Números 20:20 - Q'eqchi Bible

²⁰ Kichaq'ok li awab'ej re Edom: “Ink'a' texnume'q”, chan. Ut li awab'ej rochb'een naab'aleb' laj puub' li jwal kaweb' rib' ke'elk chaq chi xk'ulb'aleb' laj Israel.

Li Santil hu

²⁰ Ut lix reyeb laj Edom quixye reheb laj Israel nak incꞌaꞌ naru teꞌnumekꞌ saꞌ lix naꞌajeb. Ut eb lix soldado laj Edom, li kꞌaxal cauheb rib, queꞌco̱eb chixcꞌulbaleb laj Israel.

Números 20:20 ပူးပေါင်းရင်းမြစ်များ

Amós 1:11

Jo'ka'in kixye li Qaawa': “Ak k'iila sut xinkuy xmaakeb' laj Edom ut anaqwan maak'a' chik xkuyb'al, xb'aan naq rik'in ch'iich' xe'raanilasiheb' laj Israel li riitz'ineb' ut xe'xsach xwankil li uxtaanank u. Xe'xtz'eqtaanaheb' chi junwaakaj ut junelik xe'xk'uula sa' xch'ooleb' li josq'ink.

Jueces 11:17

Toja' naq ke'xtaqla aj esil rik'in li awab'ej re Edom re xyeeb'al re: «B'aanu usilal, kanab'o chi nume'k sa' laana'aj», chankeb'. Ab'an li awab'ej re Edom ink'a' kiraj. Ke'taqlaak ajwi' aj esil rik'in li awab'ej re Mohab, a'ut chi moko a'an kixkanab'eb' laj Israel chi nume'k aran. Jo'kan naq ke'kanaak Kadés.

Salmos 120:7

Wi laa'in nin'aatinak chirix li tuqtuukil usilal, eb' a'an a' chik li yalok neke'raj ut neke'xsik'.

Jueces 11:20

Ab'an laj Sijón ink'a' kixkanab'eb' laj Israel chi nume'k sa' li xna'aj, kixch'utub'eb' b'an chixjunileb' li xpoyanam, koxe'xk'ojob' li xmuheb'aaleb' aran Yahás ut ke'ok chi yalok rik'ineb' laj Israel.

Números 20:18

A'ut li awab'ej re Edom kixye: “Ink'a' naru tatnume'q sa' lintenamit. Wi nakab'aanu, tin'elq rik'in ch'iich' chak'ulb'al”, chan.

Génesis 32:6

Naq eb' li taql ke'sutq'iik chaq rik'in laj Jakob, ke'xye re: “Xoowulak rik'in laj Esaú laawas, ut a'an chalk re chak'ulb'al rochb'eeneb' jun o'q'ob' (400) chi winq”.

Génesis 27:41

Chalen sa' li kutan a'an laj Esaú ki'ok chi xxik'b'al rilb'al laj Jakob xb'aan li osob'tesiik xk'ulum rik'in li xyuwa'. Ut kixye sa' xch'ool: “Taanach'oq chaq li xkamik linyuwa'. Toja' naq tinkamsi laj Jakob li wiitz'in”, chan sa' xch'ool.

Números 20:21

Ramro li xb'eheb' laj Israel xb'aaneb' laj Edom sa' li xch'och'eb'; jo'kan naq koheb' sa' jalan chik b'e.