Números 20:6 - Q'eqchi Bible

⁶ Laj Moisés ut laj Aharón ke'elk sa' li komonil, koheb' sa' rokeb'aal li Loq'laj Na'ajej ut ke'xhupub' rib' chiru ch'och' chi tijok. Ut aran kixk'ut rib' li xloq'al li Qaawa' chiruheb'.

Li Santil hu

⁶ Laj Moisés ut laj Aarón queꞌel saꞌ xya̱nkeb li tenamit ut queꞌco̱eb chiru li tabernáculo. Queꞌxhupub ribeb chiru chꞌochꞌ. Ut li Ka̱cuaꞌ quixcꞌut lix lokꞌal chiruheb.

Números 20:6 ပူးပေါင်းရင်းမြစ်များ

Números 14:5

Toja' naq laj Moisés ut laj Aharón ke'xhupub' rib' chiru ch'och', chiruheb' chixjunil li xkomonileb' laj Israel.

Números 16:45

“Elenqex sa' xyanqeb' li komonil a'in, xb'aan naq ok we chi xsachb'aleb' ru chi junpaat”, chan. Laj Moisés ut laj Aharón ke'xhupub' rib' chiru ch'och', ut

Números 16:22

A'ut eb' a'an ke'xhupub' rib' chiru ch'och' ut ke'tijok chi kama'in: “At Qaawa' Yos, laa'at nakatk'ehok xyu'am li junjunq. Jun ajwi' li xmaakob'k: k'a'ut naq laa'at nakatjosq'o'k rik'in chixjunil li komonil?”, chankeb'.

Números 16:19

Laj Koré kixch'utub'eb' li xkomon chire rokeb'aal li Loq'laj Na'ajej chi xwech'b'al laj Moisés ut laj Aharón. Toja' naq kik'utunk xloq'al li Qaawa' chiruheb' chixjunil li komonil,

Números 16:4

Naq kirab'i a'in, laj Moisés kixhupub' rib' chiru ch'och'

San Mateo 26:39

Kijilok chik kach'in ut kit'ane'k chi hupu, yo chi tijok: “At inYuwa', wi truuq, chinume'q li sek' a'in sa' inb'een; ab'an moko jo' ta li nawaj laa'in, jo'aq b'an li nakawaj laa'at”, chan.

1 Crónicas 21:16

Naq laj David ki'ilok taqe'q, kiril li x'ánjel li Qaawa' wank sa' xyanq li choxa rik'in li ruuchich'och', chi wank xjutz' ch'iich' sa' ruq', yo chi xjayalinkil Jerusalén. Toja' naq laj David ut eb' li cheekel winq ke'xhupub' rib' chiru ch'och', chi wank q'es ruhil t'ikr chirixeb'.

Josué 7:6

Toja' naq laj Josué kixq'ich li raq', kixhupub' rib' chiru li xLoq'laj Kaax li Qaawa' toj ki'ewuuk ut, rochb'eeneb' li cheekel winq, ke'xk'e pojtz' sa' xjolomeb'.

Números 16:42

Chixjunil li tenamit ke'ok chi xwech'inkil laj Moisés ut laj Aharón, ut eb' a'in ke'sutq'iik sa' li Loq'laj Na'ajej. Toja' naq li Choql kimuheelank re li Loq'laj Muheb'aal ut kik'utunk xloq'al li Qaawa'.

Números 14:10

Toja' naq chixjunil li komonil ke'ok raj chi xteninkileb' chi pek, ab'an li xloq'al li Qaawa' kixk'ut rib' chiruheb' chixjunil laj Israel sa' li Loq'laj Na'ajej.

Números 12:5

Toja' naq li Qaawa' kikub'e chaq sa' li choql ut kikanaak chire li Loq'laj Muheb'aal. Kixb'oq laj Aharón ut lix María, ut eb' a'an ke'jilok chi xk'atq li Qaawa':

Éxodo 17:4

Toja' naq laj Moisés kixyaab'a li Qaawa' ut kixye: “K'aru tinb'aanu rik'in li tenamit a'in? Kach'in chik maa nikine'xkuti chi pek”.

Éxodo 16:10

Toj yo ajwi' chi raatinankil chixjunileb' laj Israel, naq ke'ilok sa' xjayal li chaqich'och', ut k'utaamil chiruheb' sa' choql li xnimal xloq'al li Qaawa'.

Números 20:7

Li Qaawa' kiraatina laj Moisés ut kixye re: