Números 20:16 - Q'eqchi Bible

¹⁶ Toja' naq laa'o kootz'aamank koo'elajink chiru li Qaawa' ut A'an kirab'i li xyaab' qakux: kixtaqla jun li x'ánjel qik'in ut koorisi chaq Ejiipt. Anaqwan wanko arin Kadés, li wank chi xnub'ajlil laana'aj.

Li Santil hu

¹⁶ Nak kaya̱ba xcꞌabaꞌ li Ka̱cuaꞌ, quirabi li katij ut quixtakla jun lix ángel chikisinquil aran Egipto. Anakcuan cuanco Cades, li tenamit li cuan nachꞌ riqꞌuin lix nuba̱l la̱ naꞌaj.

Números 20:16 ပူးပေါင်းရင်းမြစ်များ

Éxodo 14:19

Toja' naq li x'ánjel li Yos li yo chi k'amok xb'eheb' laj Israel kixjal xna'aj ut kiq'axonk chirixeb'. Jo'kan ajwi' li choql li wank chi uub'ej ki'elk aran ut koxk'e rib' chi ixb'ej:

Éxodo 33:2

Laa'in tintaqla cheru jun li ánjel; twisiheb' laj Kanahán, laj Amor, laj Hit, laj Perés, laj Jib ut laj Jebús,

Éxodo 23:20

“K'e reetal, laa'in tintaqla jun lin'ánjel chawu re naq tatril sa' b'e ut tatxb'eres toj sa' li na'ajej li xinkawresi cho'q aawe.

Éxodo 14:10

Naq yo chaq chi nach'ok laj Parahón, eb' laj Israel ke'xtaqsi rilob'aaleb' ut, naq ke'ril eb' laj Ejiipt chirixeb', k'ajo' naq ke'xiwak ut ke'xyaab'a li Qaawa'.

Éxodo 6:5

Ut anaqwan, naq xwab'i li xkawil yaab'eb' laj Israel rahob'tesinb'ileb' xb'aaneb' laj Ejiipt, xnaqk sa' inch'ool linloq'laj Sumwank.

Números 20:15

Eb' li qaxe' qatoonal ke'kub'eek Ejiipt ut najt koowank chaq aran. A'ut eb' laj Ejiipt jwal ra ke'xb'aanu chaq qe jo' ajwi' reheb' li qana' qayuwa'.

Números 21:22

“Twaj nume'k sa' laatenamit. Ink'a' tqach'ik qib' sa'eb' laawawimq ut sa' xyanqeb' laa'uub', chi moko too'uk'aq sa' xjulel laaha'. Tiik tooxik sa' li nimb'e toj reetal toowulaq sa' xnub'ajlil laatenamit”, chankeb'.

Números 33:37

Ke'elk Kadés ut koxe'hilanq wan wi' li tzuul Hor, sa' xnub'ajlil li tenamit Edom.

Josué 15:1

A'an a'in li ch'och' kik'ehe'k rik'in b'uulink reheb' li ralal xk'ajol laj Judá, chi ch'uutal. Li na'ajej a'in natiklaak chaq sa' xnub'ajl Edom ut sa' li chaqich'och' re Sin, sa' xjayal rokeb'l iq', ut nawulak toj Kadés, sa' rokeb'l iq'.

Daniel 6:22

LinYos xtaqla chaq li x'ánjel chi xtz'apb'al li reheb' li kaqkoj, ut maak'a' junaq rahilal xe'xb'aanu we, xb'aan naq maak'a' inmaak chiru A'an chi moko xinb'aanu junaq ch'a'ajkilal chawu laa'at”, chan laj Daniel.

Deuteronomio 4:34

Ma wank junaq yos xolxsik' ta xtenamit sa' xyanqeb' jalan chik tenamit rik'in xyalb'al rix ut xninqal eetalil, sachb'ach'oolej ut yalok u, rik'in xkawilal li ruq' ut li xtel, jo'wi' rik'in xninqal rahilal, jo' kixb'aanu sa' xnaq' eeru li Qaawa' leeYos eerik'in aran Ejiipt?

Deuteronomio 4:37

A'an kixraheb' laana' laayuwa'; jo'kan naq kixsik'eb' ru li ralal xk'ajoleb' ut katrisi chaq Ejiipt rik'in xnimal xwankil,