Números 20:25 - Q'eqchi Bible

²⁵ B'oq chaq laj Aharón ut laj Elehasar li ralal, ut k'ameb' toj sa' xb'een li tzuul Hor.

Li Santil hu

²⁵ La̱at, Moisés, ta̱cꞌam laj Aarón rochben laj Eleazar li ralal ut texxic saꞌ li tzu̱l Hor.

Números 20:25 ပူးပေါင်းရင်းမြစ်များ

Números 3:4

Laj Nadab ut laj Abihú ke'kamk chiru li Qaawa' naq ke'xmayeja li xam li ink'a' xk'ulub' li Qaawa', sa' li chaqich'och'. Eb' a'an maak'a' ralaleb'; jo'kan naq laj Elehasar ut laj Itamar ke'kanaak cho'q aj tij chiru li xyu'am laj Aharón, li xyuwa'eb'.

Deuteronomio 10:6

(Eb' laj Israel ke'elk wan wi' li ha' aran Bené-Yahakán ut koheb' Moserá. Aran kikamk laj Aharón ut aran ajwi' kimuqe'k. Laj Elehasar, li ralal, kikanaak cho'q reeqaj, jo' aj tij.

Levítico 10:6

Chirix chik a'an laj Moisés kixye re laj Aharón ut reheb' li ralal, a' laj Elehasar ut laj Itamar: “Meehit leerismal chi moko teeq'ich leeraq' re xk'utb'al xrahil eech'ool. Mare anchal texkamq ut taachalq xjosq'il li Yos sa' xb'een li komonil. Li tento te'yaab'aq wi' leerech aj Israelil, a'an: naq xraho'k xch'ool li Qaawa' ut xtaqla chaq li xam.

Esdras 7:5

ralal laj Abisúa, ralal laj Pinjás, ralal laj Elehasar, ralal laj Aharón li xyuwa'il aj tij.