xukub' ut teerab'i chi eek'ank li tronpeet, chixjunil li tenamit te'xjap reheb' chi kaw, ut li xsuttz'akil Jerikó taat'ane'q. Toja' naq jun xikikaqex chi tiik sa' xb'een Jerikó”, chan.

Números 21:18

Li julha' a'in xb'ekmank xb'aaneb' li xninqal ru winq; eb' li xjolomileb' li tenamit ke'pikok re rik'in xxuq'eb'”. Chirix chik a'an ke'elk sa' li chaqich'och'

Números 21:15

chi junqre li nima' naxik sa' xjayal Ar ut nawulak toj sa' xnub'ajlil Mohab”.

Números 20:11

Laj Moisés kixtaqsi li ruq', ka'sut kixsak' li saqoonak chiru li xxuq' ut k'ajo' li ha' ki'elk chaq sa' li saqoonak: ke'uk'ak li komonil jo' ajwi' li xketomqeb'!

Éxodo 17:9

Toja' naq laj Moisés kixye re laj Josué: “Taasik'eb' ru winq li te'xik chawix wulaj re yalok rik'ineb' laj Amalek. Laa'in xaqxooqin sa' xb'een li tzuul, chi wanq xxuq' li Yos sa' wuq'”.

Éxodo 14:16

Ut laa'at, taqsi laaxuq', ye' laawuq' sa' xb'een li palaw re naq tixjach rib'; chi jo'kan eb' laj Israel te'ok sa' li palaw chi chaqi ru li b'e.

Éxodo 7:20

Laj Moisés ut laj Aharón ke'xb'aanu li ke'taqlaak wi' xb'aan li Qaawa': laj Aharón kixtaqsi li xxuq' ut kixsak' li roq nima' chiru laj Parahón ut eb' laj tenq' re. Ut chixjunil li roqha' kilajkik'o'k.

Éxodo 4:20

Toja' naq laj Moisés kixk'am li rixaqil ut li ralal, kixk'eheb' chirix jun b'uur ut kiq'ajk sa' li tenamit Ejiipt. Laj Moisés kixchap ajwi' li xxuq' li Yos.

Éxodo 4:2

Toja' naq li Qaawa' kixpatz' re: “K'aru wank sa' laawuq'?”. “Jun xuq'”, chan laj Moisés.

Génesis 18:14

Ma wank tab'i' k'aru ch'a'aj chiru li Qaawa'? Sa'eb' li kutan xinye, sa' jun chihab' chik, tinsutq'iiq chaq, ut lix Sara taawanq jun xk'uula'al”.

Números 20:7

Li Qaawa' kiraatina laj Moisés ut kixye re: